Category Archives: વસંત/ફાગણ/હોળી

વસંત/ફાગણ/હોળી શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

अरे जा रे हट नटखट ....
केनू संग खेलू होली - મીરાંબાઈ
અમે ગુલમોર પીધો - દીપક બારડોલીકર
અમે હોળીનો ગુલાલ છીએ ઘેરૈયા - સુરેશ દલાલ
અહો શ્વાસ મધ્યે વસંતો મહોરી - રાજેન્દ્ર શુક્લ
આંખ્યુંના આંજણમાં - સુરેશ દલાલ
આજ મારા હૈયામાં ફાગણનો ફોરમતો ફાલ.. - સુરેશ દલાલ
આવી વસંત મત્ત ફૂલોની રાણી - જયંત પલાણ
કે ફાગણ આયો - મેઘબિંદુ
કેસૂડાના રંગ ભરી... - અમિત ત્રિવેદી
ગુલમ્હોર
ગુલમ્હોર મ્હોર્યા એટલે - રમેશ પારેખ
ઘેલી વસંત આવી રે... - નીનુ મઝુમદાર
ચકલામાં ચેતીને ચાલો, નવાઈલાલ ! -વેણીભાઈ પુરોહિત
ચાલ રમીએ સહિ - નરસિંહ મહેતા
ચાલ વસંતમાં ગુલમહોર થઈએ - અમિત ત્રિવેદી
છેલછબીલે છાંટી મુજને - પ્રિયકાંત મણીયાર
પંચમી આવી વસંતની – ઉમાશંકર જોશી
પધારો વસંતો... આ આંગણ સજાવો..!! - કમલેશ સોનાવાલા
ફરી ઘર સજાવ તું - રમેશ પારેખ
ફાગણ - મનોજ શુક્લ
ફાગણ આયો ફાંકડો કોઇ ફાગણ લ્યો - રાજેન્દ્ર શાહ
ફાગણ ફટાયો આયો - બાલમુકુંદ દવે
ફાગણ ફેન્ટેસી - જય વસાવડા
ફાગણ ફોરમતો આયો...
ફાગણની કાળઝાળ સુક્કી વેળામાં - રમેશ પારેખ
ફાગણનો ફાગ અને ટહુકાનો સાદ... - મેઘબિંદુ
મને ફાગણનું એક ફૂલ આપો - સુન્દરમ્
મનોજ પર્વ ૦૧ : રસ્તા વસંતના
મારા સાહ્યબાની પાઘડીએ લાગ્યો કોઇ જુદો રંગ.... - નીનુ મઝુમદાર
મારો દેવરીયો છે બાંકો - અવિનાશ વ્યાસ
મારો મારગડો રોકીને રંગ ઢાળ્યો... - અવિનાશ વ્યાસ
રસિયો ફાગણ આયો ! - જયંત પલાણ
રાધા સંગ ખેલે હોરી - મેધલતા મહેતા
રેડિયો ૨૨ - હોળી / ધૂળેટી
રોકો વસંતને - જયંત પાઠક
વસંતનું પદ - મણિલાલ હ. પટેલ
સાંવર થોરી અંખિયનમેં .... - રાજેન્દ્ર શાહ
હાલ ને દેવરીયા સંગે રંગે રમીએ હોળી....
હોરી આઇ હોરી કાના... - પિનાકીન ઠાકોર
Happy Holi..



રાધા સંગ ખેલે હોરી – મેધલતા મહેતા

San Francisco Bay Area singers bring to you a beautiful and festive Holi/Hori group song, “Radha Sang Khele Hori”.

YouTube Preview Image

Lyrics: Smt. Meghlata Mehta
Music Composer: Madhvi Mehta
Music Arranger and Programmer: Asim Mehta
Drum Pads: Kunal Majmudar
Violin: Shiva Ramamurthi
Singers: Madhvi Mehta, Asim Mehta, Darshana Bhuta Shukla, Minoo Puri, Aanal Anjaria, Achal Anjaria, Hetal Brahmbhatt, Lahar Dalal, Bela Desai, Krishna Mehta, Ratna Munshi, Ameesh Oza, Anjana Parikh, Gaurang Parikh, Nikita Parikh, Sonal Parikh, Neha Pathak, Sanjiv Pathak, Pranita Suraiya, Palak Vyas, Ashish Vyas, and Parimal Zaveri.
Videography and video editing: Achal Anjaria
We are thankful to Narendrabhai Shukla, Sukumar Majmudar, and Alap Desai for their valuable guidance and support.

This is a KAMP Music production.

ચાલ રમીએ સહિ – નરસિંહ મહેતા

સ્વર – સોલી કાપડિયા, હેમા દેસાઇ
સ્વરાંકન – આશિત દેસાઇ (?)

ચાલ રમીએ સહિ ! મેલ મથવું મહી,
વસંત આવ્યો વનવેલ ફૂલી;
મ્હોરિયા અંબ, કોકિલ લવે કદંબ,
કુસુમ-કુસુમ રહ્યા ભ્રમર ઝૂલી.

પહેર શણગાર ને હાર, ગજગામિની,
ક્યારની કહું છું જે ચાલ ઊઠી;
રસિક મુખ ચુંબીએ, વળગીએ, ઝુંબીએ,
આજ તો લાજની દુહાઈ છૂટી.

હેતે હરિ વશ કરી લ્હાવો લે ઉર ધરી,
કર ગ્રહી કૃષ્ણજી પ્રીતે પળશે;
નરસૈંયો રંગમાં અંગ ઉન્મત થયો,
ખોયેલા દિવસનો ખંગ વળશે.

