આષાઢી સાંજનાં અંબર ગાજે – ઝવેરચંદ મેઘાણી

૨ વર્ષ પહેલાના અષાઢ મહિનામાં સંભળાવેલું આ ગીત – આજે ફરી એકવાર… ગીત જો કે એટલું મઝાનું છે કે અષાઢ હો કે વસંત – એના તાલ સાથે ડોલવાનું મન થઇ જ જાય..! થોડા વખત પહેલા ‘ડગલો’ આયોજિત ‘મેઘાણી વંદના’ કાર્યક્રમમાં જ્યારે માધ્વીબેન-અસીમભાઇ અને સાથીઓએ આ ગીત રજૂ કર્યું ત્યારે મારા જેવા કેટલાય શ્રોતાઓ માટે ખુરશીમાં બેસી રહેવું મુશ્કેલ થઇ ગઇ હતું..! 🙂

સ્વર : માધ્વી – અસીમ મહેતા અને સાથી (હેતલ બ્રહ્મભટ્ટ, સુમોહા પટેલ, આણલ અંજારીઆ)
ડગલો કાર્યક્રમ ‘મેઘાણી વંદના’ દરમ્યાન રજૂઆત

* * * * * * * * * * * * * * * * * * * * * * * * * * * * *

Posted on – July 19, 2010

આષાઢી બીજ આવી અને ગઇ.. અને આમ તો મમ્મી એ ૧૦-૧૨ દિવસ પહેલા યાદ કરાવેલું કે તારી પાસે પેલું ‘અષાઢી મેઘના અંબર ગાજે’ વાળું ગીત હોય તો અષાઢ મહિનો શરૂ થાય ત્યારે મૂકજે… પણ બીજી બધી દોડા-દોડીમાં રહી જ ગયું…

તો ચલો, માણીએ આ મઝાનું ગીત – અને સાથે પાર્થિવ ગોહિલનો અવાજ… એમણે વર્ષો પહેલા સારેગામાની મેગા ફાઇનલમાં કરેલી રજૂઆત સાથે..!

http://www.youtube.com/watch?v=02XJmaS6zqY

આષાઢી સાંજનાં અંબર ગાજે
અંબર ગાજે,મેઘાડંબર ગાજે !
—આષાઢી.

માતેલા મોરલાના ટૌકા બોલે
ટૌકા બોલે, ધીરી ઢેલડ ડોલે.—
આષાઢી .

ગરવા ગોવાળિયાના પાવા વાગે
પાવા વાગે,સૂતી ગોપી જાગે.
—આષાઢી .

વીરાની વાડીઓમાં અમૃત રેલે,
અમૃત રેલે, ભાભી ઝરમર ઝીલે
—આષાઢી.

ભાભીની રાતીચોળ ચૂંદડ ભીંજે,
ચૂંદડભીંજે,ખોળે બેટો રીઝે.
—આષાઢી.

આષાઢી સાંજનાં અંબર ગાજે
અંબર ગાજે મેઘાડંબર ગાજે !

***********

(શબ્દો માટે ગોપાલકાકાનો આભાર)

પપ્પા વિશેનું ગીત – ભરત ભટ્ટ ‘પવન’

કવિઓને ને લેખકોને સમજાવો કોઈ રીતે
મા વિશે તો ખૂબ લખાયું, કેમ ના પપ્પા વિશે !

બાપ બન્યો એ ત્યારે એની આંખોમાં ઝાંકેલું ?
સપનાંઓનું એક પતંગિયું એમાં પણ નાચેલું
એની કદર પણ થવી જ જોઈએ સર્જનહાર તરીકે
મા વિશે તો….

ઘણા દિવસ તો એ પણ એક જ પડખે સૂઈ રહેલો
ઘણા દિવસ તો પત્નીથી પણ અળગો થઈ ગયેલો
તો પણ બજાર, બૅન્ક, બધ્ધે મુન્નો એની જીભે
મા વિશે તો….

દીકરી આવી ત્યારે પણ રાખી’તી બવ્ય ઉજાણી,
સાસરિયે ગઈ તો પપ્પાની આંકો બહુ ભીંજાણી
આખું ઘર સચવાઈ રહે છે પપ્પાની છત નીચે
મા વિશે તો….

