Category Archives: કાવ્ય પઠન

કાવ્ય પઠન શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

હું મળીશ જ - રાજેન્દ્ર શુક્લ
'વ્હાલ વાવી જોઈએ' : ગૌરાંગભાઈ ઠાકરનો બીજો કાવ્યસંગ્રહ
.... તો બેધડક તું મારી પાસે આવજે - ઊર્મિ
…કે બેઠો મૂંછોના ખેતરમાં બગલો - ડૉ. વિવેક મનહર ટેલર
कुछ लम्हे ऐसे होते है - વિરલ રાચ્છ
અવાજ જુદો - રાજેન્દ્ર શુક્લ
આખા નગરની જલતી દીવાલોને... - મુકુલ ચોક્સી
આપણે તો આવળ ને બાવળની જાત - કૃષ્ણ દવે
ઉદાસી વેડફી જો નાખવાની હોય તો - ગુંજન ગાંધી
ઋણાનુબંધ પાછો નીકળ્યો - ધૂની માંડલિયા
એક ચોમાસે - રાજેન્દ્ર શુક્લ
એમ થોડો લગાવ રાખે છે - હેમંત પુણેકર
એમજ મળે છે જીંદગી - હિમાંશુ ભટ્ટ
કમ સે કમ આટલું તો થાય... - અનિલ ચાવડા
કમાલ નોખા છે - વિવેક મનહર ટેલર (Happy 7th Birthday to vmtailor.com)
કલરવ - રાજેન્દ્ર શુક્લ
કશુંક સામ્ય તો છે સાચેસાચ કઠપૂતળી - વિવેક કાણે 'સહજ'
કાચો કુંવારો એક છોકરો - અનિલ જોશી
કાનુડાને બાંધ્યો છે હીરના દોરે - હરીન્દ્ર દવે
કારેલું…… કારેલું – વિનોદ જોશી
કીડી સમી ક્ષણો…. - રાજેન્દ્ર શુકલ
કેટલાક તડકા કેટલા આકરા હોય છે - સૌમ્ય જોશી
કોઇ અડધી લખેલી ગઝલમાં હતું - ડો.મહેશ રાવલ
ક્યાંસુધી લખવા ! - ડૉ. મહેશ રાવલ
ખાલી શકુંતલાની આંગળી - અનિલ જોશી
ગઝલ ગઇકાલની અને આજની - રઇશ મનીઆર
ગઝલ વિષે ગઝલ - આદિલ મન્સૂરી
ગીતના ઘેઘૂર ગરમાળામાં ચૂમી છે તને - મુકુલ ચોકસી
ગુર્જરી સોળે સજી શણગાર વચ્ચે આવશે - આદિલ મંસૂરી
ચાલ ઝાડની ખબર કાઢવા - મુકેશ જોષી
ચાલ પર્વત પર ચડીને - ખલીલ ધનતેજવી
જેમ જેમ સાંજ સરે રાતમાં ધીરે ધીરે - વિવેક કાણે 'સહજ'
ઝાડ એના પાંદડાંને પૂછે - રમેશ પારેખ
ઠોકરની સાથે નામ તુજ લેવાય છે ઈશ્વર - સૌમ્ય જોશી
ડર ન હેમંત - હેમંત પુણેકર
તમારા વિના સાંજ - ભગવતીકુમાર શર્મા
તારી પાછળ વહેતુ મારા સપનાઓનું આખું ગામ - કાજલ ઓઝા વૈદ્ય
તું મીંઢળ જેવો કઠ્ઠણ... - વિનોદ જોશી
તો શું જોઈતું’તું ? – અનિલ ચાવડા
તોરણ જે ઉતારો છો એ લીલું તો નથી ને? - વિવેક કાણે 'સહજ'
ધીરે ધીરે લખ્યું - રઇશ મનીઆર
ધોવા નાખેલ જીન્સનું ગીત - ચંદ્રકાન્ત શાહ
ન થયા - રમેશ પારેખ
નામ લખી દઉં - સુરેશ દલાલ
પિંડને પાંખ દઈ દીધી અને - રાજેન્દ્ર શુક્લ
પ્રણયભીની યાદો - હેમંત પુણેકર
પ્રથમ સૂર્ય પાસે... - હેમંત પુણેકર
બહાર આવ્યો છું - મનોજ ખંડેરિયા
બહાર આવ્યો છું... - મનોજ ખંડેરિયા
બા - મુકેશ જોષી
બાળદિન Special 1: ગોદડાંમાં શું ખોટું? - વિવેક મનહર ટેલર
બિછાવું છું ને ઓઢું છું આ ગઝલની પછેડીને - આદિલ મન્સૂરી
બિસમિલ્લાહ ! - રાજેન્દ્ર શુક્લ
ભગવાન મહાવીર અને જેથો ભરવાડ –સૌમ્ય જોશી
ભીનાશનું કારણ અને તારણ - સૌમ્ય જોશી
મને ડેન્ચર આપો તો કૈંક બોલું - અનિલ જોશી
મને ભૂલી તો જો...! - વિનોદ જોશી
મનોજ પર્વ ૦૯ : પકડો કલમ ને કોઈ પળે એમ પણ બને
મનોજ પર્વ ૧૭ : ગઝલ મનોરંજન
મનોજ પર્વ ૧૮ : દોસ્ત, અહીં થાવું છે અમર કોને...
માણસ ઉર્ફે… - નયન દેસાઈ
માણેકચોકમાં - આદિલ મન્સૂરી
માનવ ન થઇ શક્યો - આદિલ મન્સૂરી
મારે ફરી એકવાર શાળાએ જવું છે....
માર્ગમાં કોઇક તો ભૂલું પડ્યું હશે - અંકિત ત્રિવેદી
રાધાનું નામ વ્હેતું ના મેલો - સુરેશ દલાલ
રામભરોસે - મધુમતી મહેતા
વરસાદ ભીંજવે - રમેશ પારેખ
વર્ષગાંઠ મુબારક હો, જયશ્રી !
વૈદ મળ્યા - મધુમતી મહેતા
શું બોલીએ? - રમેશ પારેખ
સાંભળો સમાચાર તાજા, બંદર બન્યો છે રાજા - મેઘલતા મહેતા
સામાં મળ્યાં તો - આદિલ મન્સૂરી
સૂડી વચ્ચે સોપારી ને સોપારીનો ચૂરો - વિનોદ જોષી
સ્નેહે સુપુત્રી.... (ડેડી તમે કોઈ નવી વાતો સુણાવો) - હિમાંશુ ભટ્ટ
હરી પર અમથું અમથું હેત - રમેશ પારેખ
Happy Birthday to વિવેક મનહર ટેલર & વિવેક કાણે ‘સહજ’



