સખી મને તેં સરોવર કહ્યો – રમેશ પારેખ

સ્વરાંકન – ઉદ્દયન મારૂ
સ્વર – ઝરણા વ્યાસ અને અન્વી મારૂ

વસંત કે ફૂલની પ્રતીક્ષા કોણ કરે ?....

વસંત કે ફૂલની પ્રતીક્ષા કોણ કરે ?… Photo: Vivek Tailor

સખી મને તેં સરોવર કહ્યો એ ઘટનાને
હું મારાં ગીતકમળથી લે ચાલ, શણગારું.

હવે હું પીળી પડેલી છબીની જેવો છું
તને ગમે તો પ્રણયની દીવાલ શણગારું.

આ મારા હાથમાં ખાલીપણાંના ફૂલો છે
કહે તો આપણો આ આજમ્હાલ શણગારું.

હવે વસંત કે ફૂલની પ્રતીક્ષા કોણ કરે ?
હું મારા વ્હાલથી તારું વ્હાલ શણગારું.

તને આ જિંદગી જેવો જવાબ આપીને
નજીકથી તેં કરેલો સવાલ શણગારું .

– રમેશ પારેખ

6 replies on “સખી મને તેં સરોવર કહ્યો – રમેશ પારેખ”

  1. ભૂપેન્દ્ર ગૌદાણા,વડોદરા says:

    તને આ જિંદગી જેવો જવાબ આપીને
    નજીકથી તેં કરેલો સવાલ શણગારું .
    જિંદગી જેવો જવાબ આપવાનું ગજું અને હિંમ્મત પણ રમેશ પારેખ પાસેથીજ માંગવા પડે એટલો પામર આજે આ ” સખી , મને તેં સરોવર કહ્યો ! ” નો આસ્વાદ લેતાં અનુભવ્યું . કે નજીક થી કે (નઝાકત થી ?!) કરાયેલ સવાલ ને શણગારવાનું મન થાય એ પણ વળી રમેશ પારેખે શિખવાડવું પડે એટલો પામર છું તે સહર્ષ સ્વિકારું છું! એક જીવાતા જીવનના/જીવનમાં આવતા અનેક પડાવ અને મુલાકાત માં શ્રી રમેશ પારેખનું નામ શ્રી ચંદ્રકાંત બક્ષીની લગોલગ છેજ! જેટલું શ્રી સુરેશ દલાલ અને શ્રી ભૂપત વડોદરીયાનું જરા અલગ-મુરબ્બી તરીકે જીવનમાં ફાળવેલ છે! અફસોસ ! કે ચારેય ને ક્યારેય કહી નથી શકવાના કે ” ભૂલે ચૂકે મળો…. તો ! મુલા..કાત માંગશું….. ! શણગારવા ર્હદય ને… સોગાત માંગશું…! એક જીવન ઘડતરમાં રોજી -રોટી, આરામ દાયક જીવન, અપેક્ષા મુજબનું ફેમિલી ઉપરાંત હકારાત્મક વિચારની પણ જરુર હોય છે, જે કદાચ.. આગળ નામોલ્લેખ કરેલ વ્યક્તિ-વિશેષ પાસેથી મળતા રહ્યા છે! ત્યારે એમને ઉદ્દેશીને કહેવાનું મન થાય કે ઃ-

    હવે વસંત કે ફૂલની પ્રતીક્ષા કોણ કરે ?
    હું મારા વ્હાલથી તારું વ્હાલ શણગારું.

    • આ તો મારાજ મનોભાવોનો,અનુભૂતિનો લગભગ અદ્દલ અનુવાદ! {“ભૂપેન્દ્ર ગૌદાણા,વડોદરા ના વચનો, શબ્દો…}ઉદાયાન્ભાઈનું સ્વરાંકન અને બેઉ તેમની ચહીતી ગાયિકાઓ….અભિનંદન અને આભાર…—લા’કાન્ત / ૫-૩-૧૩

  2. Maheshchandra Naik says:

    સરસ ગીત સરસ સ્વરાંકન્ અને સરસ મધુર સ્વર્ની ગાયકી……..
    આપનો આભાર્………………………..

  3. ajay says:

    Please any one can send 10 best gujarati Subhashita, if possible with it meaning in Gujarati please

  4. manubhai1981 says:

    સુઁદર ગાન !….સુઁદર ગેીત આભાર્.

  5. આનંદ…અભિનંદન અને આભાર..ઉદયનભાઈ…
    મને કહેવું હતું તે ભુપેન્દ્રભાઈ એ કહ્યું…ઉપર…એ લગભગ મારાજ મનોભાવો અને અનુભૂતિનો અદ્દલ અનુવાદ જ છે…સમસુખીયા..કહેવાઈયે એ દૃષ્ટિએ …
    લા’ કાન્ત / ૫-૩-૧૩

Leave a Reply

Your email address will not be published. Required fields are marked *