– ભરત ભટ્ટ ‘પવન’

બંસીના સૂર તમે – દિલીપ રાવળ

આજે સાંભળીએ ટહુકો પર એક નવો અવાજ… સ્તુતિ કારાણી! અને સ્વરકારનું નામ પણ નવું છે ટહુકો માટે – અમદાવાદના સુગમ વોરા. મને તો આ સ્વરાંકન અને મધમીઠો અવાજ સાંભળવાની ખૂબ જ મઝા આવી… તમને પણ ગમશે ને?

તા.ક. – ફેસબુક પર ફિરદૌસભાઇએ આ ગીત માટે જે મઝાની વાત લખી એ અહીં વહેંચવાની લાલચ રોકી ન શકી..!
શુદ્ધ સુશ્રાવ્ય મધુર મિસરી જેવો અવાજ (સ્તુતિ કારાણી), કમ્પોઝિશનને અદ્ભુત ઉઠાવ આપતું અતિસુંદર મ્યુઝિક અરેન્જમેન્ટ (સુગમ વોરા) ,સુંદર રેકોર્ડીંગ. રીધમ અને મેલોડીનું સુંદર મિશ્રણ. – ડો. ફિરદૌસ દેખૈયા 


રાધાની આંખ મહી કા’નાનો પ્રેમ….(Photo : Exotic India )

સ્વર – સ્તુતિ કારાણી
સંગીત – સુગમ વોરા

બંસીના સૂર તમે છેડો જો કા’ન, મારા કાનોમાં મધનો વરસાદ જો,
એક મનગમતો જન્મે ઉન્માદ જો…

છલકયાં ને કીધું મેં ગોકુળીયું ગામ અને મલકયાંનું કાલિંદી નામ,
છલકયાં ને મલકયાં નો સરવાળો કીધો, તો પ્રગટ્યા’તા પોતે ઘનશ્યામ,
પ્રગટીને પનઘટ પર પ્રીતીનો પાડયો’તો કા’ન તમે મીઠેરો સાદ જો…

બંસી જેવા જ તમે પાતળીયા શ્યામ અને હળવા કે પાંપણનો ભાર,
એક એક હૈયામાં કેવા વસો છો ને રાખો છો સૌની દરકાર,
કા’ન તણા કામણને બીરદાવું કૈ રીતે મનમાં જન્મે છે વિવાદ જો…

રાધાની આંખ મહી કા’નાનો પ્રેમ અને કા’નાની કીકીમાં રાધા,
જ્યાં લગ ઓ શ્યામ તમે જાકારો ના દો ને ત્યાં લગ છે રહેવાની બાધા,
કા’ન તમે મારૂ એ અણપ્રગટયું ગીત હવે ગોકુળીયું દેશે રે દાદ જો…

– દિલીપ રાવળ

એક ચોમાસે – રાજેન્દ્ર શુક્લ

કાવ્યપઠન : રાજેન્દ્ર શુક્લ

સામા ગામનું સાવ છેવાડું ખોરડું
એવું એક ચોમાસે આંખમાં આવ્યું,
ઉડતાં ઓલ્યાં પંખેરું ને જાણ થઈ
તે ગીત જોડ્યાં ને વન ગજાવ્યું.

વચમાં વ્હેતલ નદી નીરની નમણાઈમાં
નેણ ઝબોળ્યાં,
હૈયે ઊઠ્યાં લ્હેરિયાં એને આભ હિલોળ્યાં,
દૂરને ઓલે ડુંગર ડુંગર નીલમ કોળ્યાં,
જેમ ધરાના સાત જનમનું
. હોય કોળામણ સામટું આવ્યું.

કેટલી વેળા,
કેટલી વેળા આભને ભરી આભ ઘેરાયું,
કેટલી વેળા ધોરીએ ધોરીએ ક્યારીએ ક્યારીએ
નીર રેલાયું.
કેટલી વેળા કાળને કાંઠે ઈ જ ખેતર
કેટલું લણ્યું કેટલું વાવ્યું !
ઈ દંનની ઘડી, આજનો દા’ડો,
કોઈ ચોમાસું આંખમાં ના’વ્યું.

સામા ગામનું સાવ છેવાડું ખોરડું
એવું એક ચોમાસે આંખમાં આવ્યું.

