કાચમાં રહે છે પારદર્શકતા એમ તમે મારામાં આરપાર રહેતાં.. – રમેશ પારેખ

રમેશ પારેખના ચાહકો માટે વધુ એક ‘આ હા હા… ‘ કહેવા જેવું ગીત..! ‘કાચમાં રહે છે પારદર્શકતા એમ તમે મારામાં આરપાર રહેતાં’ – જાણે આ એક પંક્તિ એક આખા ગીતની ગરજ સારે એવી છે..!

સ્વર – સંગીત : નયનેશ જાની

કાચમાં રહે છે પારદર્શકતા એમ તમે મારામાં આરપાર રહેતાં
કાચમાં રહે છે પારદર્શકતા એમ તમે મારામાં આરપાર રહેતાં

ફૂટી ગયેલી આરપારતાને વળગીને
તાકતી સપાટીઓ તો અંધ
ડાળમાંથી પાન જેમ ઊગી નીકળે છે
એમ આપણને ઊગ્યો સંબંધ

પાન ને લીલાશ બેઉ વચ્ચેની દૂરતામાં જોજનનાં પૂર હવે વહેતાં
પાન ને લીલાશ બેઉ વચ્ચેની દૂરતામાં જોજનનાં પૂર હવે વહેતાં

આખ્ખા એ પૂરને હું બે કાંઠે ઘૂઘવતી
ઘુમ્મરીની જેમ રે વલોવું
ઘૂમ્યા કરે છે એકધારી ભીનાશ
મને લાગતું ન ક્યાંક મારું હોવું

હોવા વિનાની કોઇ શક્યતામાં ઓગળીને જળનો આકાર તમે લેતાં
હોવા વિનાની કોઇ શક્યતામાં ઓગળીને જળનો આકાર તમે લેતાં

11 thoughts on “કાચમાં રહે છે પારદર્શકતા એમ તમે મારામાં આરપાર રહેતાં.. – રમેશ પારેખ

  1. Simran

    ખુબજ ભાવવાહિ ગીત! very touching. નયનેશભાઈ એ ખુબજ સરસ રીતે ગાયુ છે.

    Reply
  2. Bhumika

    ડાળમાંથી પાન જેમ ઊગી નીકળે છે
    એમ આપણને ઊગ્યો સંબંધ

    રમેશ પારેખ ની કલ્પના એટલૅ રમેશ પારેખ ની કલ્પના…..

    Reply
  3. Arti mehta

    વાહ ! મનનિ લાગણિઓ ને જાણૅ વાચા મળી ગઈ,સુન્દર શબ્દો ને વહેવાનિ જાણે રિત મળિ ગઈ.આભાર જયશ્રિબેન

    Reply
  4. ishwar v.vadodaria

    બહુ જ સુન્દેર સુન્દેર સુન્દેર રમેશ પારેખ ને સલામ્

    Reply
  5. DILIP MEHTA

    જયારથી ટહૂકૉ સાંભળ્યો છે ત્યારથી વિહંગ બનીને વિહરવાનું મન થઈ રહ્યું છે.
    વાહ ! રમેશ પારેખ અને વાહ ! નયનેશભાઈ!

    મને સાંભળવું ખૂબ ગમે છે આશા રાખું છું કે નવા અને જુના સુગમ સંગીતના ગીતો ઉમેરતાં જશો
    ખૂબ જ આભાર – ધન્યવાદ.

    – દિલીપ મહેતા {વઙૉદરા}

    Reply
  6. dr anil patel talod

    sabdh ane sur nu prayagmilan……………………………………………………………………………………..

    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>