આ જીંદગી જ છે કે છે ડાયરીના પાના! – ડૉ. મનોજ જોષી ‘મન’

કવિ શ્રી મનોજ જોષીને એમના જન્મદિવસ પર ખૂબ ખૂબ શુભેચ્છાઓ..!! આજે માણીએ એમની કલમે લખાયેલું, અમારું ખૂબ જ ગમતું ગીત..! કાજલ ઓઝા લિખિત – અને વિરલ રાચ્છ દિગદર્શિત નાટક – સિલ્વર જ્યુબિલીનું આ title song.. જો કે ગીત એવું મઝાનું છે કે તમે નાટક નહીં જોયું હોય તો પણ માણવાની એટલી જ મઝા આવશે..

સ્વર – શૌનક પંડ્યા, જિગીષા ખેરડીયા
સ્વરાંકન – શૌનક પંડ્યા

ઉથલાવવાની રાતો; દિવસોને વાંચવાના,
ફાટેલ ક્ષણ લઇને; યુગોને સાંધવાના!
આ જીંદગી જ છે કે છે ડાયરીના પાના!

સાચું બિછાનું અહીંયા કોને નસીબ થાતું?
ઇચ્છાઓ પાથરીને સપનાઓ ઓઢવાના…
આ જીંદગી જ…

જે આપણે ચહ્યું’તું એ આ કશું તો નહોતું,
જે આપણે ચહ્યું’તું એ ક્યાં જઇને ગોતું
ખોટી પડી હકીકત સાચા પડ્યા બહાના…
આ જીંદગી જ….

શું આપણી ભીતરથી ધ્રુસકે ને ધ્રુસકે રોતું?
શું આપણી ભીતરથી ઉખડ્યું છે મૂળસોતું!
મુળિયા વગરના સંબંધ કાયમ ઉછેરવાના…
આ જીંદગી જ….

નજદીક સાવ તો પણ અંતર વચાળે અંતર
નજદીક સાવ તો પણ રસ્તા રહ્યા સમાંતર
રસ્તાઓ જ્યાં અલગ ત્યાં પગલા શું જોડવાના?…
આ જીંદગી જ….

ખુદને અને પરસ્પર મળતા’તા બેઉ નોખું
સહવાસ લાગે ઝળહળ બળતા’તા બેઉ નોખું.
પોતે સળગતા હો એ બીજું શું ઠારવાના?…
આ જીંદગી જ….

સરખા હતા એ દ્રશ્યો જોતા’તા બેઉ નોખું
વાતાવરણ તો એક જ, શ્વસતા’તા બેઉ નોખું,
અંદરથી સાવ નોખા, બહારે શું તાગવાના?…
આ જીંદગી જ….

રાતો ભરે છે હીબકા દિવસો રડે છે છાના,
હસતી ક્ષણોના ખાલી ફોટા જ પડવાના!
આ જીંદગી જ છે કે છે ડાયરીના પાના!

– ડૉ. મનોજ જોષી ‘મન’

22 replies on “આ જીંદગી જ છે કે છે ડાયરીના પાના! – ડૉ. મનોજ જોષી ‘મન’”

  1. Kamlesh says:

    રાતો ભરે છે હીબકા દિવસો રડે છે છાના,
    હસતી ક્ષણોના ખાલી ફોટા જ પડવાના!
    આ જીંદગી જ છે કે છે ડાયરીના પાના! વાહ મનોજભાઈ….

    સાથે..સરસ અવાજ અને સ્વરાંકન પણ
    અભિનન્દન..શૌનક પંડ્યા ને

  2. chhaya says:

    એક એક શબ્દ અમુલ્ય , વિચાર માગિ લે એવો ચ્હે .

  3. સાચું બિછાનું અહીંયા કોને નસીબ થાતું?
    ઇચ્છાઓ પાથરીને સપનાઓ ઓઢવાના…

    રાતો ભરે છે હીબકા દિવસો રડે છે છાના,
    હસતી ક્ષણોના ખાલી ફોટા જ પડવાના!

    આ જીંદગી જ છે કે છે ડાયરીના પાના…
    ડો. મનોજ જોષી ની અતિસુન્દર રચના …!!

  4. Govind maru says:

    મારુ પરીવાર તરફથી ડૉ. મનોજ જોષી ‘મન’ને જન્મદીનની અઢળક શુભેચ્છાઓ…

  5. manubhai1981 says:

    કાવ્ય ઘણ ઉઁ ગમ્યુઁ આભાર.

  6. વાહ વાહ સુંદર ગીત અને એટલું જ સરસ સ્વરાંકન..મઝા પડી..
    મનોજભાઇને જન્મદિનની શુભેચ્છાઓ…

  7. dr.ketan karia says:

    સહજતાથી સભર લેખની કાવ્યનાં તેમણે અજમાવેલાં દરેક પ્રકારમાં આગવું આકર્ષણ રહ્યું છે…મારાં ઘરમાં આ શુભ દિવસે સાથે જમ્યાં તે વાત એક ટૂંકુ પણ યાદગાર સંભારણું થઇ ગયું, શૌનકભાઇએ આ ગીત સાથે ઉચિત ન્યાય કર્યો છે..અભિનંદન.

  8. sweety says:

    વાહ ક્યા બાત હૈ

  9. DR.MANOJ L. JOSHI 'Mann' (jamnagar) says:

    આભાર…જયશ્રીબેન….અને કોમેન્ટ્સ તેમજ કોમ્પ્લિમેન્ટ્સ માટે તમામ મિત્રો/વાંચકોનો પણ હ્ર્દયપુર્વક આભાર્….(મુ.શ્રી જયશ્રીબેન,નમસ્કાર…ગીત જે હેડીંગ નીચે પોસ્ટ કર્યું છે તેમાં શરતચુકથી મનોજ મુનીનું નામ છપાયું છે,જે અંગે યોગ્ય કરવા વિનંતી…આભાર)

  10. વાહ… ખૂબ જ મજાનું ગીત.. એટલું જ મસ્ત સંગીત, સ્વરાંકન અને ગાયકી…

    કવિશ્રીને જન્મદિવસની મોડી મોડી (મોળી મોળી નહીં!) શુભકામનાઓ…

  11. SURESHKUMAR G VITHALANI says:

    EXCELLENT POETRY BY DR.MANOJ JOSHI, INDEED! CONGRATULATIONS TO HIM.

  12. DR.MANOJ L. JOSHI 'Mann' (jamnagar) says:

    આભાર…વિવેકભાઈ અને સુરેશકુમારજી…

  13. dilip ghaswala says:

    સૌલ ફુલ ગિત શૌનક ભૈ…મઝા પદિ ગૈ …જ્ન્મ દિન ની શુભેછ્હઅ..દિલિપ ઘાસવાલા

  14. dilip ghaswala says:

    congratulation..

  15. Avani Pandit says:

    Mast — as ever Shaunak Sir..

  16. Sakshar says:

    અદ્ભુત.

  17. Satish Kalaiya says:

    Wah!`Aa Zindagij che ke che dairyna pana !`Happy Birth day-Manojbhai.
    `Zindagi khawab hai`….(M)

  18. Vinkal Panchani says:

    Nice to read , Belated Happy birthday

  19. ખુબ જ સરસ રચના.
    મન અને ઋદય ને સ્પર્શી ગઈ.
    અર્થસભર.
    ખુબ ખુબ અભીનન્દન.

  20. ખૂબ જ સુંદર ગીત અને ખૂબ જ કર્ણપ્રિય સંગીત અને ગાયકી…..

  21. DR,MANOJ L. JOSHI "Mann" ( JAMNAGAR ) says:

    હેલ્લો..વિન્કલભાઈ..!! તમારી હાજરી અહીં જોઈ ને ખુબ આનંદ થયો…આભાર…

  22. bharati bhatt says:

    khubaj sundar rachnaa chhe.eakdam vastaviktaathi najdik chhe.jingino gudhhartha mali jaaya chhe.jindagi naa be samaantar kinaaraanu malavu eatale shu teno marma batave chhe.khub majaa aavi.

Leave a Reply

Your email address will not be published. Required fields are marked *