સ્નેહે સુપુત્રી…. (ડેડી તમે કોઈ નવી વાતો સુણાવો) – હિમાંશુ ભટ્ટ

હિમાંશુભાઇની આ મઝાની ગઝલ – આજે ફરી એકવાર…

થોડા દિવસો પહેલા અમે અહીં ‘સંવેદનાની સૂરાવલી’ કાર્યક્રમ કર્યો – એમાં શ્રાવ્યા અંજારિયાએ આ મઝાની ગઝલ પ્રસ્તુત કરી – અને સામે જ Sound Mixer પર બેઠા હતા એના વ્હાલા ડેડી..!! પણ એણે એવી મસ્તીથી આ ગઝલ રજૂ કરી કે શ્રોતાઓમાં બેઠેલા બધા ડેડીઓ ને એમની દીકરીઓ…. અને બધી દીકરીઓને એમના પપ્પાઓ યાદ આવી જ ગયા હશે.

તો આજે આ ગઝલ તમે પણ માણો… અને હા, કોઇક વ્હાલા ડેડી કે ડેડીની વ્હાલી દીકરીનો દિવસ સુધરી જશે – આ ગઝલની લિંક એમને મોકલશો તો… એટલે એ કામ પણ કરી જ લેજો..!! 🙂

સ્વર – શ્રાવ્યા અંજારિયા
સ્વરાંકન – કર્ણિક શાહ

અને આ રહ્યું પ્રોગ્રામનું વિડિઓ રેકોર્ડિંગ..!!

YouTube Preview Image

**********************

Posted on November 10, 2012

આ પહેલા ટહુકો પર પ્રસ્તુત – હિમાંશુભાઇની કલમે લખાયેલી આ મારી એકદમ ગમતી ગઝલ – આજે ફરી એકવાર… એક નહિં – બે નવા અવાજમાં..!!

અને આજનો દિવસ પણ એકદમ ખાસ છે – જે દીકરીના વ્હાલમાં આ ગઝલ લખાઇ છે – એ વ્હાલી લાડકીનો આજે જન્મદિવસ છે. Happy Birthday Ritu..! Wishing you Many Many Happy Returns of the Day..!!

