મનોજ પર્વ ૦૯ : પકડો કલમ ને કોઈ પળે એમ પણ બને

આ વર્ષના ‘મનોજ પર્વ’ના બીજે દિવસે સાંભળીએ કવિ શ્રી મનોજ ખંડેરિયાની આ મને ખૂબ જ ગમતી ગઝલ..! કવિના પોતાના અવાજમાં.. મનોજ ખંડેરિયાની ગઝલોમાં આવતા જૂનાગઢ, નરસિંહના સંદર્ભો આમ તો અજાણ્યા નથી – પણ આ ગઝલમાં જૂનાગઢ કે નરસિંહ મહેતાના નામ વગર આવતો સંદર્ભ વિષે કવિના પોતાના અવાજમાં જ સાંભળો.

ગઝલ પઠન : મનોજ ખંડેરિયા

This text will be replaced

*****

અને સાથે બે અલગ સ્વરાંકનો અને સ્વરોમાં માણીએ આ ગઝલ ..!

સ્વર અને સ્વરાંકન : રાસબિહારી દેસાઇ
(થોડું જૂનું રેકોર્ડિંગ હોવાથી અવાજ થોડો ધીમો છે… ચલાવી લેશો ને? 🙂 )

This text will be replaced

સ્વર અને સ્વરાંકન : સોલી કાપડિયા

This text will be replaced

પકડો કલમ ને કોઈ પળે એમ પણ બને
આ હાથ આખેઆખો બળે એમ પણ બને

જ્યાં પહોંચવાની ઝંખના વર્ષોથી હોય ત્યાં
મન પહોંચતાં જ પાછું વળે એમ પણ બને

એવું છે થોડું : છેતરે રસ્તા કે ભોમિયા ?
એક પગ બીજા ને છળે એમ પણ બને

જે શોધવામાં જિંદગી આખી પસાર થાય
ને એ જ હોય પગની તળે એમ પણ બને

તું ઢાળ ઢોળિયો : હું ગઝલનો દિવો કરું
અંધારું ઘરને ઘેરી વળે એમ પણ બને

– મનોજ ખંડેરિયા

17 replies on “મનોજ પર્વ ૦૯ : પકડો કલમ ને કોઈ પળે એમ પણ બને”

  1. DHANANJAY says:

    આ તો બહુ જ સમજવા જેવિ અને મસ્ત ગઝલ.

  2. nileshpabari says:

    આ ગઝલ સાભળવા ની વરસો પહેલાની અપેક્ષા પુરી થઈ. આભાર જયશ્રિ……

  3. Maheshchandra Naik says:

    જ્યાં પહોચવાની ઝખના વરસોથી હોય ત્યાં
    મન પહોચતા જ પાછુ વળે એમ પણ બને
    આ શેર ઘણુ બધુ કહી જાય છે…..
    આપનો આભાર્……

  4. hirabhai says:

    bahu saras gazal chhe
    thank you jayshreeben

  5. Ullas Oza says:

    હંમેશા સુંદર ગીતો આપો છો – ઍવુ જ બને છે !
    ઉલ્લાસ ઓઝા

  6. Vipul Barot says:

    Hey dear its so melodious superb…..Hats off to u

  7. જયેન્દ્ર ઠાકર says:

    જ્યાં પહોંચવાની ઝંખના વર્ષોથી હોય ત્યાં
    મન પહોંચતાં જ પાછું વળે એમ પણ બને…..

    છે આશામા મધુર સુખ તે ત્રુપ્તિમા કેમના?
    રે તોયે સહુ મનુજ ધરતા ત્રુપ્તિની કેમ આશા?

  8. Kamlesh says:

    છેતરે રસ્તા કે ભોમિયા ?
    એક પગ બીજા ને છળે એમ પણ બને

    વાહ..વાહ…..અદભૂત

  9. MADHAV DESAI says:

    My family enjoys reading your blog. I love it too..

    May I invite you to write an article on my blog, for my readers… it would be great, and would be an honour.

    Do visit my blog http://www.madhav.in

    thanks.

  10. અદભુત ગઝલ… પઠન અને ગાયકી પણ સ્પર્શી ગયા…

  11. sandip says:

    wonderful

  12. meghbindu says:

    jayshriben,thank you very much for publishings the gazal of Manoj Khanderia all the gazals I have heard many times

  13. shefali says:

    lage chhe jane k mari j vat hoy !!!!!!! tahuko ni edict thai gai chhu.

  14. jyoti says:

    બહુજ સરસ …ધન્યવાદ . આ ગઝલ ખુદ મનોજ ભાઈ ના સ્વર મા…વાહ્..!એક અલગ જ અનુભવ !

  15. raksha says:

    ટહુકો એટલે બસ, અદભૂત જ ……….આફરીન….

  16. Jatayu says:

    બહુ મસ્ત ગઝલ . . . માણવા અને જાણવા જેવી ગઝલ . .

Leave a Reply

Your email address will not be published. Required fields are marked *