ટહુકો શરૂ કર્યાના બસ થોડા જ દિવસોમાં ફક્ત શબ્દોમાં પ્રસ્તુત કરેલી આ સ્તુતિ – આજે રવિન નાયકના સ્વર-સ્વરાંકન સાથે ફરી એકવાર….

થોડા દિવસો પહેલા જ વડોદરાના ‘રે મ પ ની’ ગ્રુપની સી. ડી. – અંતરનો એક તાર (ભાવગીતો) જે Children’s University, Gujarat દ્રારા બહાર પાડવામાં આવી છે.

 

 

********

સ્વર-સ્વરાંકન : રવિન નાયક

********

Posted on June 25, 2006

આપને તારા અંતરનો એક તાર
બીજું હું કાંઇ ન માગું
સુણજે આટલો આર્ત તણો પોકાર
બીજું હું કાંઇ ન માગું .

તૂંબડું મારું પડ્યું નકામું
કોઇ જુએ નહીં એના સામું;
બાંધીશ તારા અંતરનો ત્યાં તાર
પછી મારી ધૂન જગાવું.

સુણજે આટલો આર્ત તણો પોકાર
બીજું હું કાંઇ ન માગું .

એકતારો મારો ગુંજશે મીઠું
દેખાશે વિશ્વ રહ્યું જે અદીઠું;
ગીતની રેલશે એક અખંડિત ધાર,
એમાં થઇ મસ્ત હું રાચું.

આપને તારા અંતરનો એક તાર
બીજું હું કાંઇ ન માગું

‘બાદરાયણ’ – ભાનુશંકર બા. વ્યાસ