સંગમાં રાજી રાજી – રાજેન્દ્ર શાહ

ટહુકોની બે એરિયા ટીમના કલાકારોના સ્વરમાં આ ગીત ફરી એકવાર સાંભળીએ.

સ્વર ઃ આણલ અંજારિયા, અચલ અંજારિયા, હેતલ બ્રહ્મભટ્ટ, નિકુંજ વૈદ્ય

*******
Posted in August 2009

સ્વર : અજિત – નિરૂપમા શેઠ
સંગીત : અજિત શેઠ

.

સંગમાં રાજી રાજી,
આપણ
એકબીજાના સંગમાં રાજી રાજી;
બોલવા ટાણે હોઠ ખૂલે નહિ,
નેણ તો રહે લાજી,
લેવાને જાય, ત્યાં જીવન
આખુંય તે ઠલવાય!
દેવાને જાય, છલોછલ
ભરિયું શું છલકાય!
એવા એ
આપલેને અવસરિયે પાગલ
કોણ રહે કહે પાજી?
વીતેલી વેળની કોઈ
આવતી ધેરી યાદ,
ભાવિનાં સોણલાંનોયે
રણકે ઓરો સાદ;
અષાઢી
આભમાં વાદળ વીજ શાં વારિ
ઝરતાં રે જાય ગાજી!

– રાજેન્દ્ર શાહ

11 replies on “સંગમાં રાજી રાજી – રાજેન્દ્ર શાહ”

  1. આભાર જયશ્રી આ ગીત માટે.. ખુબજ ગમ્યું…

  2. વાદ્યોની ભરમારનો જ્યારે જ્યારે થાક લાગે છે ત્યારે આ ગીત / સ્વરાંકન સાંભળું છું. ને જીવ પાછો રાજીરાજી થઈ જાય છે.
    રવિન્દ્ર સંગીતની તો ગજબની કમાલ છે. સલામ રાજેન્દ્ર શાહ, અજીત શેઠ, નિરુપમા શેઠ !

  3. જરાય કોલાહલ વગર્,વહેતા પાણિનિ સપાટિ નિચે શાન્ત વહેણ જેવુ કમ્પોઝિશન ખુબ ગમ્યુ.
    શબ્દો તો આ આન્ધળિ દોટ દુનિયાનિ પેલે પારના છે.

  4. કવિશ્રી રાજેન્દ્ર શાહ ની ઉત્તમ રચના !
    સાવ નિઃસ્વાર્થ અને હળવા થૈ જવાય એવા એક ગરવા સમ્બન્ધ ની ફોરમ લૈ ને આવ્યું ચ્હે આ ગીત !

  5. આનઅન્દ નો અનુભવ, પ્રેમ નો એક્રરાર્,સુખ નુ પ્રતિબિમ્બ્.

Leave a Reply

Your email address will not be published. Required fields are marked *