બચપણ …. – કૈલાસ પંડિત

બચપણ.. એક વાર મોટા થયા પછી જેની સૌથી વધુ ખોટ સાલે એ બચપણ.

થોડા દિવસ પહેલા સુરેન ઠક્કર ‘મેહુલ’ની એક ગઝલ સાંભળી હતી ટહુકા પર, યાદ છે ને ?

કલરવોના ઘર સમું કલબલતું આંગણ સાંભરે,
સાવ લીલુંછમ હજી આજેય બચપણ સાંભરે.

અને એવું કોણ હશે કે જેણે જગજીતસીંગના કંઠે ‘वो कागझकी कश्ती, वो बारिशका पानी’ સાંભળીને પોતાના બાળપણના દિવસો યાદ ન કર્યા હોય, અને ફરી એક વાર બાળક થવાની જેને ઇચ્છા ન થઇ હોય. કોઇ દિવસ ટહુકા પર એ ગીત પણ સાંભળશું, પણ આજે મજા લઇએ મનહરભાઇના કંઠે ગવાયેલી આ સુંદર રચનાની. ( આ ગઝલ તો નથી, તો આને નઝમ કહેવાય ? )

કવિ : કૈલાસ પંડિત
સ્વર : મનહર ઉધાસ

This text will be replaced

ઘરની સઘળી વસ્તુ મરી ગઇ
બહુ સુના છે ઘરના ખૂણા
શાંત ઉભા છે દ્વારના પડદા
બંધ પડ્યા છે મેજના ખાના
રોઇ રહ્યા છે સઘળા રમકડા

સ્વચ્છ પડેલી ભીંતો ઘરની, લાગે જાણે વિધવા થઇ ગઇ
બિસ્તર કેરી ચાદર જાણે, બાળ વિહોણી માતા થઇ ગઇ

આખો દિ’ ઘર આખા ને બસ માથે લઇ ને ફરતો’તો
વસ્તુ ઘરની ઉલટી-સીધી, અમથો અમથો કરતો’તો
પેન લખોટી ચાકના ટુકડા ખિસ્સામાહેં ભરતો’તો
જુના પત્તા રેલ ટિકિટને મમતાથી સંઘરતો’તો

કોઇ દિ’ મેં શોધી નો’તી, તો યે ખુશીઓ મળતી’તી
લાદી ઉપર સૂતો તો ને આંખો મારી ઢળતી’તી
મારી વાતો દુનિયા આખી મમતાથી સાંભળતી’તી

ખળખળ વહેતા ઠંડા જળમાં છબછબિયાં મેં કિધા’તા
મારા કપડા મારા હાથે ભીંજવી મેં તો લીધા’તા
સાગર કેરા ખારા પાણી કંઇક વખત મેં પીધા’તા
કોણે આવા સુંદર દિવસો બચપણ માંહે દિઘા’તા

સૂના થયેલા ખૂણા સામે વિહ્વળ થઇને નીરખું છું
શાંત ઉભેલા પડદાને હું મારા ફરતે વીટું છું
ઘરની સઘળી ભીતોંને હું હળવેથી પંપાળું છું
ખોવાયેલા વર્ષોને હું મારા ઘરમાં શોધું છું

ક્યાં ખોવાયું બચપણ મારું ક્યાંકથી શોધી કાઢો
મીઠા મીઠા સપનાઓની દુનિયા પાછી લાવો
મોટર બંગલા લઇલો મારા, લઇલો વૈભવ પાછો
પેન લખોટી ચાકના ટુકડા મુજને પાછા આપો

( આભાર : મેહુલ નાયક )

42 replies on “બચપણ …. – કૈલાસ પંડિત”

  1. જય says:

    જયશ્રી, હમણાં તો મને દરરોજ માં બાળપણ યાદ આવે છે… દિવાળી વખતે ફટાકડાં–ધુળેટી પર મિત્રો ને રંગવાની અને સાથે રંગાવાની–નવરાત્રી ની મજાં તો કેમ ભુલાય?
    મુંબઈના દરિયાકિનારે ભેળપુરી ખાતાં ખાતાં કરેલા તોફાનો અને રેતીમાં બનાવેલાં અને પછી તરત જ તોડી નાંખેલા આકારો…..બસ, મને કોઈ મારૂં બચપણ પાછું આપે તો કેવું? જય

  2. Haresh Prajapati says:

    માનવી બચપણ ની યાદો ક્યારેય ભૂલી નથી શકતો.

