કવિઃ સુરેન ઠાકર ‘મેહુલ’
સ્વરાંકન-સ્વરઃ સુરેશ જોશી
(ગીત પહેલાં સુરેન ઠાકર ‘મેહુલ’ના અવાજમાં જે પૂર્વભૂમિકા છે, તે અચૂક સાંભળવા વિનંતી.)
સાહેબ મારા મેલા કપડાં ધૂએ
તરવેણીને તીર ઊભો ઈ
આજુબાજુ ના જુએ
મેલ ભરાયો અગમ ખૂણે ઈ
ધોતાં ધોતાં રૂએ
ટીપે ટીપે અડસઠ તીરથ
અનરાધારે ચૂએ… સાહેબ
ફાટ્યું વસ્તર, મરમી મારો
તન તોડીને તૂને
તપના તાપે સૂકવી વ્હાલો
નચંત થઈને સૂવે… સાહેબ
સોનલવરણી સાંજ ઢળે ને
ઝાલર ટાણે ઝગે
સુમિરન કરતાં સત-ચિત્ત-આનંદ
હોનાર હોય સો હુએ… સાહેબ
***
