Category Archives: બાળગીત

બાળગીત શ્રેણીમાંના બધા પોસ્ટ (કક્કાવાર). સંપૂર્ણ પોસ્ટ માટે ક્લીક કરો.

સૂરજ ! ધીમા તપો ! - ઝવેરચંદ મેઘાણી
અમે તો ગીત ગુલાબી ગાશું! - સુરેશ દલાલ
અમે ફેર ફુદરડી ફરતા તાં....
અમે હોળીનો ગુલાલ છીએ ઘેરૈયા - સુરેશ દલાલ
અલક ચલાણું ઓલે ઘેર ભાણું - સુરેશ દલાલ
આ સઘળાં ફૂલોને કહી દો યુનિફોર્મમાં આવે - કૃષ્ણ દવે
આહા આવ્યું વેકેશન...
ઇટ્ટા કિટ્ટા... - સુરેશ દલાલ
ઊડે પતંગ... - અનિરુધ્ધ અને પ્રદ્યુમ્ન્ન તન્ના
એક હતો ભોપો, તેણે પહેર્યો ટોપો - રમેશ પારેખ
એકડો સાવ સળેખડો, બગડો ડિલે તગડો.. - રમેશ પારેખ
કૃષ્ણલાલ શ્રીધરાણી પર્વ ૧ : કૂકડો
કોની આગળ જઈને કહીએ અંગ્રેજીની લ્હાય...
ખદુક, ઘોડા, ખદુક ! - રમણલાલ સોની
ચકીબેન ! ચકીબેન !....
ચાંદો સૂરજ રમતા'તા...
ચાલો આંગણામાં ઝાડ કોઇ વાવીએ - જિગર જોષી 'પ્રેમ'
ચાલો ચાલેને રમીએ હોડી હોડી - પિનાકીન ત્રિવેદી
ઝરણું રમતું રમતું આવે - ઉમાશંકર જોષી
ટીંગાટોળી..... ટીંગાટોળી - વિહાર મજમુદાર
ઢીંગલી મારી બોલતી નથી...
તું અહીંયાં રમવા આવ મઝાની ખિસકોલી - ત્રિભુવનભાઈ વ્યાસ
નવમી વર્ષગાંઠ Special: બાળગીત 2 : બા મેં તો બાગમાં બાંધી નિશાળ
નાની મારી આંખ એ જોતી કાંક કાંક...
નામ મારું છે ખુશી, ખુશી ખુશી હું બોલું - રમેશ પટેલ 'આકાશદીપ'
પતંગિયું - કૃષ્ણ દવે
પરીક્ષા - કૃષ્ણ દવે
પાંચમી વર્ષગાંઠ સ્પેશિયલ: (બાળગીત) વારતા રે વારતા ...
પોપટ બોલાવે...ચકલી બોલાવે..
બા પેલા બાગમાં દોડી દોડી જાઉં....
બાળગીત - કૃષ્ણ દવે
બાળગીતોનું અનોખુ આલ્બમ: 'ફરી હસતા રમતા'
બાળદિન Special 1: ગોદડાંમાં શું ખોટું? - વિવેક મનહર ટેલર
બાળદિન Special 2:સાબુભાઈની ગાડી – વિવેક મનહર ટેલર
બાળદિન Special 3: મારે પપ્પા બદલવા છે… – વિવેક મનહર ટેલર
મને કહોને પરમેશ્વર કેવા હશે ? – પ્રીતમલાલ મજમુદાર
મમ્મી, આ ચાંદો ખવાય? - કૃષ્ણ દવે
મા, મને છત્રી લઇ આપ તું એવી….
મારા પ્રભુ તો નાના છે....
મારે ફરી એકવાર શાળાએ જવું છે....
મુંબઇથી ગાડી આવી રે, હો દરિયાલાલા...
રંગ રંગ વાદળિયાં - સુન્દરમ્
રેડિયો 20: બાળગીતો
વાદળની રેલગાડી - કૃષ્ણ દવે
શિશુસ્તાન - રૂપાંગ ખાનસાહેબ
શીંગોડા શીંગોડા....
સાંભળો સમાચાર તાજા, બંદર બન્યો છે રાજા - મેઘલતા મહેતા
સિંહની પરોણાગત – રમણલાલ સોની
હસતા રમતા - બાળગીતો
હાલો ગલૂડાં રમાડવા જી રે ! – ઝવેરચંદ મેઘાણી
હું ને ચંદુ છાનામાના કાતરિયામાં પેઠાં - રમેશ પારેખ
Say Sorry, My Son! Say Sorry... - રઈશ મનીઆર



