આજે વર્ષો પછી અહીં San Francisco (Bay Area) માં એવો વરસાદ આવ્યો કે દેશની યાદ આવી ગઇ.. આખી રાત આખો દિવસ.. થોડા સૂસવાટા, થોડો ઝરમર ઝરમર… રસ્તા પર ટાફિક લાઇટ બંધ થઇ અને જ્યાં પગ મૂકો ત્યાં પાણી.!! આમ તો કેટલાય લોકો હેરાન પણ થયા હશે, પણ મને વરસાદ એટલો નથી નડ્યો, એટલે મને અહીં પ્રસ્તુત આ ગીત લલકારવાનું ક્યારનું મન થયા કરે છે..

એકવાર સાંભળીને પછી કહો, છે ને એકદમ મઝાનું, વારંવાર મમળાવવું અને સંભળાવવું ગમે એવું ગીત…?!?

સ્વરાંકન – માટીબાની
સ્વર – નિરાલી કાર્તિક શાહ અને અંકિતા જોષી

For Live Enquiries, email- info.maatibaani@gmail.com
Boondan Boondan Barse Meha,
Kajrari Kaari Badariya,
Aise Naache Mora Manva,
Jaise Banme Mor Papiha

Bheege Na More Pi Ki Patiya,
Ho Jisme Aavan Ki Batiya,
Baawri Tu Aur Tera Andesa,
Saawan Piya Aavan ka Sandesa,
Chal Daale Jhule Bagho Mein,
Phir Mehke Mehndi Hatho Mein,
Sa Sa…Sa Re Ni Sa ni dha Ni Sa ni Pa ga Ma Re Sa Ni Sa
Boondan Boondan

Download Audio :
https://itunes.apple.com/ne/album/maatibaani-vol.-1-ep/id662273036

This song is written like a conversation between two friends and describes the separation and the excitement of meeting with their beloved in the picturesque month of monsoon.This is a song for the festival of Teej that is celebrated in the month of ‘Shraavan’ by the women in North India.

Translation :
The rain drops are falling,
And how the clouds have put kohl !
My heart dances with joy
Like a peacock in the forest !

Ohh let not my beloveds letter get drenched
What if it has the message of His homecoming?
Ohh crazy you and your silly doubts!
These rains are itself a message of his homecoming!
Lets put swings in the garden!
Lets put henna on our hands!
Sa Sa…

હરિ, કેટલી વાર ?
ઝટ્ટ પધારો,
કદાચ હું નીકળી જાવાનો જીવનમાંથી બ્હાર…..

પ્રભાતિયાની ચિઠ્ઠી તમને મળી હતી કે નહીં ?
પંખીએ એમાં જ કરી’તી ટહુકા સાથે સહી
ગઈ રાતના નામજાપનો કીધો’તો મેં તાર…. હરિ….

ઝાંખી બારી, કમાડ ઝાંખાં, ઝાંખું છે અજવાળું
સાઠ વરસથી ખુલ્લા ઘરને હવે મારવું તાળું
તમને સોંપી ચાવી, મારે જાવું પેલે પાર….. હરિ…..

તુલસીદળ પર આંસુ મૂકી કરે વિનંતી જોશી
તમે આવતા ભવમાં મારા બનજો ને પાડોશી
સાદ પાડતાંવેંત તમે હાજર ને હું તૈયાર….. હરિ…..

– મુકેશ જોષી

સ્વર – હેમુ ગઢવી અને સાથીઓ

જોબનિયું આજ આવ્યું ને કાલ્ય જાશે
જોબનિયું કાલ્ય જાતું રે’શે

જોબનિયાને માથાના અંબોડામાં રાખો
જોબનિયું કાલ્ય જાતું રે’શે

જોબનિયાને પાઘડીના આંટામાં રાખો
જોબનિયું કાલ્ય જાતું રે’શે

જોબનિયાને આંખ્યનાં ઉલાળામાં રાખો
જોબનિયું કાલ્ય જાતું રે’શે

જોબનિયાને હૈયાંના હિલોળામાં રાખો
જોબનિયું કાલ્ય જાતું રે’શે

જોબનિયાને હાથની હથેળીમાં રાખો
જોબનિયું કાલ્ય જાતું રે’શે

જોબનિયાને ઘાઘરાના ઘેરમાં રાખો
જોબનિયું કાલ્ય જાતું રે’શે

જોબનિયાને પગની પાનીમાં રાખો
જોબનિયું કાલ્ય જાતું રે’શે

કવિ – કાંતિ અશોક
સ્વરકાર – અવિનાશ વ્યાસ
સ્વર – અનુરાધા

પારેવડા જાજે પીયુ ને દેશ
લઇ જાજે મારો સંદેશ …

સ્વરઃ મન્ના ડે અને પ્રીતિ સાગર
ગીતઃ વેણીભાઈ પુરોહિત
સંગીતઃ સુરેશકુમાર
ચિત્રપટઃ ગુણસુંદરીનો ઘરસંસાર (૧૯૭૨)

તમને જોયાં ને જરા રસ્તે રોકાઈ ગયો
શમણે સંતાઈ ગયો છાનો છંટાઈ ગયો
ફૂલોની ફોરમનું ગીત એક ગાઈ ગયો
ગાઈ ગયો, ગાઈ ગયો.

આકાશી લાલીથી પારસની પ્યાલીથી
પચરંગી અમરત સંતોષ મને પાઈ ગયો
પાઈ ગયો, પાઈ ગયો.

તમને જોયા ને જરા…

દર્શનના દરબારે અધવચ અંજાઈ ગયો
વાંચી મેં આંખડી તો પંજો વંચાઈ ગયો
રસ્તામાં પવન કોઈ વરણાગી વાઈ ગયો
વાઈ ગયો, વાઈ ગયો.

રસ્તે રોકાઈ ગયો…

જંતરના ઝણકારે, પન્નાના પલકારે
ઠકરાતી ઠોકર હું ચાલમાં જ ખાઈ ગયો
ખાઈ ગયો, ખાઈ ગયો.

તમને જોયાને જરા…

શ્રાવણની સરગમથી તડકો ભીંજાઈ ગયો
મારગની વચ્ચે ક્યાં મારગ ઢંકાઈ ગયો
મેહુલીયા મંડપમાં મહુવરીયો છાઈ ગયો
છાઈ ગયો, છાઈ ગયો.

તમને જોયાં ને જરા રસ્તે રોકાઈ ગયો
શમણે સંતાઈ ગયો છાનો છંટાઈ ગયો
ફૂલોની ફોરમનું ગીત એક ગાઈ ગયો
ગાઈ ગયો, ગાઈ ગયો.

– વેણીભાઈ પુરોહિત

(આભાર ઃ માવજીભાઇ.કોમ)