વીસ વર્ષ પહેલા.. જયારે Smartphone, Social Media, Instagram અને YouTube Shorts એ દુનિયા માથે ન્હોતી લીધી … ગુજરાતી blogs ની એક નાનકડી દુનિયાએ, દેશ છોડીને વિદેશ ભણવા આવેલી એક છોકરીને સહારો આપ્યો. એક-બે કવિતાઓ એણે બીજા bloggers ને મોકલી , એમાંથી એક મિત્ર એ કહ્યું – તારો પોતાનો બ્લોગ શરુ કર! બીજા થોડા મિત્રોએ કહ્યું – blogging સહેલું છે, અમે મદદ કરશું. અને 12મી જૂન, 2006 ના દિવસે – આમ કહો તો રમત રમતમાં – ટહુકો અને મોરપિચ્છ – બે નવા બ્લોગની શરૂઆત થઇ .. અને સાચા અર્થમાં જીંદગીની દિશા બદલાઈ ગઈ.
ટહુકોએ મને શું આપ્યું એની Balance Sheet નથી બનાવવી આજે – પણ ટહુકો સાથેના પ્રવાસમાં જે જીગરજાન મિત્રોનો સાથ રહ્યો – એ બધાને ખૂબ ખૂબ વ્હાલ સાથે એમનો ઋણ સ્વીકાર કરવો છે.
વધારે નહિ કહું – શબ્દો ઓછા પડે છે … પણ આ મારા ખુબ ગમતા બે ગીતો સાંભળો ☺️
.
