જેની ઉપર ગગન વિશાળ – અવિનાશ વ્યાસ

ગુજરાતદિનની સૌને મોડી મોડી – પણ જરાય મોળી નહીં એવી શુભેચ્છાઓ… 🙂

સ્વરઃ પુરુષોત્તમ ઉપાધ્યાય અને હંસા દવે
ગીતઃ અવિનાશ વ્યાસ
સંગીતઃ પુરુષોત્તમ ઉપાધ્યાય અને ગૌરાંગ વ્યાસ
ચિત્રપટઃ ઉપર ગગન વિશાળ (૧૯૭૧)


(આ ગીત મોકલવા માટે દિલીપભાઇ ભટ્ટ, સાવરકુંડલા નો આભાર)

સ્વર – નીરજ પાઠક, ફાલ્ગુની ડોક્ટર અને સાથીઓ
YouTube Preview Image

જેની ધરતી સદા રસાળ હરિયાળી ડુંગર માળ
જ્યાં જળભર સરિતા સરતી એવી ગુર્જરી માની ધરતી

જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

આ શૌર્યભર્યું સૌરાષ્ટ્ર જેનો રંગ સદા રળિયાત
ખાભી ખાંભી કહી રહી છે વિરહી યુગલની વાત

જ્યાં ગગન ચૂંબે ગિરનાર રૂપવંતા નર ને નાર
જ્યાં સિંહો કેસરિયાળ જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

જ્યાં ગોમતી નદીને આરે આવ્યું દ્વારિકાનું ધામ
જ્યાં દર્શન કરવા આવે તો રણછોડ સ્વરૂપ ઘનશ્યામ

ચૌલા કરતી ઝંકાર જય સોમનાથને દ્વાર
રક્ષા કરતા રખવાળ જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

ઉત્તર ગુજરાતે ભવ્ય કલામય સૂર્યનું મંદિર સોહે
બાલારામનાં ઝરણાં ધોધે તનમન સૌના મોહે

પાટણની પ્રભુતા દ્વારે અને સરસ્વતીને આરે
હજુ ઊભો રૂદ્રમાળ જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

જબ કૂત્તે પર સસ્સા આયા
તબ બાદશાહને શહર બસાયા
મંદિર મસ્જિદ સાથે સાથે રામ રહીમની છાયા

સાબરમતી નદીને તીરે ધૂણી ધખાવી નગ્ન ફકીરે
ચાલ્યો દાંડીની ચાલ જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

જ્યાં તાપી નર્મદા મહીસાગર ગુર્જર ગૌરવ એંધાણી
જ્યાં ગુર્જરી માના ચરણકમળે મહેરામણના પાણી

કુદરતની મહેર મહાન જ્યાં સાપુતારા સ્થાન
આદિવાસીના તાલ
જેની ધરતી સદા રસાળ હરિયાળી ડુંગર માળ
જેની ધરતી સદા રસાળ હરિયાળી ડુંગર માળ

જ્યાં જળભર સરિતા સરતી એવી ગુર્જરી માની ધરતી
જેની ઉપર ગગન વિશાળ
જેની ઉપર ગગન વિશાળ, જેની ઉપર ગગન વિશાળ

4 replies on “જેની ઉપર ગગન વિશાળ – અવિનાશ વ્યાસ”

  1. M.D.Gandhi, U.S.A. says:

    બહુ સુંદર ગીત છે.

  2. samairkumar jethva says:

    apna gujrat upar khubaj gaurav thayu
    Nirajbhai ane Falguniben ni gayaki ma maja avi gayi

Leave a Reply

Your email address will not be published. Required fields are marked *