– નરસિંહ મહેતા

કેસૂડાના રંગ ભરી… – અમિત ત્રિવેદી

સ્વર – સ્વરાંકન : રવિન નાયક

(Picture from : Flicker.Com)

કેસૂડાના રંગ ભરી, સપનાનો સંગ કરી આવ્યો પવન
સાંવરિયો નેહ ભરી,ઘરનું સરનામું લખી લાવ્યો પવન

સર સર સરતો સમીરા ,
ફર ફર ફરતી ફોરમ
રંગ રંગ મ્હોર્યો ઊમંગ,
બારસાખે બાંધીને તોરણ

હૈયામાં ગીત ભરી, કોકિલ કંઠ બની આવ્યો પવન
સોનેરી રંગ ભરી સાંવરનું નામ લખી લાવ્યો પવન

ધોમ ધોમ વૈશાખી તાપનો ,
અગન ઠારતો પવન
અષાઢી મેઘલી રાતે,
રોમ રોમ છલકે મધુવન

મખમલિયા સપના, મનગમતા ઠામે દોરી લાવ્યો પવન
ખાલીખમ આંખોમાં, રેશમિયું અજવાળું લઇ આવ્યો પવન

– અમિત ત્રિવેદી

ફાગણ ફટાયો આયો – બાલમુકુંદ દવે

સૌ મિત્રોને હોળી – ધૂળેટીની શુભેચ્છાઓ..!! ગયા નવેમ્બર મહિનામાં કવિ શ્રી નીનુ મઝુમદારને સ્મરણાંજલી આપતો એક કાર્યક્રમ માણ્યો હતો – એમાં ઉદયભાઇએ એક ખૂબ જ મઝાનું ગીત સંભળાવેલું..!!

સમીર મંદ મંદ મંદ વાય પુષ્પકુંજમાં… ફાગ ખેલો હો હો રી ફાગ ખેલો..

બસ, ત્યારથી વિચાર્યું હતું કે કશેથી આ ગીત મેળવીને આવતી હોળી પર ટહુકો પર મુકીશ..! પણ મુકુલભાઇનો પેલો શેર યાદ છે?

ઇચ્છા વિશે મેં ગ્રંથ લખ્યો એક વાક્યમાં,
ઇચ્છાનું એવું છે કે ફળે યા ન પણ ફળે.

બસ તો, મારી એ ગીત શોધવાની ઇચ્છા પણ હજુ સુધી નથી ફળી..! એટલે એ મઝાના ગીત માટે તો .. Stay Tuned! (તમને કશેથી મળે તો મોકલી આપજો!! Please !! 🙂 )

પણ હોળી -ધૂળેટીની મઝા હોળીના ગીત વગર કંઇ પૂરી થાય? માણીએ આ મઝાનું ફાગણ ગીત..! અને હા, થોડું શેકેલું નાળિયેર મારા તરફથી પણ ખાઇ લેજો! હોં ને? 🙂

ઊડે આખ્ખું હોવું મુઠીભર ગુલાલે............

ઊડે આખ્ખું હોવું મુઠીભર ગુલાલે…………

ફાગણ ફટાયો આયો, કેસરિયા પાઘ સજાયો
જોબનતા જામ લાયો, રંગ છાયો રંગ છાયો રે

પાંદરડે ઢોલ પિટાયો, વગડો મીઠું મલકાયો
શમણાની શાલ વીંટાયો, કીકીમાં કેફ ધૂંટાયો
ગોરી ધૂંઘટ ખોલાયો, નેણમાં નેણ મિલાયો
વરણાગી મન લુભાયો, રંગ છાયો રંગ છાયો રે.

કો રંગ ઊડે પિચકારીએ, કેસૂડે કામણ ઘોળ્યા
કો પાસેવાળા પડી રહ્યા, આઘાને રંગે રોળ્યા
કોઈનો ભીંજે કંચવો, કોઈના સાડી-શેલા
કોઈ ના કોરૂ રહી જશે, જી કોઈ મોડા કોઈ વ્હેલા!

-બાલમુકુંદ દવે

પંચમી આવી વસંતની – ઉમાશંકર જોશી

સૌ મિત્રોને વસંતપંચમીની ખૂબ ખૂબ શુભેચ્છાઓ અને હૈયામાં પણ કાયમી વસંત આવે/રહે એવી શુભકામનાઓ.

Happy 2nd Birthday to KhusheeFrom Masi & Masa

Happy 2nd Birthday to Khushee

સ્વર : નિરુપમા શેઠ
સ્વર-નિયોજન : અજીત શેઠ

કોકિલ, પંચમ બોલ બોલો
કે પંચમી આવી વસંતની.
દખ્ખણના વાયરાનાં આ શાં અડપલાં !
ઊઘડ્યાં લતાઓનાં યૌવનનાં સપનાં,
લાગ્યો જ્યાં એક વાયુઝોલો –
કે પંચમી આવી વસંતની.

મંજરી, મત્ત થઈ ડોલો
કે પંચમી આવી વસંતની.
આંબે આંબે હસે રસની કટોરીઓ,
ગાતા ભમતા ભૃંગ પ્રેમ તણી હોરીઓ.
આછો મકરંદ મંદ ઢોળો
કે પંચમી આવી વસંતની.

આતમ, અંતરપટ ખોલો
કે પંચમી આવી વસંતની.
ચેતના આ આવી ખખડાવે છે બારણાં,
હેતે વધાવી એને લો રે ઓવારણાં.
ઝૂલે શો સૃષ્ટિનો હિંડોળો !
કે પંચમી આવી વસંતની.

– ઉમાશંકર જોશી

(સૌજન્ય : લયસ્તરો / ઊર્મિસાગર)

મનહૃદયની ચેતના વસંતરૂપે ફરી નૂતન બનીને આવે ત્યારે એનાં ઓવારણા લેવાની વાત જ કેવી રોમાંચક લાગે !