આ શ્હેર તમારા મનસૂબા ઉથલાવી દે… – રમેશ પારેખ

રમેશ પારેખનું આ ગીત પહેલી વાર સાંભળ્યું, ત્યારે ગમ્યું તો ખરું.. પણ જેમ જેમ વધારે સાંભળ્યું, એમ એમ વધારે ગમે છે… અને હવે તો આ ગીત સાંભળું, કે તરત સેન ફ્રાંન્સિસ્કો જ યાદ આવે… કારણ કે ‘કહાની મે ટ્વિસ્ટ’.. જેવું ઘણું બધું એ શહેરમાં અનુભવ્યું છે….

ભગવાને ત્યાં ખુલ્લા હાથે કુદરતી સૌંદર્ય વેર્યું છે… ( આપણે મોરપિચ્છ પર એક વાર સેન ફ્રાંન્સિસ્કોની મુલાકાત લીધી હતી.. યાદ છે ને ? ) આમ તો જોવાલાયક બધા સ્થળો પર 2-3 વાર ગઇ છું.. પણ તો યે એ ઉંચા-નીચા રસ્તાઓ… Ferry Building થી Pier 39 સુધીની morning walk… BART કે Metro Muni ની મુસાફરી.. જ્યાં જવું હોય ત્યાં મોટેભાગે સાઇકલ પર જવું અને પાછા વળતી વખતે નવા રસ્તા explore કરવાની લાલચમાં ખોવાઇ જવું.. એવું ઘણું બધું છે જે હજુ પણ યાદ આવે છે…. એમ થાય છે કે થોડા દિવસની રજા મળે… એ ઘર અને મારી સાઇકલ પાછી મળે… તો એ શહેરને મન ભરીને માણી લઉં…


સ્વર : સોલી કાપડિયા

આ શ્હેર તમારા મનસૂબા ઉથલાવી દે, કહેવાય નહીં
આ ચહેરા પર બીજો ચહેરો ચિપકાવી દે, કહેવાય નહીં

આ સંકેતો, આ અફવાઓ, આ સંદર્ભો, આ ઘટનાઓ
આખેઆખો નકશો ક્યારે બદલાવી દે, કહેવાય નહીં

ઘરને ઘર કહીએ તો આ ઘર એક લૂનો ચોરસ દરિયો છે
ભરતી છે : દરિયો શું શું ડુબાવી દે, કહેવાય નહીં

સપનાંના છટકરસ્તે અહીંથી ભાગી નીકળે છે આંખો, પણ
પાંપણનું ખૂલી પડવું, પાછી સપડાવી દે, કહેવાય નહીં

દ્રશ્યો-દ્રશ્યો જંગલ-જંગલ ચશ્માં-ચશ્માં ધુમ્મસ-ધુમ્મસ
રસ્તા-રસ્તા પગલું-પગલું ભટકાવી દે, કહેવાય નહીં

ટાવર ધબકે, રસ્તા ધબકે, અરધો-પરધો માણસ ધબકે
કોનો ધબકારો કોણ અહીં અટકાવી દે, કહેવાય નહીં

( આભાર : લયસ્તરો )

( કવિ પરિચય )

25 replies on “આ શ્હેર તમારા મનસૂબા ઉથલાવી દે… – રમેશ પારેખ”

  1. Vihang Vyas says:

    ચકલી તું મારા ભાગ્યનું પરબિડિયું ઉપાડ,
    હું આવ્યો છું આ શ્હેરમાં ગુલમહોર શોધવા…

    શેરડીનો લઈ ખટારો શ્હેર બાજુ જાય છે
    ત્યાતો ધમધોકાર કેવળ સેકરિન વેચાય છે
    આંખમાથી પંખી ખંખેર્યા પછી કરજે પ્રવેશ,
    એક ટહુકાથી નગર આખું પ્રદુષિત થાય છે
    રમેશ પારેખ

  2. Koik Ajanbi says:

    એકદમ વાત કરી… નવા શહેરો માં (એમા પણ ગમતા શહેરમાં) ખોવાઇ જવાની મજા જ અનેરી હોય છે.

  3. Koik Ajanbi says:

    એકદમ સાચી વાત કરી… નવા શહેરો માં (એમા પણ ગમતા શહેરમાં) ખોવાઇ જવાની મજા જ અનેરી હોય છે.

  4. prakash says:

    the poet has enliven almost everythings that the city consist of….it only require special eyes to write what you see…..amazing creation….thanks to everybody.

  5. hardik vora says:

    Jayshreeben, Soli Kapdia gujarati gazal na sarva shrestha gaayak chhe…. !!!!!

  6. PRABHU CHOKSI says:

    My God, Soli Kapadia’s composition and singing and voice all three are so unique! I am touched with this great artist’s mind boggling performance!
    LONG LIVE SOLI KAPADIA

  7. Rutvij Oza says:

    મિત્રો
    શિવ મહિમન સ્ત્રોત્રમ ઉમા ઓઝા ના સ્વર મા મલિ શકે તો સારુ.
    રુત્વિજ ઓઝા

  8. bimal says:

    have you been to rio ? if you are fascinated by RIO , you will be definitely impressed by Rio de janiero – a great city to explore and fall in love !! Have fun

  9. Dushyant Bhavsar says:

    એક સલામ… સ્વર સંગીતના આ કસબીઓને..

  10. vandana says:

    First time heard this song…very good voice and effective words….Thanks

  11. Bansilal Dhruva says:

    So many times .can not here song when click on
    ‘Gamatu Git’ from ‘Anukramanika’. What’s the reason?

  12. Bansilal Dhruva says:

    Thanks,Jayshreeben. Again, after heard this song,I just’Khovai gayo ‘ when I heard !st time,’Te paloman’.
    Bansilal Dhruva

  13. kalpesh solanki says:

    ક્યા બાત્ હે

  14. kalpesh solanki says:

    kya bat kahi he shree ramesh parekhne,thode me bahot kuch kahe diya.sayad, un sahero ke kiye jisme bas ne wale insan ko khud apne liye bi time nahi milta,irsad

  15. Ketan Doshi says:

    અદભુત્

  16. usha says:

    સુંદર અભિવ્યક્તિ! શબ્દો અને ગાનમાં…

  17. jagdish says:

    અનન્ય આ ગમે ચ્હેરઆઓ શબ્દોના

  18. Bhavesh says:

    પાચિકા હુ વિનતિ તિ, ઝુલહા હુ ઝુલતિ તિ,
    પાદર મા જાન આવિ જ્યરે, મારુ બચ્પન ખોવાયુ ત દાદેી

  19. Bhavesh says:

    મિત્રો, ખોવાઇ જવા કરતા, “chhavai” જવુ

  20. ANANDBABU says:

    મને બહુ ગમ્યુ

  21. Mala Edward says:

    I am a great fan of soliji.
    At this stage this song is applicable to recent Japan’s tsunami -earthquake Disaster.Pray for all who suffer from this tragedy.

  22. hameed farista says:

    મુખ દેખ દરપને નિત્યા સુનતા વનિ. આ કવિત મલે તો મોકલવા ક્રુપ કરશો.

  23. Suresh Vyas says:

    આ કાવ્ય ગમ્યુ.

    સુરેશ વ્યાસ

  24. D. N. SHAH. says:

    I like your this post very much so I posted it in my F.B. profile, thanks, thanks for all, thanking you.

Leave a Reply

Your email address will not be published. Required fields are marked *