Category Archives: વર્ષગાંઠ

વર્ષગાંઠ શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

છઠ્ઠી વર્ષગાંઠ Special : વરસાદી ગીતો
છઠ્ઠી વર્ષગાંઠ Special: ગમતા ગીતો
જન્મદિવસ મુબારક હો, પ્યારી જયશ્રી....
ટહુકો ત્રણ વર્ષનો થયો -મુકુલ ચોક્સી
ટહુકો.કોમની અગિયારમી વર્ષગાંઠ….
ટહુકો.કોમની દસમી વર્ષગાંઠ....
ટહુકોની ચોથી વર્ષગાંઠ... (ભાગ - 1)
ટહુકોની ચોથી વર્ષગાંઠ… (ભાગ - 2)
ટહુકોની પાંચમી વર્ષગાંઠ...
ટહુકોની સાતમી વર્ષગાંઠ - Happy 7th Birthday to ટહુકો.કોમ
નવમી વર્ષગાંઠ પર...
પાંચમી વર્ષગાંઠ સ્પેશિયલ: (ગઝલ) હોઇએ જ્યાં ત્યાં જ ઝળહળીએ અમે - રાજેન્દ્ર શુક્લ
પાંચમી વર્ષગાંઠ સ્પેશિયલ: (પ્રભાતિયા) જાગીને જોઉં તો જગત દીસે નહિ - નરસિંહ મહેતા
પાંચમી વર્ષગાંઠ સ્પેશિયલ: (ફિલ્મના ગીતો) આજ મારી નણદીએ મેણું માર્યું - અવિનાશ વ્યાસ
પાંચમી વર્ષગાંઠ સ્પેશિયલ: (બાળગીત) વારતા રે વારતા ...
પાંચમી વર્ષગાંઠ સ્પેશિયલ: (રંગભૂમિના ગીતો) પ્રિતમજી આણા મોકલે - પ્રભુલાલ દ્વિવેદી
પ્રથમ વર્ષગાંઠ નિમિત્તે....
વર્ષગાંઠ મુબારક હો, જયશ્રી...
વર્ષગાંઠ મુબારક હો, ટહુકો.કોમ....
વિવેક ટેલરના ગીત-ગઝલ અને એના સ્વરનામાનું નવું સરનામું..!!
વ્યોમ સરોવરમાં ભમે દિવ્ય મકરનાં વૃંદ -નીનુ મઝુમદાર
હેપ્પી બર્થ ડે, જયશ્રી....
Happy (2nd) Birthday.. ટહુકો....



વ્યોમ સરોવરમાં ભમે દિવ્ય મકરનાં વૃંદ -નીનુ મઝુમદાર

આદરણીય કવિ, સ્વરકાર અને ગાયક શ્રી. નિનુ મઝુમદારને આજે એમના 102મા જન્મદિને આદરાંજલિ.વંદન


કવિના અક્ષરમાં લખેલી કવિતા

વ્યોમ સરોવરમાં ભમે દિવ્ય મકરનાં વૃંદ
મલય ત્યજી લાવે રવિ શીતળતાનો અંત;
અરુણે વાળ્યાં અશ્વને અલકાપુરીને પંથ
દક્ષિણથી ઉત્તર ફર્યાં ભાનુદેવ ભગવંત.

સચરાચર ચેતનનું મોતી એક પ્રગટી સનાતન જ્યોતિ
ચઢ્યાં મેઘ વિના મેઘધનુ રંગો દોડી આવી ગગનમાં પતંગો

પેલા ગેબનું રહસ્ય જઈ ખોલે, કોઈ બાકી છબીલી ડોલે,
કોઈ સંદેશો લઇ ધરતીનો, શોધે પ્રીતમ પ્રણય રંગભીનો
કોઈ રૂપેરી ફુમતાંવાળી તો કોઈ અંતરના રૂપથી રૂપાળી
જાણે ઉડે અનંતનાં ઉમંગો દોડી આવી ગગનમાં પતંગો

ફૂટી અંબરને લીલી પીળી પાંખો, ખૂલી મસ્તીની લાલ લાલ આંખો
અહી જામ્યો છે જંગી મેળો, એને બાંધે અખંડ દોર ભેળો
કોઈ ખેંચે ને કોઈ ઢીલ છોડે તો કોઈ ખેલે પવનને ઘોડે
જાણે જીવનનાં જીતવા જંગો દોડી આવી ગગનમાં પતંગો

કોઈ ઉત્તરને કોઈ દખ્ખણની કોઈ પૂરવને કોઈ પરછમની
મળી કોઈ ચતુર કોઈ ભોળી પૂરા આભમાં છવાઈ રંગટોળી
દીધી ઢાંકી સૂરજની જ્વાળા રચે દિગંતમાં નક્ષત્રની માળા
જાણે બ્રહ્માનાં મનનાં તરંગો દોડી આવી ગગનમાં પતંગો
—– નીનુ મઝુમદાર

—————————————————————

ઓલ્યા પહાડની પાછળ પરોઢિયે રાતો રાતો રંગ ઢોળાયો
વસ્તર જાતા રાતનું
જાણે આભને ગાલે શરમભર્યો શેરડો એક છવાયો. – ઓલ્યા …

રમતા’તા થોડા તારલા થોડી બાકી રહેલી રાતે
ભમતા’તા નભ મોરલા થઇ વાદળિયાં પરભાતે
પૂરવને ભરી અમરતનો સોનલ કૂપો પાયો. – ઓલ્યા…

એકદંડિયા મ્હેલથી કો’કે કુવરીને છોડાવી
હજાર હાથે લડે બાણાસુ, કાળસેના તેડાવી
સૂરજદાદો અગનરથે ચઢી ગગન ધાયો – ઓલ્યા …

કુદરતમાં નાહીને પશુપ્રાણીએ મંત્ર જગાવ્યો
ભૂલાઈ જાતા સામને પાછો પંખીઓએ ગવરાવ્યો
ઝાકળથી ધોઈ આકાશભૂમિ હવનને પ્રગટાવ્યો – ઓલ્યા ….
—– નીનુ મઝુમદાર

નેહા યાગ્નિકનો ખુબ આભાર.

ટહુકો.કોમની અગિયારમી વર્ષગાંઠ….

આજે ૧૨મી જુન.. ટહુકો શરૂ થયાને ૧૧ વર્ષ થઇ ગયા. આટલા ૧૧ વર્ષોમાં ટહુકો વેબસાઇટે મને ઘણુ આપ્યુ છે, પણ સૌથી મૂલ્યવાન કોઇ ભેટ મને મળી હોઇ તો એ છે કેટલાક દિલોજાન મિત્રો! એ મિત્રો, હંમેશા માર્ગદર્શન આપતા વડીલો, જેમનું સર્જન ટહુકો પર ટહુકતુ રહ્યુ છે એ સૌ કવિઓ, સંગીતકારો, ગાયકો, અને જેમની ચાહના છેલ્લા ૧૧ વર્ષોથી હંમેશા મળી છે એ સૌ વાચકોનો આજે ફરી એકવાર હ્રદયપૂર્વક ઋણસ્વિકાર કરું છું.

છેલ્લા થોડા વર્ષોમાં ટહુકો પર પહેલાની જેમ દરરોજ પોસ્ટ નથી મુકાતી, એના કારણ આમ તો ઘણા આપી શકાય, પણ આખરે તો એને મારુ પોતાનુ lack of discipline જ કહી શકાય!

દર વર્ષની જેમ, આ વર્ષે પણ ટહુકો પર પહેલાની જેમ જ નિયમિત કાવ્યો અને સંગીતની વહેંચણી થાય એની બને એટલી વધુ કોશિશ કરીશ.

આજે મમળાવીએ, આ એક નાનકડી કવિતા – આપણા સૌના લાડીલા ટહુકાને અર્પણ… અને આપણા સૌની ભીતરથી સ્વયંસ્ફૂરિત એવા ટહુકાને અર્પણ!

26872_377958986366_7390234_n
(તસ્વીર – વિવેક ટેલર)

ડાળ પર ટહુકા કરતી કોયલ…
એ ટહુકા
કોઈના સવાલના જવાબ નથી,
કોઈના ટહુકાના પડઘા નથી.
એ ટહુકા
સ્વયંસ્ફૂરિત છે,
અંતરમાં જાગેલા ગીતનો આવિષ્કાર છે…

– માયા એંજેલો
(ભાવાનુવાદ – ચંદ્રેશ ઠાકોર)

ટહુકો.કોમની દસમી વર્ષગાંઠ….

ribbon_seal

આજે ૧૨મી જુન… આજથી બરાબર ૧૦ વર્ષ પહેલા – ટહુકો અને મોરપિચ્છ – એ બે બ્લોગ્સની શરૂઆત કરેલી… ફક્ત નિજાનંદ માટે, અને વતન ઝૂરાપાની વેદનાને થોડી ઓછી કરવાની ઇચ્છા સાથે શરૂ થયેલા બ્લોગ્સને મિત્રો, કલાકારો અને વાચકોનો એવો સારો પ્રતિસાદ મળ્યો કે આજે એક Registered non-profit organization તરીકે ટહુકો ફાઉન્ડેશન કાર્યરત છે..!!

અને આમાંથી કંઇ પણ – આપ સૌની શુભેચ્છા, માર્ગદર્શન, અને સતત સહકાર વગર શક્ય ન હતું..!! ઘણા મિત્રો, કવિઓ, ગાયકો અને સંગીતકારોએ આ દશાબ્દિ નિમિત્તે શુભેચ્છા સંદેશ મોકલ્યા છે… આવતા થોડા દિવસો સુધી એ આપ સુધી પહોંચાડવાની ઇચ્છા છે, અને હા, આપ સૌના સલાહ, સુચનો, શુભેચ્છાની પણ આશા રાખું છું..!! આપ અહીં કોમેંટમાં લખી શકો – અથવા અમને write2us@tahuko.com પર ઇમેઇલ કરી શકશો..!! આપના ઓડિયો, વિડિયો કે પત્ર સંદેશ અમે ટહુકો.કોમ વેબસાઇટ પર જરૂરથી લઇ આવશુ.

અને કવિ પન્ના નાયકના શુભેચ્છા સંદેશથી જ શરૂઆત કરીએને?

YouTube Preview Image

કોઈ કાવ્ય શોધવું છે, મળી જશે ટહુકો પર. કોઈ ગાયક શોધવો છે, મળી જશે ટહુકો પર. કોઈ સ્વરકાર શોધવો છે, મળી જશે ટહુકો પર. જયશ્રીએ tahuko.com સ્થાપીને સ્વથી સર્વ સુધીનો અભિગમ સાધ્યો છે. એટલે વિશ્વવ્યાપી tahuko.comને બિરદાવીએ એટલું ઓછું છે. જયશ્રીએ બીજ વાવ્યું અને આજે દસ વરસ પછી એ ઘટાદાર વૃક્ષ થયું છે. આ કામ જયશ્રીએ કોઈ અભિમાન કે આડંબર વિના કર્યું છે, માત્ર માતૃભાષાના પ્રેમને કારણે.

રોજ એક કવિતા શોધવી અને સવારે પાંચ વાગે એને બ્લોગ પર મૂકવી એ નાનીસૂની વાત નથી. અને આ કામ સતત દસ વરસથી જયશ્રી કરે છે. આજે ટહુકો પર લગભગ ૨૫૦૦ કવિતાઓ ઉપલબ્ધ છે. આ કામ ખંત અને નિષ્ઠા માગી લે છે અને એ જયશ્રીએ પુરવાર કર્યું છે.

tahuko.comના દસમા જન્મદિને મારી અનેક શુભેચ્છાઓ કે આ બ્લોગ હજી પણ ફૂલે ફાલે અને બીજા બ્લોગને પ્રેરણા આપતો રહે.

પન્ના નાયક

નવમી વર્ષગાંઠ પર…

aanya_jayshree
(નૂતન ટહુકો…. આન્યા અને મમ્મી જયશ્રી)

*

નવમી વર્ષગાંઠ પર ટહુકો ડૉટ કૉમ ને અઢળક મબલખ શુભકામનાઓ…

*

જોતજોતામાં નવલા નવ વરસ પસાર થઈ ગયાં અને આપણા સહુનો લોકલાડીલો ટહુકો દસમા વરસમાં આજે પ્રવેશી રહ્યો છે. છેલ્લા થોડા સમયથી ટહુકો એની શરૂઆતની નિયમિતતાથી રોજ વહેલી પરોઢે આપણા કાનોને શબ્દ-સૂરથી તરબતર કરવાના બદલે અનિયમિતતાથી આપણા દરવાજે ટકોરા મારી રહ્યો છે…

અમે અમારા અંગત ડિટેક્ટિવ શ્રીયુત વ્યોમકેશ બક્ષીને ટહુકો ડૉટ કોમની અનિયમિતતાના કારણો અંગે તપાસ કરવાનું કામ આપ્યું હતું… અને ડિટેક્ટિવ મહાશય જે ધમાકેદાર કારણ શોધી લાવ્યા છે એ જાજરમાન કારણ આજે હું ટહુકોની નવમી વર્ષગાંઠે આપ સહુ સમક્ષ રજૂ કરું છું… અને આ કારણ છે જયશ્રી અને અમિતના બગીચામાં ખીલેલું નવલું પુષ્પ, આન્યા પટેલ !

કુ. આન્યા (જયશ્રી-અમિત) પટેલ, ટહુકો પરિવારમાં આપનું દબદબાપૂર્વક સ્વાગત છે… આશા રાખીએ કે આપ ઝડપભેર આપના પગ પર ઊભા થઈ જાવ તો અમને અમારો તહુકો ફરીથી નિયમિત કૂકડાની બાંગ બનીને મળતો થાય…

નવમા જન્મદિવસ પર ખૂબ ખૂબ મુબારકબાદી, ટહુકો.કોમ…

– વિવેક મ. ટેલર

*

aanya_vivek
(આન્યા…..     … વિવેકઅંકલ સાથે)

જન્મદિવસ મુબારક હો, પ્યારી જયશ્રી….

Jayshree by Vivek Tailor

જયશ્રી ભક્ત પટેલ અને ટહુકો ડૉટ કૉમ – આ બે નામ ગુજરાતી કવિતા-સંગીતપ્રેમીઓના હૃદયમાં ‘અમિત’પણે અંકાઈ ચૂક્યા છે. આજે ચોથી સપ્ટેમ્બરના રોજ ટહુકોની કર્ણધાર-સ્થાપક જયશ્રીની વર્ષગાંઠ છે… જયશ્રીને વર્ષગાંઠ નિમિત્તે શત શત કોટિ શુભકામનાઓ…

शतम् जीवेत् शरद: ।

*

આ ફુલ્લકુસુમિત તેજ રહો યાવત્ચંદ્રૌદિવાકરો,
આ સ્મિત પણ એનું એ જ રહો યાવત્ચંદ્રૌદિવાકરો.

મદમસ્ત ગુલાબી સપનાંને એકેય કંટક ભોંકાય નહીં,
એવી મખમલ મખમલ સેજ રહો, યાવત્ચંદ્રૌદિવાકરો.

– વિવેક મનહર ટેલર

*

જોગાનુજોગ આજે કવિશ્રી કૃષ્ણ દવે અને મહેશ રાવલની પણ વર્ષગાંઠ છે. બંનેને જન્મદિવસની ખૂબ ખૂબ શુભકામનાઓ…