અને આજનો દિવસ વધુ ખાસ બનાવવા માટે – સાંભળીએ આ મઝાની ગઝલ – રીતુના પોતાના અવાજમાં..! ડેડીને જ્યારે એણે આ એમની જ ગઝલ પહેલીવાર સંભળાવી, એ મધુરક્ષણના સાક્ષી આજે આપણે બધા પણ થઇએ.

સ્વરાંકન – કર્ણિક શાહ
સ્વર – રીતુ ભટ્ટ

YouTube Preview Image

અને હા, આ ગઝલ એક નવા આબ્લમ ‘મેઘધનુષ’માં પણ સ્વરબધ્ધ થઇ છે. તો સાથે સાંભળીએ ગરિમા ત્રિવેદીના ગળચટ્ટા અવાજમાં આ મઝાની ગઝલ ફરી એકવાર. કર્ણિકભાઇએ આ ગઝલનું એવું મઝાનું સ્વરાંકન કર્યું છે બધા પપ્પાઓ અને પપ્પાઓની વ્હાલી દીકરીઓ બસ વારંવાર સાંભળ્યા જ કરે…!!!

સ્વરાંકન – કર્ણિક શાહ
સ્વર – ગરિમા ત્રિવેદી

——————————-
Posted on June 17, 2008
આ ગયા રવિવારે – ૧૫મી જુનના દિવસે ઘણાએ પપ્પા – ડેડી સાથે ‘Father’s Day’ મનાવ્યો હશો, અને મારા જેવા ઘણાએ લોકોએ બસ ફોન પર જ પપ્પાને ‘Happy Father’s Day’ કહીને મન મનાવ્યું હશે.

ગયા વર્ષે મુકેલું ગીત – પ્રિય પપ્પા હવે તો તમારા વગર… અને થોડા વખત પહેલા જ ટહુકો પર મુકેલી એક અછાંદસ કવિતા – તો પપ્પા! હવે ફોન મુકુ? – આ બંને રચનાઓમાં પપ્પાથી દૂર ગયેલી દીકરીની વાતો – લાગણીઓ રજુ થઇ છે, જ્યારે આજે (હા… ૧-૨ દિવસ મોડુ થઇ ગયું !!) નાનકડી ૨ વર્ષની દીકરી જાણે પપ્પા સાથે વાતો કરતી હોય, એ ભાવની ગઝલ લઇને આવી છું. અને એ પણ કવિના પોતાના અવાજમાં, કવિની શબ્દોમાં ગઝલની પુર્વભૂમિકા સાથે…

આભાર હિમાંશુભાઇ, અમને બધાને Father’s Dayની આ Special Gift આપવા માટે.

સાથે, આપ સૌને મારા અને હિમાંશુભાઇ તરફથી – Belated Happy Father’s Day 🙂

girl

ડેડી તમે કોઈ નવી વાતો સુણાવો
ખોળામાં લો, બેસો મને સપના ગણાવો

બોલે તમારા હોઠ, ને બોલે છે આંખો
મસ્તી ફરીથી આંખમાં લાવી હસાવો

આ બે તમારા હાથ છે, દુનિયા અમારી
મારા તમે બે હાથમાં દુનિયા સમાવો

જોવા જરૂરી છે બધા રૂપ જિંદગીના
કાંટા અને આજે મને પુષ્પો બતાવો

માણી શકું હું જિંદગીને મારી રીતે
ધ્યેયલક્ષી ને મને મક્કમ બનાવો

લોકો કહે છે ગાય જેવી દિકરી હો
ચાલો ફરીથી એમને ખોટા ઠરાવો

ડેડી તમે લાગો મને દુનિયાથી વ્હાલા
વ્હાલપ તમારું મારા કણ્-કણ માં સમાવો

મારું તો પહેલું ઘર તમારું દિલ છે ડેડી
કાલે બીજા ઘરમાં મને ચાહે વળાવો …

————————
અને, ગઇકાલે મેં જે પેલા સ્પેશિયલ ગીતની વાત કરી હતીને, એ હવે આવતીકાલે…. !! 😀

————————

અને હા, હિમાંશુભાઇની બીજી રચનાઓ વાંચવા એમના બ્લોગની મુકાલાત લેતા રહેજો.

http://ekvartalap.wordpress.com/

એમ થોડો લગાવ રાખે છે – હેમંત પુણેકર

કાવ્ય પઠન – હેમંત પુણેકર

એમ થોડો લગાવ રાખે છે
સ્વપ્નમાં આવજાવ રાખે છે

ક્યાં એ આપે છે છૂટ્ટો દોર કદી
હલકો હલકો તણાવ રાખે છે

ફૂલ શી જાત રક્ષવા માટે
કાંટા જેવો સ્વભાવ રાખે છે

એ તો દબડાવવા સમંદરને
ફક્ત કાગળની નાવ રાખે છે

ભૂલી ગઈ છે સુગંધી ઘટનાઓ
યાદ એક અણબનાવ રાખે છે

– હેમંત પુણેકર

******
(આભાર – હેમકાવ્યો)

પ્રથમ સૂર્ય પાસે… – હેમંત પુણેકર

કાવ્ય પઠન – હેમંત પુણેકર

પ્રથમ સૂર્ય પાસે ઉધારી કરે છે
પછી ચાંદ બહુ હોશિયારી કરે છે

જરી અમથી છે વાત મારી તમારી
છતાં સૌ વધારી વધારી કરે છે

હવે મારા મિત્રો, રહ્યાં ક્યાં છે મારા?
મળે છે મને, વાત તારી કરે છે

આ ઝાકળને આવી, તુજ આંસુની ઈર્ષા
જે ફૂલોથી કોમળ સવારી કરે છે

સુકોમળ સપન તે છતાં ઊગવાનાં
તું શું પથ્થરોની પથારી કરે છે!

મહેકતી પળો છે, બહેક મન મૂકીને
બધું શું વિચારી વિચારી કરે છે

અચાનક મળી તું, અવાચક છું હું, પણ
હૃદય હર્ષની ચિચિયારી કરે છે

– હેમંત પુણેકર

છંદોવિધાનઃ લગાગા લગાગા લગાગા લગાગા

******
(આભાર – હેમકાવ્યો)

હરી પર અમથું અમથું હેત – રમેશ પારેખ

હમણાં ૧૭ મે ના દિવસે કવિ શ્રી રમેશ પારેખની પુણ્યતિથી ગઇ. ‘છ અક્ષરનું નામ’ એ આપણી વચ્ચેથી વિદાય લીધીને સાત વર્ષ થયા. એમની ખોટ તો ગુજરાતી કવિતા જગતને હંમેશા સાલશે. આજે કવિશ્રીને એમના પોતાના અવાજમાં એમની આ કવિતા સાંભળીને શ્રધ્ધાંજલી આપીએ.

vishn33

(હરી પર અમથું અમથું હેત…  ફોટોઃ વેબ પરથી)

હરી પર અમથું અમથું હેત,
હું અંગુઠા જેવડી ને મારી વ્હાલપ બબ્બે વેંત.

અમથી અમથી પૂજા કરું ને અમથા રાખુ વ્રત,
અમથી અમથી મંગળ ગાઉં, લખુ અમસ્તો ખત;
અંગે અંગે અમથી અમથી અગન લપેટો લેપ,
હરી પર અમથું અમથું હેત.

‘અમથું અમથું બધુ થતું તે તને ગમે કે નઈં?’
એમ હરીએ પૂછ્યું ત્યારે બહુ વિમાસણ થઈ;
કોઈ બીજુ પૂછત તો એને ઝટપટ ના કહી દેત,
હરી પર અમથું અમથું હેત.

– રમેશ પારેખ

ડર ન હેમંત – હેમંત પુણેકર

કાવ્ય પઠન – હેમંત પુણેકર

ડર ન હેમંત રીત બદલવામાં
બેધડક નામ લઈ લે મત્લામાં*

મંઝિલો જાય છોને ચૂલામાં
અમને ગોઠી ગયું છે રસ્તામાં

એને ભીંજાતી જોયા કરવાની
પાણીપાણી થવાનું વર્ષામાં

કંઈક કાંટાળી યાદો ભોંકાઈ
ફૂલ શો એક ચહેરો સ્મરવામાં

એ હકીકત હશે કે બીજુ કંઈ
સપનું આવે કદી જો સપનામાં!

– હેમંત પુણેકર

છંદવિધાનઃ ગાલગા ગાલગાલ ગાલલગા/ગાગાગા

*મત્લા -> ગઝલનો પ્રથમ શેર.
સામાન્યતઃ ગઝલના છેલ્લા શેર (મક્તામાં) કવિનું નામ આવે એવી પ્રથા છે.

******
(આભાર – હેમકાવ્યો)