– રાજેન્દ્ર શુક્લ (કોમલ રિષભ – પૃ. ૯)

ઝરણું રમતું રમતું આવે – ઉમાશંકર જોષી

અમારી ‘ડગલો’ સંસ્થા આયોજિત ‘ઉમાશંકર જોષી’ શતાબ્દી ઉત્સવની શરૂઆત આ નાનકડી બાળકીએ કરી, પોતાના મધમીઠા સ્વરમાં એક નાનકડી સ્તુતિ સાથે..! અને પછી એણે પોતાની જેમ જ ઉછળતા કુદતા ઝરણાનું આ મસ્ત મઝાનું ગીત રજૂ કર્યું. એ પછી ઘણીવાર આ રેકોર્ડિંગ માણ્યું છે – તો આજે એ તમારી સાથે પણ વહેંચી લઉં..!

સ્વર – શ્રાવ્યા અંજારિયા

ઝરણું રમતું રમતું આવે,
ઝરણું રમતું રમતું જાય.

ઝરણું રૂમઝૂમ કરતું નાચે,
ઝરણું ઝમઝમ કરતું ગાય.

ઝરણું ડુંગર કરાડ કૂદે,
ઝરણું વન વન ખીણો ખૂંદે,
ઝરણું મારગ ધોતું દૂધે,

ઝરણું અલકમલકથી આવે
ઝરણું અલકમલકથી જાય

ઝરણું રમતું રમતું આવે
ઝરણું રમતું રમતું જાય.

 – ઉમાશંકર જોષી


સીમ ભરીને ટહુકે રે અવસાદ સાંભળું – રાજેશ વ્યાસ ‘મિસ્કીન’

વરસે નવલખ ધારે રે વરસાદ સાંભળું,
ધસમસતી ઘુમ્મરીઓ ખાતી યાદ સાંભળું.

અન્દર બાહર સરખો રે ઉન્માદ સાંભળું,
જળરૂપે હા એ જ પરિચિત સાદ સાંભળું.

અમે રહી ગયા કોરા રે ફરિયાદ સાંભળું,
સપનાંનો જન્મો જૂનો અપવાદ સાંભળું.

એકલતાના આંગણનો સંવાદ સાંભળું,
થતો કડકાબન્ધ એ અનુવાદ સાંભળું.

સીમ ભરીને ટહુકે રે અવસાદ સાંભળું,
હતો તું થકી કદીક એ આહલાદ સાંભળું.

-રાજેશ વ્યાસ ‘મિસ્કીન’

રજૂઆત – જુલાઈ ૨૧, ૨૦૧૨ (Milpitas, CA)

 Bay Area ના જાણીતા અને ડગલો ટીમના સક્રિય સભ્ય ડીમ્પલ પટેલ
રજૂ કરે છે લેટેસ્ટ
ગુજરાતી ગીત-ગઝલ નો અનોખો કાર્યક્રમ…
રજૂઆત

Date – જુલાઈ ૨૧, ૨૦૧૨ – શનિવારે સાંજે ૬:૦૦ વાગે
Venue – BAYVP હવેલી
25 Corning Ave.,
Milpitas, CA 95035

for more inquiries…..
Contact – Dimple Patel – (408)646-0330 or email at tabla12@yahoo.com

છઠ્ઠી વર્ષગાંઠ Special : વરસાદી ગીતો

ટહુકોના એક ખાસ મિત્રએ થોડા દિવસ પહેલા એક ફરમાઇશ કરી.. કે જુન ૨૦મી એ અષાઢી બીજ આવે છે – ગરમ ગરમા ચા અને ભજીયા ખાતા ખાતા સાંભળવાની મઝા આવી જાય, એવું કોઇ મઝ્ઝાનું વરસાદી ગીત મુકજો..!

અમને થયું – ચા અને ભજીયાની મઝા કંઇ પાંચ મિનિટ માટે ઓછી હોય? એટલે એકને બદલે આ બધા જ ગીતો લઇ આવ્યા..!! અરે, ચા મુકવા માટે ગેસ ચાલુ કરો એ પહેલા આ નીચેના પ્લેયર પર ક્લિક કરતા જાવ..! (અને speaker નો volume વધારતા જાવ). પછી ચા મુકાય, ભજીયા માટે કાંદા – બટાકા – રતાળુ એવું બધું કપાય, અને ભજીયા તળાય અને ખવાય – ત્યા સુધી આ મઝાના વરસાદી ગીતો સાંભળો..!!

