સ્વરાંકન – શ્રી જયદેવ ભોજક
સંગીત – ડો.પ્રભાતદેવ ભોજક
સ્વર – પ્રભાતદેવ ભોજક અને નૂપુર મ્યુઝિક ક્લાસ. નડીઆદ
.
રીમઝીમ રીમઝીમ વર્ષા વરસે
ગડગડ ગરજે વાદળ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે
ડોલે અવનિ સુગંધ સંગે
લીલી ચાદર ઓઢે
ઝીલમીલ ઝીલમીલ વહેતો વાયુ
સીમાડાને તોડી
ચમકી વીજળી તડાક દઈને
કરતી કોને ઘાયલ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે
ઝરમર બિંદુ વરસે એમાં, સિંધુના ઝબકારા
તરસ્યા મનની ઈચ્છાઓના, એમાં છે અણસારા
ચાલો ઝીલી લઈએ ખોબે આ આકાશી હલચલ
આકાશી દરબારમાં ગુંજે છમ છમ છમ પાયલ પાયલ
રીમઝીમ રીમઝીમ વર્ષા વરસે
-અબ્બાસઅલી તાઈ