  3. pari says:

    હા બચપન નઇ યાદો ક્યરેય ન ભુલાય્,,,કેવુ નિર્દોશ બચપ્ન ન કોઇ કપટ ન કોઇ લુચાય , કેવુ ભોળૂ આપણૂ બચપન …..મને કોઇ પાછુ દેય ,,,,,,,પરિ

  4. બચપન કે દિન
    બચપન કે દિન ભી ક્યા દિન થે
    ઉડતે ફીરતે તીતલી બન
    સુજાતા ફિલ્મનું ગીત યાદ આવી જાય છે.

  5. જીવનભર બચપણ જીવી શકે તે સાચો જીવ.
    બચપણને ખોઈ નાખે તે સાવ અભાગી જીવ.
    પામે જે જીવનમાં તેને બાળપણની આંખે દેખે.
    હરપળે એવો જીવ બાળાપણને દમબદમ પેખે.

    શાહ પ્રવીણચંદ્ર કસ્તુરચંદ

  6. UrmiSaagar says:

    બચપણ…. હમ્મ્મ્મ્મ….
    માત્ર આ શબ્દ વાંચીને જ ગામનાં ફળીયામાં પહોંચી જવાય છે!!

    કોઇ દિ’ મેં શોધી નો’તી, તો યે ખુશીઓ મળતી’તી
    લાદી ઉપર સૂતો તો ને આંખો મારી ઢળતી’તી

    એકદમ સાચી વાત છે!

    આ વિષય પણ મને ‘સહિયારું સર્જન’ પર ભવિષ્યમાં મુકવાની ઇચ્છા છે!

    ક્યાં ખોવાયું બચપણ મારું ક્યાંકથી શોધી કાઢો
    મીઠા મીઠા સપનાઓની દુનિયા પાછી લાવો…

  7. આપને કદાચ આ વાંચીને આપનું બચપણ યાદ આવી જાય.
    http://poem.vishalon.net/Poem/73.aspx

  8. ashalata says:

    અત્યારે આપણે શુ છીએ—–?
    નન્હે મુન્ને રાહી હૈ
    નેટકે પુજારી હૈ
    બોલો મેરે સંગ જય ટહુકો જય ટહુકો !!!!!!!!!!
    જો જો કોઇ કીટ્ટા ના કરતા—–

  9. Ramesh Shah says:

    ‘શાંત ઉભા છે દ્વારના પદડા/શાંત ઉભેલા પદડાને’આ બંન્ને જગ્યાએ પડદા અથવા પરદા ના જોઈએ?
    આમાંય નાના ગામડા માં બચપણ વિત્યું છે એમની જ વાત છે.મોટા શહેરો માં ‘પેન લખોટી ચાકના ટુકડા’ ક્યાં જોવા મળે છે?

  10. Harshad Jangla says:

    કોઇ લોટા દે મેરે બિતેહુએ દિન
    કિશોરકુમારનુ ગીત યાદ આવી જાય
    Thanks Jayshree
    -Harshad Jangla
    Atlanta, USA
    Jan 24 2007

  11. Darshan Parekh says:

    એકદમ સાચી વાત છે

  12. shailes solanki says:

    hi. em not confortable with this gujarati fonts. i use different…
    well it reminds me one famous english song “country roads take me home”

  13. Well wisher says:

    The height of this song is in following:
    સ્વચ્છ પડેલી ભીંતો ઘરની, લાગે જાણે વિધવા થઇ ગઇ
    બિસ્તર કેરી ચાદર જાણે, બાળ વિહોણી માતા થઇ ગઇ
    These “rupak” of Vidhava and Maataa are so appropriate…it draws out tons of emotions out of my heart!

    After listening to this song, I decide today that even if I grow older, I will NOT loose my qualities of childhood; namely Nirdoshataa, Alladataa, Nirmalataa, tofaan, Nischinta…..There is a child still living within me, and I want to awaken that child….as if a leaf-less tree in Fall is telling “Maaraama Zaad hajee jaage!!”…..