બાળદિન Special 3: મારે પપ્પા બદલવા છે… – વિવેક મનહર ટેલર

કવિ મિત્ર વિવેક ટેલરનું એક વધુ બાળગીત આજે… એમની વેબસાઇટ પર બાળગીતોના શબ્દો શોધતા આ ટીપ્પ્પણી નજરે ચડી, જે અહીં કોપી પેસ્ટ જ કરું છું – એક મઝાનો સવાલ એણે ઉઠાવ્યો છે, જવાબ તમે આપશો?

“બાળકાવ્યો આપણી ભાષામાં ખાસ્સો ઉપેક્ષિત વિષય છે. ‘એક બિલાડી જાડી’ અને ‘હાથીભાઈ તો જાડા’થી વધારે આગળ આપણે જવલ્લે જઈએ છીએ. અલગ ફ્લેવરના બાળગીતો આપણી હોજરીને પચતા નથી.. ‘પપ્પાજીની ચડ્ડી’ જેવું નિર્દોષ અને રમતિયાળ ગીત પણ ઘણાંને ગમ્યું નહોતું. આ અઠવાડિયે ફરીથી એક બાળગીત… આપણી અંદરનું બાળક હજી જીવે છે કે નહીં એ ચકાસી જોઈએ?

સ્વર – વિવેક ટેલર

.

( …સ્વયમ્, ૧૦-૦૭-૨૦૧૦)

દુકાને જઈને પૂછ્યું મેં શેઠને, સ્ટૉકમાં કોઈ પપ્પા છે ?
મારે પપ્પા બદલવા છે…

ગેમ રમવાને એ મોબાઇલ તો આપે નહીં,
ઉપરથી આપે છે લેક્ચર;
ગણિતના કોઠાઓ ગોખી ગોખીને
મારા મગજમાં થઈ ગ્યું ફ્રેક્ચર,
છુટ્ટીના દિવસો ભણી-ભણીને, બોલો, કોણે બગાડવા છે ?
મારે પપ્પા બદલવા છે.

નાનકડા જીવની નાની ડિમાન્ડ મારી,
રાત્રે રોજ માંગું એક સ્ટોરી;
અક્કલના ઓરડેથી કાઢી દેવાની
કે એમાંય કરવાની કામચોરી ?
સ્ટોરીના નામે જે તિકડમ ચલાવો એને આજે પકડવા છે.
મારે પપ્પા બદલવા છે.

આમ કર, આમ નહીં, આમ કેમ? આમ આવ,
આખો દિવસ આ જ કચ કચ;
ખાતાં ખાતાં તારા કપડાં કેમ બગડે છે,
ચાવે છે કેમ આમ બચ્- બચ્ ?
ડગલે ને પગલે શિખામણ મળે નહિ એવા કંઈ સ્ટેપ લેવા છે.
મારે પપ્પા બદલવા છે.

– વિવેક મનહર ટેલર
(૦૩-૦૬-૨૦૧૦)

બાળદિન Special 2:સાબુભાઈની ગાડી – વિવેક મનહર ટેલર

આજનું આ ગીત – મારું અને મારી દિકરી આન્યાનું પણ એકદમ favorite!

(…… …સ્વયમ્, નળસરોવર,૨૭-૦૧-૨૦૦૭)

.
સ્વર – વિવેક ટેલર

.

(“મનુભાઈની મોટર ચાલી પમ્..પમ્..પમ્..”ના ઢાળમાં)

સાબુભાઈની ગાડી ચાલી સરરરર….સરરરર…સરરરર…(2)

ફીણના ધુમાડા ને પાણીનું પેટ્રોલ,
સ્ટીઅરીંગ મળે નહીં બસ, પપ્પાનો કંટ્રોલ;
ઑટૉમેટિક બ્રેક છે….ચૂઉંઉંઉંઉં..(2)
ઑટૉમેટિક બ્રેક છે ને છે એક્સીલરેટર…
સાબુભાઈની ગાડી ચાલી સરરરર….સરરરર…સરરરર…(2)

