આજ મને મોરપીંછનાં શુકન થયાં, સખી – રમેશ પારેખ

સ્વર્ઃ અનાર શાહ્
સ્વરાંકનઃ અમર ભટ્ટ

.

આજ મને મોરપીંછનાં શુકન થયાં, સખી….
ચપટી નીંદર વીણવા અમે ટેવનાં માર્યાઁ બોરડી કને ગયાં, સખી
આજ મને મોરપીંછનાં શુકન થયાં, સખી….

આજ રાબેતાભેર હું મારે ઘેર ન પાછી આવી
કોઈ મને ઘેર લાવ્યું કે હું ઘેર કોઈને લાવી ?
પાસપાસે અણસાર જેવું પણ નીરખ્યું તો મોંસૂઝણાં છેટાં રહ્યાં, સખી
આજ મને મોરપીંછનાં શુકન થયાં, સખી….

મોરા વિનાનું પીંછ દીઠું કે પીંછ વિનાનો મોર !
કોણ જાણે, પણ કીકીઓ કરે ઢેલ સમો કલશોર
મોરને એનું કોઈ ચોમાસું સાંભરી આવે એટલાં લોચન વહ્યાં, સખી
આજ મને મોરપીંછનાં શુકન થયાં, સખી….
– રમેશ પારેખ ‌

3 replies on “આજ મને મોરપીંછનાં શુકન થયાં, સખી – રમેશ પારેખ”

  1. Amar vashi says:

    રમેશ પારેખની કવિતાને કંપોઝ કરવી અઘરી તો છે. આજ મને મોરપિંછના……માં ફ્લ્યુટ મેદાન મારી ગઇ એને સિતારની
    સુંદર સંગત પણ મળી.સાંભળવી ખુબ ગમે.

  2. Chitralekha Majmudar says:

    Very sweet song and extremely sweetly well sung.It was a treat to listen to it. Thanks.

  3. kailas says:

    આવાજ કૌમુદિ મુન્શિ યાદ આપે એવો સુન્દેર્.

Leave a Reply

Your email address will not be published. Required fields are marked *