    You are doing a great job, keep posting good songs!

  14. Jaydeep Dave says:

    ખરેખર.. ઘણા વખત પછી આવી સુન્દર રચના સાંભળીને ખુબ આનંદ આવ્યો.  આભાર.

  15. Well wisher says:

    This song is written by Kailas Pandit.

    Keep up the good work.

  16. Tanmay says:

    Hi tanmay here i everyday listen ur manhar udhaas’s “Bachpan” i always crying at that time nd my request to u i want a chaman tujne suman mari j mafaq chetari jashe gazal also added on ur site plzzzz.

  17. jayendra says:

    આ જોજે સરસ ૈ

  18. Rakesh Shah says:

    Similiar of “Woh Kagaj ki Kashti”, but sufficient to go back in childhool. Very nice song.

  19. gargi says:

    listen this song for atleast 15 time today .enjoyed and very true days gone never come back .but yes if it comes we would definetly like to give everything and get the child hood back.just do moj masti and enjoy.

  20. Karan Bhatt says:

    Bachpan
    Aa song sambhali ne mane maru gaam Palsana yaad aavi gayu.
    Bachpan etale bachpan.
    Kyarey pachhu nathi malatu.
    19 year na thaya have to faqt yaadd!!

    Pizza ne Burger ni vachhe atavayo chhu,
    Juvar no e rotalo sapana ma khavadavu chhu;
    A.C. vali lab ma besi jaat ne bharmavu chhu,
    pan maro Vadalo pade saad ane Sim ma khovavu chhu.

    Have Bachpan ne mare kehavu pade chhe: Aakash thi ye dur taru ghar.

    Dear Jayshree aa song sambhaline mare tamne em j kehavu pade:
    Chalo Ghar Ghar Ramiye

  21. Soniya says:

    All Childhood Not Be BEST,

  22. Rathod Digvijaysinh says:

    ખુબ સરસ્

  23. pragna says:

    અતિ સુન્દર . બાળપણ કયારેય ભુલાતુ જ નથિ એ નિર્દોશ રમતો અને ગમે ત્યાંથિ આનંદ લુંટીલેવાનિ મજા જિંદગિ માં ફરિ જવલ્લે જ મળૅ .

  24. hemangini says:

    not asingel song i can hear properly.I am useing microsoft internet.please guide me what to do

  25. Jayshree says:

    Hemangini,
    this new player on tahuko will take a while before you can listen the song.
    If possible, use firefox and give every songs few seconds before you can listen the song. Let me know if you have any more questions.

  26. Jigna Bhatt says:

    હુ જ્યરે આ ગઝલ સંાભળુે ત્યરે મને મરા બચ્પન ના દિવ્સો યાદ અવે છે અને હુ પન મર બચ્પન મા ખોવય જાવ છે જે રીતેે આ ગઝલ મા કવી ના શબ્દ અને સ્ંગીત નુ મીલન થાય છે તેવી જ રીતે મને પન માર બચ્પન ના દીવ્સો યાદ અવે છે અને મને અવુ લગે છે કે ખરેખર હુ પન મર બળ્્પણ મા અવુ જ કઈક કર્તો હોઇશ અને મારા ઘર ની પન દશા અવી જ કંઈક હશે કોઈ દિવસ પ્ડ્દા બારી પર નહી હોઇ તો કોઇ દીવસ ભીતો પર કર્ટુન જોવા મળ્તા હશે

    Jigna Bhatt,
    અમ્દાવાદ્, ગુજરત

  27. manvant says:

    બચપન કી મહોબ્બતકો…. દિલસે ન ભુલા દેના ;;;

  28. DILIP CHEVLI says:

    ખુબ સરસ, સાંભળી બચપણ યાદ આવી ગયુ.

    દિલીપ ચેવલી.

  29. karnav dave says:

    આ ગીત્ સામ્ભ્ળી ને મને ખરેખર મ્રારુ બચપન્ યાદ આવી ગયુ.
    મનહર્ ઉધાસ્ અને કૈલાશ પન્ડીત નિ દોસ્તી ને સલામ્…………….