હાથપગની ગલીઓમાં મેલના છે બમ્પર,
સાબુભાઈની ગાડીમાં મજબૂત છે જમ્પર;
પૈડા મળે નહીં… ફૂરરરર…(2)
પૈડા મળે નહીં તો ક્યાંથી પડે પંક્ચર ?
સાબુભાઈની ગાડી ચાલી સરરરર….સરરરર…સરરરર…(2)

-વિવેક મનહર ટેલર

બાળદિન Special 1: ગોદડાંમાં શું ખોટું? – વિવેક મનહર ટેલર

૧૪ નવેમ્બર – બાળદિવસ અને વ્હાલા સ્વયમનો જન્મદિવસ પણ… તો આજે એક મસ્ત મજાનું બાળગીત, વિવેકભાઇની કલમે… ધીમે ધીમે ઠંડીની મોસમ આવી રહી છે તો તમે પણ આ ઠંડીની મજા વધારતું ગીત માણો..!!


(…… …સ્વયમ્, નળસરોવર,૨૭-૦૧-૨૦૦૭)

સ્વર – વિવેક ટેલર

.

મમ્મી બોલી, ઠંડી આવી, સ્વેટર પહેરો મોટું,
ગોદડું વ્હાલું અમને તો ભઈ, ગોદડાંમાં શું ખોટું?

ગોદડાંને પકડી તો જુઓ,
ગોદડાંમાં છે નરમી;
મથી-મથીને અમે કરી છે
અંદર ભેગી ગરમી.
ગોદડાંની અંદર હું કેવો મસ્તીથી આળોટું ?
ગોદડું વ્હાલું અમને તો ભઈ, ગોદડાંમાં શું ખોટું?

ગોદડાંનો ગોટો છે આ કે
વારતાઓનો ડબ્બો?
ડુંગરમાંથી હાથી થઈ જાઉં,
ભૂત બની કહું, છપ્પો !
સ્વેટરમાં તો છોટુ થઈને રહેશે ખાલી છોટુ…
ગોદડું વ્હાલું અમને તો ભઈ, ગોદડાંમાં શું ખોટું?

-વિવેક મનહર ટેલર
(૧૧-૦૨-૨૦૦૮)

મને કહોને પરમેશ્વર કેવા હશે ? – પ્રીતમલાલ મજમુદાર

મને કહોને પરમેશ્વર કેવા હશે ?
કેવા હશે ? શું કરતા હશે ?

– મને…

ગગનની ઓઢણીમાં ચાંદા સૂરજને
તારાને ગૂંથનાર કેવા હશે ?

– મને…

આંબાની ઊંચી ડાળીએ ચડીને
મોરોને મૂકનાર કેવા હશે ?

– મને…

મીઠા એ મોરોના સ્વાદ ચખાડી
કોયલ બોલાવનાર કેવા હશે ?

– મને…

ઊંડા એ સાગરનાં મોજાં ઉછાળી
ઘૂ ઘૂ ગજાવનાર કેવા હશે ?

– મને…

– પ્રીતમલાલ મજમુદાર

પોપટ બોલાવે…ચકલી બોલાવે..

નવા વર્ષની શરૂઆત – મારા અને મારી દીકરીના મનગમતા બાળગીતથી…

મમ્મી, આ ચકીનું નામ શું?

મમ્મી, આ ચકીનું નામ શું? ….. Little Green Bee-eater ~ Merops Orientalis ~ પતરંગો (photo: Vivek Tailor)

સ્વર – ગુલાબબેન ભક્ત

પોપટ બોલાવે ચકલી બોલાવે,
બોલાવે કુતરું કાળું
એ તો વાંકી પૂછડી વાળું…

નાના નાના ચાર ગલૂડીયા આવે છાના માના
કોઇ રંગે કાળુ, કોઇ રંગે ધોળું,
કોઇ રંગે લાલ લાલ ને ચોથું ધાબાવાળું

પોપટ બોલાવે ચકલી બોલાવે,
બોલાવે કુતરું કાળું
એ તો વાંકી પૂછડી વાળું…

દડબડ દડબડ દોડીઆવે ભૂલકાંઓની ટોળી
કોઇ કહે આ મારું, કોઇ કહે આ તારું,
કોઇ કહે આ રૂપાળું ને સૌને હું રમાડું

પોપટ બોલાવે ચકલી બોલાવે,
બોલાવે કુતરું કાળું
એ તો વાંકી પૂછડી વાળું…
– કવિ ?

————————