આજે પદ્મવિભૂષણ વિદુષી ડૉ પ્રભા અત્રેજીની સ્તુતિ સાથે માતાજીના અનેકાનેક રૂપ અને એમની અપરંપાર કૃપાને વધાવીએ. સ્વરાંગી વૃંદની આ છેલ્લી પ્રસ્તુતિ સાથે આ વર્ષની સૂર અને સુરતાની યાત્રા અહી પૂરી થાય છે.
નભમાં નવલખ તારલિયાને તેજ તેજ અંબાર
દીવડા લઈને રાતડી કંઈ…
રમવા આવી બહાર કે રાતડી
રમવા આવી બહાર કે નવલખ દીવડાનો દરબાર….
નભમાં નવલખ તારલિયાને તેજ તેજ અંબાર….
ઊંચે આભ ગહનને અદ્ભૂત વ્યાપક વિશ્વ વિરાટ,
નીચે ધરતી પર નયનોનાં દીપકનો કલકાટ,
અનોખી જ્યોતિર્મય વણઝાર
અનોખી જ્યોતિર્મય વણઝાર
અનોખી જ્યોતિર્મય વણઝાર કે
ઝગમગ દીવડાનો દરબાર કે ઝગમગ દીવડાનો દરબાર…
નભમાં નવલખ તારલિયાને તેજ તેજ અંબાર….
ભક્તિ મુક્તિદાત્રી શૈલપુત્રીના આગમન સાથે આજે શારદીય નવરાત્રિનો પ્રથમ દિવસ. દૂર સુદૂરથી માતાના રથ ઘમકાર સંભળાય છે, સૂરજની લાલીમા રકતિમ થઈ છે એમાં કંકુ ભળ્યું છે. ચોમેર ચંદનની સુગંધ ફેલાઈ છે ત્યારે માના આગમનના એંધાણ વધાવતો આજનો ગરબો.
બીજું સુંદર સ્વરાંકન વિજલ પટેલનું અને સુંદર સ્વર પણ…..
સ્વર અને સ્વરાંકન- વિજલ પટેલ
.
વર્ષોનાં વ્હાણા છો વાયા, પણ ઘાવ હજુ તાજા સાહેલડી
જાણ્યાં તેં વખ કેવા પાયા!, કે ઘાવ હજુ તાજા સાહેલડી
સરખી સાહેલીએ માંડી જયાં વાત,
ત્યાં તો એક પછી એક જખમ ખૂલ્યાં
શેહ ને શરમ કે હતો ભયનો ઓથાર
નહોતાં બોલ્યાં ને તોય નહોતાં ભૂલ્યાં
માયા કહીને ચૂંથી કાયા, કે ઘાવ હજુ તાજા સાહેલડી
વર્ષો વ્હાણા…
મોડું બોલે એ તો મોળું કહેવાય
એવા પાળશો ના ખોટા બહુ વહેમ
કામ એનું ખોટું હતું જ અને રહેશે
એને ઢાંકવાના ઉધામા કેમ?
અમે જોડાયા આંસુંને લ્હોવા, કે ઘાવ હજુ તાજા સાહેલડી.
વર્ષોના વ્હાણા…
– ખેવના દેસાઈ
૨ દિવસ પહેલા અહીં મુંબઇના ‘મનિષા ડૉક્ટર’ ના મ્યુઝિક ક્લાસના જવાનું થયું. ‘મારે પણ મ્યુઝિક ક્લાસમાં જવું છે’ – એવી મારી ઇચ્છા ૧૫ વર્ષે એક દિવસ પૂરતી ફળી.. 🙂
અને ત્યાં જ મને આ ‘સાગર જેવો ગરબો’ મળ્યો..! એમના Students ને એમણે થોડા દિવસ પહેલા જ આ શીખવાડ્યો હતો, તો એમણે બધાએ મને ખાસ સંભળાવ્યો. આ હા હા.. શું મઝા આવી..!! Cell phone માં થયું એવું on the spot રેકોર્ડિંગ કરી લીધું, એટલે એટલું clear નથી, પણ તો યે નીનુભાઇનો આ દુર્લભ ખજાનો મને મળ્યો તે આજે – નીનુભાઇના જન્મદિવસે – તમારી સાથે ન વહેંચું એવું બને?
સ્વર – મનિષા ડૉક્ટર
સ્વર – મનિષા ડૉક્ટર અને એમની શિષ્યાઓ
સૂર, તાલ અને લયમાં હિલ્લોળા લેતો ગરબો આજે સપ્તમીએ પહોંચ્યો છે ત્યારે નિનુ મઝુમદારના ગરબામાં વિશ્વેશ્વરી સાથે જોડાયાં છે શ્રી અને બ્રહ્મા, નાગર નંદલાલ, ગોપીઓ અને સાથે સ્વરાંગી વૃંદની બહેનો.
