|
|
By Jayshree, on November 18th, 2009 in ગીત , ટહુકો , હરીન્દ્ર દવે | હરીન્દ્ર દવેનું વધુ એક મધમીઠું ગીત… ખબર નહીં કેમ, પણ હરીન્દ્ર દવેના હસ્તાક્ષર જાણે સ્પષ્ટ વંચાઇ આવે છે આ ગીતમાં… અને સાથે જ એમના બીજા કેટલાય, આવા જ મધુરા ગીતોનું સ્મરણ થઇ આવે… જેવા કે.. માંડ રે મળી છે … , નેણ ના ઉલાળો તમે ઊભી બજાર, અમોને નજરું લાગી ! , રે મન, ચાલ મહોબ્બત કરીએ…
ચલો, હું આ મઝાનું ગીત લઇ આવી… તો તમે સ્વરકાર - ગાયિકાને ઓળખી બતાવશો? 
સ્વર : ?
સંગીત : ?
* * * * *
This text will be replaced
હોઠ મલકે તો મોટી મહેરબાની
સાજન, થોડો મીઠો લાગે;
તારી સંગાથે પ્રેમનો અજાણ્યો
મુલક કયાંક દીઠો લાગે!
સંગાથે હોય ત્યારે અટવાતાં ચાલીએ
કે એકલાનો રાહ એકધારો,
મઝધારે મ્હાલવાનો મોકો મળ્યો, તો
ભલે આઘો ઠેલાય આ કિનારો!
મધમીઠો નેહ તારો માણું
સંસાર આ અજીઠો લાગે.
રાત આખી સૂતો કયાં સૂરજ, સવારે
એની આંખમાં ઉજાગરાની લાલી.
લથડીને ચાલતી આ ચંચલ હવાનો હાથ
ઊઘડેલા ફૂલે લીધો ઝાલી;
તારી આંખના ઉજાગરાનો
છલકાતો રંગ જો મજીઠો લાગે!
હોઠ મલકે તો મોટી મહેરબાની
સાજન, થોડો મીઠો લાગે;
તારી સંગાથે પ્રેમનો અજાણ્યો
મુલક કયાંક દીઠો લાગે!
- હરીન્દ્ર દવે
(આભાર : pyarikavita)
એક વર્ષ પહેલા : Your love is like a star... , Archives
બે વર્ષ પહેલા : આવો વરસાદ નહીં ચાલે... - મુકેશ જોષી , ઉપેક્ષામાં નહિ તો બીજું તથ્ય શું છે - જવાહર બક્ષી
By Jayshree, on September 30th, 2009 in ગીત , હરીન્દ્ર દવે |
(Photo: DollsofIndia.com)
* * * * * * *
શબ્દોની સંગત દઉં છોડી મારા સાધુ,
મને આપો એક અનહદનો સૂર,
એક વાર ઓરેથી સંભળાવો, દૂર દૂર
વાગે છે ક્યાંકનાં નૂપુર.
હમણાં હમણાં આ શીળી રાતનો સમીર
મારાં વ્હૈ જાતાં વેણ નહીં ઝીલે,
અધવચ મૂંઝાઈ મન પાછું ફરે છે
ઝાઝાં પગલાની ભાત પડી ચીલે;
પ્રગટાવો એક વાર ભીતરનાં તેજ, પછી
લઈ લો આ આંખડીના નૂર.
મનને આકાશ સૂર સૂરજનું રૂપ:
અને સૂરજનું આભ કોઈ ઓર,
આભમાં મુલક કોઈ અણદીઠો, પહોંચવા જ્યાં
યુગ છે ઓછો ને ઝાઝો પ્હોર;
અગની અડકે તો જરા પ્રજળું
હવામાં મારાં ખાલી વેરાતાં ક્પૂર.
- હરીન્દ્ર દવે
——–
(આભાર : સ્પંદનના ઝરણાં……)
એક વર્ષ પહેલા : સોળે શણગાર સજી નિસર્યા માં અંબિકા - તુષાર શુક્લ
બે વર્ષ પહેલા : શબ્દો છે મારાં શ્વાસ - વિવેક મનહર ટેલર
ત્રણ વર્ષ પહેલા : ગઝલ - ચિનુ મોદી, હું ક્યાંથી પાણી ભરું.... અને... રૂમાલ મારો રંગદાર છે........
By Jayshree, on September 9th, 2009 in આશિત દેસાઇ , ગીત , ટહુકો , હરીન્દ્ર દવે | સ્વર - સંગીત : આશિત દેસાઇ
This text will be replaced
તમે પાંપણને પલકારે વાત કહી કઇ,
મર્મ એનો ઉકેલવામાં રાત વહી ગઇ.
તમે પાંપણને પલકારે…
આમ મેળો ને મેળાની કેવી મરજાદ,
હોઠ ખુલે ના તોયે રહે સંભળાતો સાદ,
કોઈ લહેરખી મજાની જાણે સાથ રહી ગઇ,
મર્મ એનો ઉકેલવામાં રાત વહી ગઇ.
તમે પાંપણને પલકારે…
આભાથીયે ઝાઝેરો આભનો ઉઘાડ,
એમાં થોડો મલકાટ થોડું છાનું છાનું લાડ,
તોયે ભીને રૂમાલ એક ભાત લઇ ગઇ,
મર્મ એનો ઉકેલવામાં રાત વહી ગઇ.
