Category Archives: જયદેવ ભોજક

વનમાં વાગી વસંતની વાંસળી -જયંત પાઠક

સ્વર : શ્રી જયદેવ ભોજક
સ્વરાંકન : શ્રી જયદેવ ભોજક

.

વનમાં વાગી વસંતની વાંસળી રે
મનમાં જાગી મળવાની આશ.
એકવાર આવીને કહાન ગોકુળમાં રે

સુના સુના કાલંદરીના કાંઠડા રે
કુંજમાં મુંગા કોયલ ને મોર
એકવાર આવોને કહાન ગોકુળમાં રે

કડીઓ વનની ઝૂરે વિયોગમાં રે
ઝૂરે ગોપી ને ગાયોનાં વૃંદ
એકવાર આવીને કહાન ગોકુળમાં રે

પ્રેમનાં કાચ તે તાંતણે બાંધિયા રે
તોડતાં હૈયું તુટે સત ખંડે
એકવાર આવોને કહાન ગોકુળમાં રે

રાસની રાતો રૂડી વહી જાય છે રે
નયણે નીત રે શ્રાવણ નેવ
એકવાર અવોને કહાન ગોકુળમાં રે

રોતી રાધાની લુછવા આંખડી રે
એકવાર આવો છબીલા છેલ
એકવાર આવોને કહાન ગોકુળમાં રે
– જયંત પાઠક

હરિ હરિ નિત્ય નામ સુમરણા – બ્રહ્માનંદ

ગાયક : ડો. પ્રભાતદેવ ભોજક
સ્વરાંકન : જયદેવ ભોજક

.

હરિ હરિ હરિ નિત્ય નામ સુમરણા
ભવ સાગ૨ જલપાર ઉતરણાં

બિન હરિ સુમરે કોઈન ઉગરે,
પુનઃ પુનઃ પાજે જીવન મરણાં
જોજન ધ્યાવે પરંમપદ પાવે,
સુંદર વદન મનોહર ચરણા.

પલ મેં સારે પાપ નિવારે,
સકલ મનોરથ પૂરણ કરણા.
બ્રહમાનંદ દયાકે સાગર,
ભકત જનો કે સંબ દુ:ખ હરણા.
-બ્રહ્માનંદ

વર્ષો પછી તોરણ તૂટેલાં – મુકેશ માલવણકર

ગાયક : ગિરિરાજ ભોજક
સ્વરાંકન : જયદેવ ભોજક

.

વર્ષો પછી તોરણ તૂટેલાં એમણે જોયાં હશે
પત્ર વાંચીને પછી તો ખુબ એ રોયાં હશે

એટલે ફૂલો હવે ઝાઝું અહીં જીવતા નથી
એમણે તો આંગણમાં ઝાકળ વડે ધોયા હશે.

એક પરપોટો લીધો પકડી ઉતાવળમાં અને
લાખ દરિયાં હાથમાંથી એમણે ખોયાં હશે.

એ રડે છે રોજ મધરાતે હવે શાને અહીં
દૂરથી દીવા પરાયા ગામમાં જોયા હશે.

જિંદગી આખી ભલે નફરત કરી મુકેશથી
જોઈ રૂપાળી લાશને એ હવે મોહ્યાં હશે
-મુકેશ માલવણકર

તેરે દિદાર કે લિયે – બ્રહ્માનંદ

સ્વર : શ્રી જયદેવ ભોજક
સ્વરાંકન : શ્રી જયદેવ ભોજક
તાલ : દાદરા

.

તેરે દિદાર કે લિયે બંદા હૈરાન હૈ,
સુનતે નહી હો અરજ કયો દયા નિધાન હૈ

કાશી ગયા દુવારકા મથુરા મેં ફિર લિયા,
મિલા નહી મુજકો તેરા, અસલી મકાન હૈ

ફિરા તેરી તલાશ મેં જંગલ પહાડ મે,
દેખા નહિ તેરા કિસી, જગા નિશાન હૈ

પૂછા જો આલિમી સે તેરા દાસ કર પતા,
રહેતા હૈ તેરે પાસ યહ ઉનકા બયાન હૈ

કર મિહરકી નજર મુઝે અબ દરસ દિજીયે,
બ્રહમાનંદ તેરે ચરણ પે કુરબાન જાન હૈ
– બ્રહ્માનંદ

મારા નીરે ભરેલાં હરિ -મુકુંદ પારાશર્ય

સ્વરાંકન – શ્રી જયદેવ ભોજક
સંગીત,સ્વર – ડો.પ્રભાતદેવ ભોજક

.

મારા નીરે ભરેલાં હરિ તરસ્યાં નયન

આષાઢ ઉન્મુખ ચાતક પર,
સદય થયું નહિ સઘન ગગન

વ્યર્થ ગયું ધન જનમ જનમનું,
વિફલ ગયાં મારા સકલ કરણ

સ્વીકારો હરિ મંદિરિયે લો ,
પગથે રવડે મારા સહુ અરચન

આશા છે અનુભવ દો કેવળ,
અશરણનું હરિ, આપ શરણ.

સદય બનો હરિ તરસ છિપાવો ,
દરશન દો મુને લો ને ચરણ
-મુકુંદ પારાશર્ય

રીમઝીમ રીમઝીમ વર્ષા વરસે -અબ્બાસઅલી તાઈ

સ્વરાંકન – શ્રી જયદેવ ભોજક
સંગીત – ડો.પ્રભાતદેવ ભોજક
સ્વર – પ્રભાતદેવ ભોજક અને નૂપુર મ્યુઝિક ક્લાસ. નડીઆદ

.

રીમઝીમ રીમઝીમ વર્ષા વરસે
ગડગડ ગરજે વાદળ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે

ડોલે અવનિ સુગંધ સંગે
લીલી ચાદર ઓઢે
ઝીલમીલ ઝીલમીલ વહેતો વાયુ
સીમાડાને તોડી
ચમકી વીજળી તડાક દઈને
કરતી કોને ઘાયલ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે

ઝરમર બિંદુ વરસે એમાં, સિંધુના ઝબકારા
તરસ્યા મનની ઈચ્છાઓના, એમાં છે અણસારા
ચાલો ઝીલી લઈએ ખોબે આ આકાશી હલચલ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે

-અબ્બાસઅલી તાઈ

ઘરમાં રહું ને તોયે ભીંજાઉ સોંસરવી – ભગવતીકુમાર શર્મા

સ્વરઃ વિભા દેસાઈ
સ્વરાંકન : રાસબિહારી દેસાઈ
ઓડીઓ માટે સૌજન્યઃ mavjibhai.com

.

સ્વરાંકન – શ્રી જયદેવ ભોજક
સ્વર – નૂપુર મોદી
સંગીત – ડો. પ્રભાતદેવ ભોજક

.

ઘરમાં રહું ને તોયે ભીંજાઉં સોંસરવી
એવો રે વરસાદ ક્યાંથી લાવવો?
એવો રે વરસાદ ક્યાંથી લાવવો?

કાજળ કાઢીને મારી ભૂરીછમ આંખનું
મેઘને તે કેમ કરી આંજવો?
એવો રે વરસાદ ક્યાંથી લાવવો?

હીંચકાની સાંકળમાં નેવાં છલે ને
મોર તોરણ આ ટહુકે આકાશને
ઝાંઝરની ઘુંઘરીમાં લાવી મઢાવું કેમ
કોરા આ સોનલ બોલાશને?
સૂનાં તે ઓરડામાં કેમ કરી
મેઘધનુ કેરાં ગુલમહોર ને તે વાવવો?

ઘરમાં રહું ને તોયે ભીંજાઉં સોંસરવી
એવો રે વરસાદ ક્યાંથી લાવવો?
એવો રે વરસાદ ક્યાંથી લાવવો?

ખેતર જવાને પંથ અધવચ્ચે આવીને
છોગાળો એવો મુને આંતરે
કાંડું વછોડી કહું ઊભે મારગ ને
ઘરમાં આવીને ગીત છેડજે!

કેટલું તો મ્હેકે મારી કાયા અબોટી
એમાં માટીનો તોર ક્યાંથી લાવવો?

ઝુમ્મર જડેલી મારી છતમાં ઘેરાય
આવી વાદળ શ્રાવણને અષાઢના
ઓકળીયે ટપ ટપ હું પગલાં મુકુને,
વન ઉભરાયે ભીની લીલાશનાં
વાડામાં વહેતી હો નાનકડી નીક,
એમાં દરિયો તે ક્યાંથી છલકાવવો ?

ઘરમાં રહું ને તોયે ભીંજાઉં સોંસરવી
એવો રે વરસાદ ક્યાંથી લાવવો?
એવો રે વરસાદ ક્યાંથી લાવવો?
-ભગવતીકુમાર શર્મા

પ્રાણીઓની છુક છુક ગાડી જાય – “બેજાન ” બહાદુરપુરી

સ્વરાંકન – શ્રી જયદેવ ભોજક .
સંગીત – ડો. પ્રભાતદેવ ભોજક .
સ્વર – ડો. પ્રભાતદેવ ભોજક અને નૂપુર મ્યુઝિક ક્લાસ, નડીઆદ

.

જંગલ કેરા પ્રાણીઓની છૂક છૂક ગાડી જાય,
સૌથી આગળ કાળો હાથી, એન્જિન એ કહેવાય,
ગાડી આવી ,ગાડી આવી, સ્ટેશન પર ગાડી આવી
પ્લેટફોર્મ ઉપર ગાડી આવી.

સિંહ અને વાઘ એના ડબ્બા થઇ જોડાય ,
ચિત્તો અને દીપડો પાછળ પાછળ જાય
જંગલ આખું ધમધમ થાતું પક્ષીઓ ગભરાય,
કાણી આંખે કાગડો એકલો, ગાડી જોતો જાય,
ગાડી આવી ….

હાથી ઉપર,સસલું બેઠું, ડ્રાઇવર એ કહેવાય,
મીઠાં મીઠાં ફળ તોડી હાથીને દેતું જાય,
લાંબી ડોકે જિરાફભાઈ ઊંચે જોતા જાય,
વરુ અને શિયાળ એના પગમાં અટવાઈ જાય,
ગાડી આવી ….

કોટ પહેરી વાંદરાભાઈ ડબ્બે ડબ્બે જાય,
પાંદડાની ટિકિટ તપાસે, ચેકર એ કહેવાય;
સૌની પાછળ ઝંડી લઈને રીંછભાઈ જાય;
પીપ-પીપ પીપ પીપ સીટી વગાડે , ગાર્ડ એ કહેવાય
ગાડી આવી…

– “બેજાન ” બહાદુરપુરી

મન મન સુમિરન તવ કરું – રમેશ પટેલ ‘પ્રેમોર્મિ’

સ્વરાંકન : શ્રી જયદેવ ભોજક
સંગીતકાર : ડો. પ્રભાતદેવ ભોજક
ગાયક વૃંદ : ભોજક કલ્ચરલ ગ્રુપ, વડોદરા

.

મન મન સુમિરન તવ કરું
નિત નિત લાગું પાય

વિઘ્ન સકલ અમ દૂર કરો
હે ગૌરી સુત ગણરાય

રિદ્ધિ સિદ્ધિ સંગ આવીને
મંત્રજપ તપ કાવ્યો સૌ
સિદ્ધ કરો ગણરાય

વંદન શત શત મમગ્રહો
હે ગણનાયક ગણરાય

-રમેશ પટેલ ‘પ્રેમોર્મિ’

અંતરની વીણા ના તારો તુંહી – રમેશ પટેલ ‘પ્રેમોર્મિ’

નૂપુર મોદીના ખુબ આભારી છીએ જેમણે શ્રી જયદેવભાઈ ભોજકના સ્વરાંકિત રચનાઓ જેને ભોજક કલ્ચરલ ગ્રુપ,વડોદરા દ્વારા સ્વર આપવામાં આવ્યો છે એ બધા ગીતો મને મોકલી આપ્યાં.હજુ ઘણાંય ગીતો એમણે મોકલી આપ્યાં છે જે એક પછી એક અહીં મુકીશુ.શ્રી જયદેવભાઇ ભોજક પણ નૂપુર મોદીના સંગીત ગુરુ છે .ગીતના સંગીતકાર શ્રી જયદેવ ભોજકના ભાઈ ડો. પ્રભાતદેવ ભોજક છે.ભોજક કલ્ચરલ ગ્રુપ,વડોદરાની તસ્વીર

સ્વરાંકન : શ્રી જયદેવ ભોજક
સંગીતકાર : ડો. પ્રભાતદેવ ભોજક
સ્વર : ભોજક કલ્ચરલ ગ્રુપ,વડોદરા

.

અંતરની વિણાના તારો તુંહી… તુંહી… ગાય,
એક વગાડું તોયે જાણે શત શત વાગી જાય.

આરોહે અવરોહે એ તો એક વિલંબીત ગાય,
તુંહી તુંહી નાદ જગાવી, દશ દિશ ગુંજી જાય.

આ હદયમાં નાદબ્રહ્મની સરગમ એક સુણાય,
તાલ તાલમાં તુંહી તુંહી સોહમ ગુંજી જાય.

મનના તારે તાર મળે ને,તું હી તું હી ગાય,
હદયની ઉર્મિનો સાગર એની સંગે ગાય.

તાર તારમાં તું હી બજતાં મનડું ડોલી જાય,
રોમ રોમમાં દિવા પ્રગટે, રોમમાં જ્યોસ્તીત થાય.

– રમેશ પટેલ ‘પ્રેમોર્મિ’