રમેશ પારેખનું આ ગીત મારા ઘણા જ ગમતા ગીતોમાંનુ એક.. એક તો રમેશ પારેખના શબ્દો – અને એમાં પાર્થિવ ગોહિલનો અવાજ..
આલ્બમ: હસ્તાક્ષર
સંગીત: શ્યામલ-સૌમિલ
સ્વર: પાર્થિવ ગોહિલ
મારી આંખમાં તું વહેલી સવાર સમું પડતી,
ને ઘેરાતી રાત મને યાદ છે, ઘેરાતી રાત તને યાદ છે?
સોનેરી પોયણીઓ ઉઘડતી હોઠમાં ને
થાતું પરભાત મને યાદ છે, થાતું પરભાત, તને યાદ છે?
મારી આંખમાં તું…
ખરબચડું લોહી થતું રૂંવાટીદાર, એવું ચોમાસું ચાર ચાર નેણનું;
ધોધમાર પીંછાનો પડતો વરસાદ, ગામ આખું તણાઈ જતું વેણનું.
છાતીની ઘુમરીમાં ઘુમી ઘુમીને ક્યાંક,
ખોવાતી જાત મને યાદ છે, ખોવાતી જાત તને યાદ છે?
સૂરજ વિનાના અને છાંયડા વિનાના ધોમ તડકા સૂસવાટે હવે રાતના;
લોચનની ભાષામાં ઘટના કહેવાય અને જીવતરની ભાષામાં યાતના.
આવેલું શમણું પણ અવસર થઈ જાય એવા,
દિવસોની વાત મને યાદ છે, દિવસોની વાત તને યાદ છે?
મારી આંખમાં તું વહેલી સવાર સમું પડતી ને
ઘેરાતી રાત મને યાદ છે, ઘેરાતી રાત તને યાદ છે?…
ઘેરાતી રાત તને યાદ છે?…
ઘેરાતી રાત તને યાદ છે?…
Email
લોચનની ભાષામાં ઘટના ને
જીવતરની ભાષામાં યાતના.
ખૂબ સુંદર મારું પણ પ્રિય ગીત…..
લોહી થીજી જવાની ઘટનાને રુંવાટીદાર લોહી
બે માણસના ચોધાર આંસુને ચાર નેણનું ચોમાસું-
ધોધમાર પીંછાનો વરસાદ અને પછી
નિઃશબ્દ બની જવું – એટલે ગા…મ આખું તણાઈ જતું વેણનું
અર્થસભર શબ્દોના માંડણા ર.પા. જ કરી શકે .
Nice song in a VERY Nice voice, thanks
જાણે વારંવાર સાંભળ્યા જ કરીએ તેવું મધુરુ…
Nice geet and nice voice.
Great wording from Ramesh Parekh.
કોઇ વાર કોઇનિ પ્રિત તકલિફ આપે છે !!!
આંખો ને ગમે તે રીત પણ તકલિફ આપે છે !!!
હંમેશા હાર થી નથી હારી જતો માણસ !!!
કોઈ વાર જગત મા જીત પણ તકલિફ આપે છે !!!
- વિપુલ્
ખુબ સરસ શબ્દો અને ખુબ સરસ રચના અને સાથે બહુ સરસ અવાજ .તમારો ખુબ ખુબ આભાર્.
I have not seen such a good gujarati site ever Thanks for giving such nice songs & poems.
jayshree sarvaiya
Thanks Jayshree for submitting us a valued treasure of our Gujarati Songs .
મારુ અતિ પ્રિય ગીત્….
thx A lot….!
Dear Jayshreeben,
we are thankful to u for such meaningful and lovely activity.
thanking you once agin …….Nitigna
this song introduced me the beauty & delicacy of Parthiv’s voice….so soothing! thanks.
એક સારા ગિત ને એક ખુબજ મધુર અવાજ મલ્યો
મરુ ખુબ પ્રિય ગિત…. ખાસ કરિ નેઃ
લોચનની ભાષામાં ઘટના કહેવાય અને જીવતરની ભાષામાં યાતના.
આવેલું શમણું પણ અવસર થઈ જાય એવા,
દિવસોની વાત મને યાદ છે, દિવસોની વાત તને યાદ છે?
આ લિન્સ રડાવિ જાય એવિ લાગે ઃ)
આ મારા અતિપ્રિય કવિ નુ ખુબ ગમતુ ગીત છે. ગુજરાતી ભાષા ની અદભુત સેવા માટે હ્રદય થી અભિનન્દન અને આભાર.
ખુબ જ સુન્દર ……….
really good this
ખુબ જ સરસ ગીત છે……સવાર ની ચાહ: ની જેમ ટેવ પડી ગઈ છે….