તમે પાંપણને પલકારે…
એક વર્ષ પહેલા : તમે કાલે નૈં તો પરમદિવસે - હરીન્દ્ર દવે
બે વર્ષ પહેલા : માણસ - વેણીભાઇ પુરોહિત
ત્રણ વર્ષ પહેલા : એક પ્રણયગીત
By Jayshree, on July 15th, 2009 in કૃષ્ણગીત , ગીત , ટહુકો , પરેશ ભટ્ટ , હરીન્દ્ર દવે | આજે ફરી એક કૃષ્ણગીત.. હરીન્દ્ર દવેના શબ્દો અને પરેશ ભટ્ટનું સ્વરાંકન, એમના જ અવાજમાં..! ગઇકાલે સુરતમાં પરેશ ભટ્ટની સ્મૃતિમાં એક કાર્યક્રમ યોજાયો. એનું રેકોર્ડિંગ મળે તો ચોક્કસ આપના સુધી પહોંચાડીશ. ત્યાં સુધી આ અને પરેશ ભટ્ટના બીજા મજાના સ્વરાંકનોની મઝા માણીએ.
સ્વર - સંગીત : પરેશ ભટ્ટ
This text will be replaced
રાધાની લટની લહેરાતી કાળાશે
ખોવાયો ક્હાન કેમ શોધું?
આખું આકાશ એક રંગે છવાયું
એમાં મનગમતો વાન કેમ શોધું?
એક તો વૃંદાવન કેડી
ને કેડી પર ઉગ્યા કદંમ્બ કેરા ઝાડ
હળવો હડસેલો લાગે લહેરીને
સૌરભના અણધાર્યા ઉઘડે કમાડ
સમજું સૈયર તમે ઘરભેગી થાઓ
હવે ભુલી હું ભાન કેમ શોધું?
ઉડતા વિહંગ કેરા ટહુકા વણાયા હશે
વહેતી હવાની કોઇ લહેરમાં
ગોકુળનો મારગ તો ઢૂંકડો લાગે છે
હવે સમજાવો કેમ જવું ફેરમાં
યમુનાના વ્હેણનું તરંગાતું ગાન
એમાં મનગમતી તાન કેમ શોધું?
- હરીન્દ્ર દવે
એક વર્ષ પહેલા : હશે કોઇ ભીતર ગઝલકાર જેવું - સુરેશ વિરાણી
બે વર્ષ પહેલા : એક લાલ દરવાજે તંબુ તાણીયા રે લોલ... - અવિનાશ વ્યાસ
ત્રણ વર્ષ પહેલા : ગઝલ - હર્ષ બ્રહ્મભટ્ટ.
By Jayshree, on July 14th, 2009 in ગીત , ટહુકો , પરેશ ભટ્ટ , પ્રણવ મહેતા , હરીન્દ્ર દવે | ટહુકો શરૂ કર્યાના થોડા જ દિવસોમાં મૂકેલું આ ગીત મારું ઘણું ગમતું ગીત..! હરીન્દ્ર દવેના શબ્દો, અને એમાં પરેશ ભટ્ટનું સ્વરાંકન..
આજે જુલાઇ ૧૪, સ્વરકાર શ્રી પરેશ ભટ્ટની પુણ્યતિથિ. તો આજે એમનું આ અદભૂત સ્વરાંકન, એમના પોતાના અવાજમાં સાંભળીને એમને શ્રધ્ધાંજલી અર્પણ કરીએ.
મઝાની વાત એ છે કે આ રેકોર્ડિંગમાં પરેશભાઇના સ્વર-સંગીત સાથે એમણે ગીત વિષે પણ વચ્ચે વાતો કરી છે, કવિતાની થોડી વધુ નજીક જવામાં એમની વાતો જરૂર મદદ કરશે.
This text will be replaced
—————————-
Posted on : June 30, 2006
સ્વર : પ્રણવ મહેતા
સંગીત : પરેશ ભટ્ટ
This text will be replaced
જાણીબૂઝીને અમે અળગાં ચાલ્યાં ને છતાં
પાલવ અડક્યાનો મને વ્હેમ છે
સાવ રે સફાળા તમે ચોંકી ઉઠ્યાને, પછી
ઠીક થઇ પૂછ્યું કે કેમ છે’ ?
આટલા અબોલા પછી આવો સવાલ, કહો
કેમ કરી ઊતરવું પાનું?
મૂંગા રહીએ તો તમે કારણ માનો ને, હોઠ
ખોલીએ તો બોલવાનું બ્હાનું !
હું તો બોલીશ છતાં માનશો તમે કે
હજી દુનિયા આ મારી હેમખેમ છે !
વાયરાથી નળિયાને ફૂટી છે પાંખ, થઇ
ચાલતી દીવાલ થકી ઇંટો ?
ભર રે ચોમાસે હવે છાપરા વિનાનો, કેમ
કોરો રહે સ્મરણોનો વીંટો ?
દુનિયાની વાત મૂકો, માનશો તમે કે, હજી
આપણી વચાળે જરી પ્રેમ છે ?
(કવિ પરિચય)
એક વર્ષ પહેલા : એક પાટણ શહેરની નાર પદમણી - અવિનાશ વ્યાસ
બે વર્ષ પહેલા : શાંત મનની ખીણમાં - હેમેન શાહ
|
ભારતીય અને પાકિસ્તાની મૂળના ગઝલકારોને આમંત્રણ...
|
આપના અભિપ્રાયો: