રીમઝીમ બરસે બાદલ બરસે – સુન્દરમ્
સંવેદનાની સૂરાવલીની તૈયારી માટે ગયા રવિવારે અમે બધા મળ્યા ત્યારથી આ ગીત ગૂંજે છે. તો થયું, આજે તમને પણ આ ગીત સંભળાવી જ દઉં..! આમ તો દેશમાં વરસાદના જવાના એંધાણ છે – અને અમારે ત્યાં અહીં એના આવવાને હજુ વાર છે… પણ પિયુના આવવાના એંધાણ હોય ત્યારે તો ગમે તે મોસમમાં પણ વરસાદની સોડમ આવે, કાનમાં મોરના ટહુકા સંભળાય, અને મનમાં ગુંજે રીમઝીમ વરસતા વાદળના ઝંકાર…
સ્વર – વિભા દેસાઇ
સ્વરાંકન – ક્ષેમુ દિવેટીઆ
રીમઝીમ રીમઝીમ રીમઝીમ રીમઝીમ
બાદલ બરસે , રીમઝીમ બાદલ બરસે ,
રીમઝીમ બરસે , બાદલ બરસે
હો….મારું મન ગુંજે ઝનકાર , મારું મન ગુંજે ઝનકાર
રીમઝીમ બરસે , બાદલ બરસે
રીમઝીમ રીમઝીમ રીમઝીમ રીમઝીમ!!!!
સાવન ની સખી સાંજ સુહાગી
કરતા મોર પુકાર ,ગગન ગોખ થી
મદભર નૈના , વીજ કરે ચમકાર
મારું મન ગુંજે ઝનકાર
રીમઝીમ બરસે , બાદલ બરસે
રીમઝીમ રીમઝીમ રીમઝીમ રીમઝીમ
આંજણ આંજું , પહેરું પટોળા
સોળ સજું શણગાર ,
કઈ દિશ થી મારો કંથ પધારે
કોઈ દિયો અણસાર …
મારું મન ગુંજે ઝનકાર
રીમઝીમ બરસે , બાદલ બરસે
રીમઝીમ રીમઝીમ રીમઝીમ રીમઝીમ
– સુન્દરમ્
વર્ષગાંઠ મુબારક હો, જયશ્રી…
(વર્ષગાંઠની શત શત કોટિ વધાઈ… …યોસેમાઇટ પાર્ક, અમેરિકા, ૨૦૧૧)
*
આમ તો ટહુકો.કોમ એટલે જયશ્રી અને અમિતની ગરાસ… પણ કેટલાક દિવસ હું આ સાઇટ પર વિના પરવાનગી નોંક-ઝોંક કરી લેવાની મારી આદત છોડી શકતો નથી.
આજે ચોથી સપ્ટેમ્બર… જયશ્રીની વર્ષગાંઠ… આજનો દિવસ વળી એટલા માટે પણ ખાસ છે કે જયશ્રીના જીવનમાં આજની વર્ષગાંઠ એક નવી વસંત સાથે ઊઘડી છે… (હવે આ વસંતનું રહસ્ય મને ના પૂછશો… કેટલીક છીપના મોતી સમયના મરજીવાના હાથે જ ઊઘડે એ સારું!)
પ્રિય જયશ્રીને જન્મદિવસની ખૂબ ખૂબ શુભકામનાઓ…
અને હા, જયશ્રીની એક ખૂબ જ ચોટદાર કવિતા લયસ્તરો.કોમ પર આજે મૂકી છે. એ નહીં વાંચો તો જયશ્રીને પાઠવેલી આપની શુભકામનાઓ અધૂરી જ ગણાશે… કવિતા વાંચવા માટે અહીં ક્લિક કરો: http://layastaro.com/?p=10466
– વિવેક
जसोदा हरी पालने झुलावे – संत कवि श्री सूरदास
બસ થોડા દિવસો પહેલા જ બધાએ જન્માષ્ટમીના દિવસે વ્હાલા કાનુડાને Happy Birthday તો કર્યું જ હશે..! તો એ જ અવસર પર આજે ટહુકો પર સાંભળીએ અમારા SF Bay Area ના ઘણા જ જાણીતા ગાયિકા દર્શનાબેનના અવાજમાં કવિ શ્રી સૂરદાસના શબ્દો…!
સ્વરાંકન : પ્રવિણ ચઢ્ઢા
સ્વર : દર્શના શુક્લ
આલ્બમ : સૂર હરિ સુમિરન
जसोदा हरी पालने झुलावे।
हलरावै दुलराई मल्हावे, जोई सोयी कछु गावै ।। १
मेरे लाल को आऊ निंदरिया, कहे ना आनी सुनावे।
तू कहे नहीं बेगहिं आवे, तोकौं कान्हा बुलावै।। २
कबहु पलक हरी मुंदी लेत है, कबहु अधर फरकावे।
सोवत जानी मौन है कै राहि, करी करी सैन बतावै।। ३
इहि अंतर अकुलाई उठे हरी, जसुमति मधुरै गावै।
जो सुख सूर अमरमुनि दुर्लभ, सो नंदभामिनी पावै।। ४.
– संत कवि श्री सूरदास
પીધાં અક્ષર ઢાઈ – જિગર જોષી ‘પ્રેમ’
પીધાં અક્ષર ઢાઈ મેં તો પીધાં અક્ષ્રર ઢાઈ
ભીડ ચૂભે છે કાંટા થઇને સતત ચહુ તનહાઇ
પીધાં અક્ષર ઢાઈ
જનમ જનમની પ્રીત પિયાસી મૌન મૌનમાં ગાતી
અધર ઉપર ઉઘડ્યા છે હરિવર મહેક મહેક હું થાતી
પરમ પદારથ પામી હું તો બજુ થઈને શહેનાઇ
નજર ભરીને ઘડી ઘડીએ નિરખુ તમને શ્યામ
તમ હોંઠો પર હું બંસી થઉં પછી અજબ આરામ
जहाँ कहो वहाँ चलेंगे अब तो मैं तुम्हरी परछाई
પીધાં અક્ષર ઢાઈ
– જિગર જોષી ‘પ્રેમ’
એમ થોડો લગાવ રાખે છે – હેમંત પુણેકર
કાવ્ય પઠન – હેમંત પુણેકર
એમ થોડો લગાવ રાખે છે
સ્વપ્નમાં આવજાવ રાખે છે
ક્યાં એ આપે છે છૂટ્ટો દોર કદી
હલકો હલકો તણાવ રાખે છે
ફૂલ શી જાત રક્ષવા માટે
કાંટા જેવો સ્વભાવ રાખે છે
એ તો દબડાવવા સમંદરને
ફક્ત કાગળની નાવ રાખે છે
ભૂલી ગઈ છે સુગંધી ઘટનાઓ
યાદ એક અણબનાવ રાખે છે
– હેમંત પુણેકર
******
(આભાર – હેમકાવ્યો)
એકલો દરિયો – સુરેશ દલાલ
આટઆટલી પથરાઈ છે રેતી તોયે સાવ એકલો દરિયો;
મોજાંઓની માયા અહીંયાં વહેતી તોયે સાવ એકલો દરિયો !
બપોરના સૂરજમાં એની એકલતા અમળાય
અને રાતના અંધારું થઈ એકલતા સંભળાય.
રંગરંગની માછલીઓ ને મોતી તોયે સાવ એકલો દરિયો !
મોજાંઓની માયા અહીંયાં વહેતી તોયે સાવ એકલો દરિયો !
પંખીની છાયામાં દરિયો કણસે ખારું ખારું,
તરડાયેલા તરંગથી હું ચહેરાને કંડારું.
ઝીણીઝીણી જાળ નજરની જોતી : મારો સાવ એકલો દરિયો
મોજાંઓની માયા અહીંયાં વહેતી તોયે સાવ એકલો દરિયો.
-સુરેશ દલાલ
(આભાર – લયસ્તરો)
કાળજ કોર્યું તે કોને કહીએ – દયારામ
સ્વરકાર – નીનુ મઝુમદાર
સ્વર – કૌમુદી મુન્શી
પ્રસ્તુતકર્તા – તુષાર શુક્લ (રેડિયો રેકોર્ડિંગ)
કાળજ કોર્યું તે કોને કહીએ રે ઓધવ! છેલછબીલડે?
વેરી હોય તો વઢતાં રે ફાવીએ, પણ પ્રાણથી પ્યારો એને લહીએ રે! ઓધવ!
ધીખીએ ઢાંક્યા તે કહ્યે નવ શોભીએ, ડાહ્યાં શું વાહ્યાં નાને છૈયે રે! ઓધવ!
સોડનો ઘાવ માર્યો સ્નેહી શામળિયે! કિયા રાજાને રાવે જઈએ રે! ઓધવ!
કળ ન પડે કાંઈ પેર ન સૂઝે! રાત દિવસ ઘેલાં રહીએ રે! ઓધવ!
કાંઈ વસ્તુમાં ક્ષણ ચિત્ત ન ચોંટે! અલબેલો આવી બેઠો હૈયે રે! ઓધવ!
દયાના પ્રીતમજી ને એટલું કહેજો: ક્યાં સુધી આવાં દુખ સહીએ રે! ઓધવ!
– દયારામ
વાદળની રેલગાડી – કૃષ્ણ દવે
મન મુકીને વરસી રહેલા વરસાદનું બાળગીત …….
વાદળની રેલગાડી આવે રે લોલ
પવનભાઈ પોત્તે ચલાવે રે લોલ
ગરજીને વ્હીસલ વગાડે રે લોલ
ટહુકાઓ સિગ્નલ દેખાડે રે લોલ
ડબ્બામાં છલકાતા છાંટા રે લોલ
મેઘધનુષ એના છે પાટા રે લોલ
સ્ટેશન આવે તો જરા થોભે રે લોલ
ભીંજાતા ગામ કેવા શોભે રે લોલ
ખળ ખળ ખળ ઝરણાઓ દોડે રે લોલ
ઊંચા બે પર્વતને જોડે રે લોલ
ખેતર ક્યે ખેડુતજી આવો રે લોલ
મનગમતા સપનાઓ વાવો રે લોલ
કૂંપળબાઈ દરવાજા ખોલે રે લોલ
લીલ્લુંછમ લીલ્લુંછમ બોલે રે લોલ
– કૃષ્ણ દવે
‘સંવેદનાની સૂરાવલી’ – Sept. 14, 2013 – Bay Area, CA
તમને કદાચ ખબર હશે, ટહુકો.કોમની પ્રવૃતિને વધુ સારી રીતે આગળ ધપાવવા, અને ટહુકો થકી જે ગુજરાતી કાવ્ય-સંગીત ક્ષેત્રે કામ કરવું છે – એ માટે અમે ‘ટહુકો ફાઉન્ડેશન’ ની સ્થાપના કરી રહ્યા છીએ. ટહુકો ફાઉન્ડેશન વિષે વધુ માહિતી અહીં ટહુકો.કોમ પરથી ટુંક સમયમાં મળશે જ.
અને ટહુકો ફાઉન્ડેશનના સૌથી પહેલા Fundraising Program ની માહિતી આ રહી. આ પ્રોગ્રામની સફળતા માટે આપ સૌની શુભેચ્છાઓની જરૂર છે. મોકલશો ને? (અને આપ અહીં બે-એરિયા કે આજુબાજુ રહેતા હો, અને આ પ્રોગામમાં આવી શકશો, તો ઘણું ગમશે 🙂 )
Host: Tahuko Foundation (415) 902-3707
When: Saturday, September 14, 2013 at 5:00 PM
Where: 1198 Kottinger Dr Pleasanton, CA 94566 (House courtesy Darshna Narendra Bhuta-Shukla)
This event being a House concert, there is Limited seating at the event, so please buy the tickets online in Advance to avoid disappointment. Highly recommend to those who are interested to get their tickets as soon as possible as they are selling very quickly.
Tickets : $20 per person includes Dinner.
Tickets available on https://tahuko.com/?p=14650. Click on “Add to Cart” Button.
Do not need Paypal account to by tickets online. The safer, easier way to pay online!
Tickets also available by phone (415) 902-3707
For Tickets & more Information,
Please call or e-mail:
Amit Patel : jbhakta@tahuko.com, or call (415) 902-3707. Tickets available by phone at this number.
Hetal Bhrahmbhatt : hetalniraj@gmail.com, (510) 579-8738
Mahendra Mehta : mandmmehta@gmail.com, (650) 353-1159
If you want to mail a check email us at the following address at jbhakta@tahuko.com