  30. dipen says:

    ”ખોવાયેલા વર્ષો ને હું મારા ઘર મા શોધ છુ.”
    આ ગીત સાંભળી ને શબ્દો ને વર્ણવી શકુ એટલી તાકાત નથી મારા મા.
    બસ અનુભવ જ પુરતો છે.

  31. Chandrakant Lodhavia says:

    સુંદર
    બાળપણના
    સંભારણા ને વાગોળવાની
    ખૂબ મઝા આવી.
    ચંદ્રકાન્ત લૉઢવીયા

  32. Dinesh Patel (zulasan) says:

    અદ્ભુત્…!!

    ખરેખર બચ્પન યાદ આવેી ગયુ…

    આભાર્,,,,!!

  33. […] | થોડા દિવસો પહેલા જ મનહર ઉધાસના કંઠે ‘બચપણ’ ગીત સાંભળ્યું, એ તો યાદ હશે ને ? અને […]

  34. હાય રે બાળપણ……કોઇ લૌટા દે…. મુજે….. મેરે બિતે હુએ દિન્…..પ્રસન્ગો ને યાદ કરવા બેસુ તો વર્સો ને વરસ લાગે….
    આસુ આવે ને જાય એ દિવસો ક્યાથી લાવશુ? ભુતકાળમા ડોકિયુ કરુ છુ તો……..એક આખો સચિત્ર ઇતિહાસ નજર સમક્ષ્….તરવા માડે છે…..બધુ જાણે હજુ ગઈ કાલ હોય એવુ લાગ્યા કર છે…

    જગજીતજી ની ગઝ્લ્… ” યે કાગઝ કિ કસ્તિ ….બારિશ કા પાની….કોઈ મુજકો… લૌટા દે….વો ગુડ્ડો ગડ્ડી ઓ કા ખિલાના…..”આ.આ..આ..આ

    કોઇ દિ’ મેં શોધી નો’તી, તો યે ખુશીઓ મળતી’તી
    લાદી ઉપર સૂતો તો ને આંખો મારી ઢળતી’તી
    મારી વાતો દુનિયા આખી મમતાથી સાંભળતી’તી

    આખો દિ’ ઘર આખા ને બસ માથે લઇ ને ફરતો’તો
    વસ્તુ ઘરની ઉલટી-સીધી, અમથો અમથો કરતો’તો

    પેન લખોટી ચાકના ટુકડા ખિસ્સામાહેં ભરતો’તો
    જુના પત્તા રેલ ટિકિટને મમતાથી સંઘરતો’તો

    ક્યાં ખોવાયું બચપણ મારું ક્યાંકથી શોધી કાઢો
    મીઠા મીઠા સપનાઓની દુનિયા પાછી લાવો
    …………….કોઈજ શબ્દો મ્હારુ બચપણ …. પાછુ લાવી શકે એમ નથી….મારી બધિજ સંપત્તિ ?

    મોટર બંગલા લઇલો મારા, લઇલો વૈભવ પાછો
    પેન લખોટી ચાકના ટુકડા મુજને પાછા આપો

  35. મિત્રો…ચાલો આ ગઝ્લ ફરી ફરી સાભળીયે…..

  36. DR PRAVIN KHATRI says:

    JAYSHREE BEN A VANCHINE MARU BACHPAN TO YAD AVYU J PAN MARA BANNE BALAKONU BACHPAN STORE KARVU CHHE ANE TE PAN TEMNI VASTUANO SANGRAH BANAVINE
    THANQ PRAVEEN KHATRI

  37. chetan shah says:

    video performance by Manhar Udhas at:

    http://www.youtube.com/watch?v=b58pBss3CHg

  38. Shirin says:

    bahu bhavvahi rachna chhe bachpan paachhu made to kevu saru.

  39. R R Patel says:

    ખુબ જ સરસ્,
    સમય વહિ ગયા બાદ જ તેનુ મહત્વ સમજાય્.

  40. JIGAR RAVAL says:

    naane ra hath che ne nane ra pag ..papa pagali mande che badha naman da hare che ……nirados ne narad avu maru bachpan

  41. butifuly said–bachapan narendra

Leave a Reply

Your email address will not be published. Required fields are marked *