સખે, ગીત ગાવા દે… – શ્રી જે. કે. પટૅલ

મેહુલ સુરતી નામના ‘ખજાના’ નું વધુ એક મોતી… મેહુલના સ્વર-સંગીતમાં આ સરળ પ્રેમકાવ્ય એકદમ ખાસ લાગે અને વારંવાર સાંભળવાનું મન જરૂર થાય…

સ્વર – સંગીત : મેહુલ સુરતી

કવિ : શ્રી જે. કે. પટૅલ

સખે, ગીત ગાવા દે મને તારા પ્રેમનું,
સૌરભ પ્રસરાવવા દે મને તારી પ્રિતનું.

બુલબુલ બની વિહરવા દે, ઉધ્ધાત તુજ ઉપવનનું.
ઘંટારવ બની ગુંજી ઉઠું, નિશદિન તુજ મંદિરનું.

નથી શબ્દજાળ કે અલંકાર, મીઠાશ શેની ભરું?
ફક્ત ભાવનાનો ભર્યો કુંજો, છલકાઇ જાય ઓ ભેરું.

પંખી બની, ઊંચે ઊડી, કુંજે કુંજે ગાયા કરું,
ગમે તુજ પ્રિત કેરા ગાનમાં, મસ્ત બની રાચવું.

આ ગીત અંજલિ રૂપે તર્પણ કરી, મુજ સખાને અર્પણ કરું,
ગીત ગાવા દે, સખે, ગીત ગાવા દે.

7 replies on “સખે, ગીત ગાવા દે… – શ્રી જે. કે. પટૅલ”