આ આષાઢી સાંજનાં ફોટા નીચેનાં પ્લેયર પર ક્લિક કરો – અને સાંભળો વરસાદી ગીતો….  Hours of our favorite music without interruption..!! :)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

૦૧ આવ રે વરસાદ… – સંજય વિ. શાહ

૦૨ અઢી અક્ષરનું ચોમાસુ – ભગવતીકુમાર શર્મા

૦૩ ગરજ ગરજ વરસો – કાંતિ અશોક

 

Continue reading →

છઠ્ઠી વર્ષગાંઠ Special: ગમતા ગીતો

૧૨મી જુન ૨૦૧૨ એ ટહુકો.કોમની છટી વર્ષગાંઠ ગઈ. ખૂબ બધી શુભેચ્છાઓ અને અભિનંદન આવ્યા. આમારા તરફથી ટહુકો.કોમ ના બધા ચાહકોનો આભાર..!

થોડી મોડી મોડી તો યે – આ છઠ્ઠી વર્ષગાંઠની ઉજવણીની શરૂઆત કરીએ..! ટહુકોની ઉજવણીમાં દર વર્ષની જેમ જ – આ વર્ષે પણ થોડા ગમતા ગીતો/ગઝલો/ભજનો એવું બધું….! એમ નહીં કહું કે આ શ્રેષ્ઠ ગીતો છે – પણ આ એવા ગીતો છે કે જે આજે બીજા ગીતો કરતા પહેલા યાદ આવ્યા છે..! … થોડી એવી રચનાઓ જે વારંવાર સાંભળવી – મમળાવવી ગમે છે – અને સાથે ફરી એકવાર વહેંચવી પણ ગમે છે..!!

આશા છે – કે આવનાર વર્ષોમાં પણ આપ સૌનો એટલો જ પ્રેમ-સાથ-સહકાર મળતો રહે – અને ટહુકો આમ જ ટહુકતો રહે..!!

આ મોરપીંછનાં ફોટા નીચેનાં પ્લેયર પર ક્લિક કરો – અને સાંભળો ‘જયશ્રી-અમિત’ના ગમતા ગીતો..  Hours of our favorite music without interruption..!! 🙂

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


૦૧ સખી! મારો સાયબો સૂતો – વિનોદ જોષી

૦૨ તમારા સમ – મુકુલ ચોક્સી

૦૩ કે બેઠો મૂંછોના ખેતરમાં બગલો – ડૉ. વિવેક મનહર ટેલર

Continue reading →

‘સિલ્વર જ્યુબિલી’ નાટક…. Not to be missed..!!

સ્નેહભિની આંખે હસાવતું
ર૫ વર્ષના લગ્નજીવનના ડાયરીના પાનામાંથી વહેતું

નાટકના ફ્લાયરમાં આ શબ્દો વપરાયા છે.. પણ જોતી વખતે એવું અનુભવાય કે જાણે ડાયરીના પાનામાંથી નહીં – પણ ક્યાંક ને કશેક – આપણે જીવેલી ક્ષણો, અનુભવેલા સંવેદનો, હોઠથી સરી ગયેલા કે હોઠ સુધી આવીને અટકી ગયેલા શબ્દો – એ બધુ લઇને – આપણી સાથે જ વહેતું નાટક છે આ..!!

હું અને અમિત – અમે સાથે જોયેલું આ પહેલું નાટક. અને આમ ભલે અમારે સિલ્વર જ્યુબિલી ઉજવવાને ઘણી વાર છે – પણ ‘પ્રિયા અને પરમ’ ના કેટલાય સંવાદો પર અમે – એકમેક સામે જોઇ ને મલક્યા છે. અને સાથે જ મેં અમિતનો ખભો પણ કેટલો ભીનો કર્યો..! 🙂

અને નાટકના કોઇ એક મજબૂત પાસાની વાત કરવી શક્ય જ નથી..! દરેક કલાકારનું એકદમ powerful performance , કાજલબેનની એટલી જ દમદાર કલમ, વિરલભાઇનું Award Winning Direction, કવિ શ્રી મનોજ જોશી ‘મન’ ના હ્રદયસ્પર્શી ગીતો અને શૌનક પંડ્યાનું સાંભળતાજ ગમી જાય એવું સંગીત..!

 

Continue reading →