સખી, નીતરે શ્રાવણ, એમ નીતરે આ નૈણ…

ટહુકોના એક વાચક-શ્રોતા મિત્ર ‘રાજશ્રીબેન ત્રિવેદી’ એક ગીત છેલ્લા ૨૦ વર્ષથી શોધતા હતા, અને આખરે એ ગીત એમને મળ્યું પણ ખરું..! અને એમણે તરત જ એ ગીત ટહુકોના બીજા મિત્રો સાથે વહેંચવા મને મોકલી આપ્યું..! જો કે મેં એ ગીત… શ્રાવણના દિવસોમાં સાંભળાવવા માટે સાચવી રાખ્યું..! 🙂

પણ શ્રાવણ આવી ને જતો રહ્યો તો યે એ ગીત સંભળાવવાનું તો ભૂલી જ ગઇ..! (માફ કરશો ને?! 🙂 તો ચલો, આવતા વર્ષના શ્રાવણ સુધી રાહ નથી જોવી..!! આ રહ્યું આ અણમોલું ગીત.. સુધા મલ્હોત્રાના સ્વરમાં..!!

ગીત વિષે વધુ માહિતી નથી મારી પાસે… તમે મદદ કરશો ને? !!

સ્વર – સુધા મલ્હોત્રા
કવિ – ?
સ્વરકાર – ?

This text will be replaced

સખી, નીતરે શ્રાવણ, એમ નીતરે આ નૈણ
નથી એને કાંઇ જંપ, નથી મનને આ ચૈન

આકાશે જોઇ મેં તો છાયા ઘનશ્યામની
ને જાગી ઉઠ્યા શમણાંના ગીત
જોઇ જોઇ ઝંખુ ને ઝૂરું હું રાત’દી
એવી મારી પાગલની પ્રિત
વીજળી ચીરે વ્યોમ ને મને, વેદના ચીરે —-?

સખી, નીતરે શ્રાવણ, એમ નીતરે આ નૈણ

કોણ જાણે એવું શું આવે છે યાદ કે
નીતરે છે આંખમાંથી ધારા
આખા આ આયખાને આમ કાં દઝાડતા
કોની તે યાદના અંગારા
નથી ઉજળા દિવસ, ઘોર અંધારી રૈન

સખી, નીતરે શ્રાવણ, એમ નીતરે આ નૈણ
નથી એને કાંઇ જંપ, નથી મનને આ ચૈન

16 replies on “સખી, નીતરે શ્રાવણ, એમ નીતરે આ નૈણ…”

  1. Jayshree Merchant says:

    આ ગીત સ્વ. વેણીભાઈ પુરોહિત નુ હોઈ શકે. મઝા પડી ગઈ સાંભળવાની.

  2. Dr.Narayan Patel says:

    Nice song in Sudha malhotra’ voice.I heard her after many years.Dr.Narayan Patel Ahmedabad

  3. Just 4 You says:

    સખી, નીતરે શ્રાવણ, એમ નીતરે આ નૈણ..

    કોણ જાણે એવું શું આવે છે યાદ કે
    નીતરે છે આંખમાંથી ધારા..

    Too GOOD!!!

  4. Mehmood says:

    કોણ જાણે એવું શું આવે છે યાદ કે
    નીતરે છે આંખમાંથી ધારા
    આખા આ આયખાને આમ કાં દઝાડતા
    કોની તે યાદના અંગારા..
    યાદને તારી વિસરવા એક ભવ ઓછો પડે,આ અગનજવાળાને ઠરવા એક ભવ ઓછો પડે

  5. Deepak says:

    Bahuj Saras Geet ane Sabdo thi man ni, ankhoni and meet ni vaat kahi…નથી એને કાંઇ જંપ, નથી મનને આ ચૈન

  6. dipti says:

    બહુજ સરસ શબ્દો…સરસ ગીત.

    વિના કહ્યે દોડી આવે તે યાદ…

  7. hina says:

    ખુબ સરાસ ગેીત .

  8. jasmin says:

    મઝા આવી ગઈ.જેટલા મીઠા શબ્દો એટલો મધુર સ્વર અને સુર.

  9. sima shah says:

    આકાશે જોઇ મેં તો છાયા ઘનશ્યામની
    ને જાગી ઉઠ્યા શમણાંના ગીત
    જોઇ જોઇ ઝંખુ ને ઝૂરું હું રાત’દી
    એવી મારી પાગલની પ્રિત
    વીજળી ચીરે વ્યોમ ને મને, વેદના ચીરે….. (વેણ )
    મને તો આવુ સંભળાય છે,

    ખૂબ જ સુંદર શબ્દો, અવાજ અને ગીત……
    આભાર

  10. Kumi Pandya says:

    બહુ જ સરસ ગીત – કેટલા બધા વરસો પછી સામ્ભળવા મળ્યુ.
    આભાર રાજશ્રીબેન અને જયશ્રીબેન.

  11. manvant says:

    મધમીઠો સુર ને મધમીઠુઁ ગેીત !આભાર !

  12. rajeshree trivedi says:

    ખૂબ ખૂબ આભાર્.
    વીજળી ચીરે વ્યોમ વીધી નાખી રે વેન—– એ શબ્દો છે.
    આશા છોડી દીધી.ઍટ્લે છેક્ક આજે ટહુકો જોઈ ખુશી થઈ.

    આ સાલનો વરસાદ આ ગીત સાથે માણ્યો હોય તે જ આની વેદના જાણી ને માણી શકે.મર્મસ્પર્શી રચના. કવિને અભિનઁદન.

  13. આભાર મધમીઠો સુર ને મધમીઠુઁ ગેીત !

  14. kamlesh udani કમલેશ ઉદાણી says:

    કેટલા બધા વર્ષો પછી આ ગીત સાંભળ્યુ, આ ગીત તો સુરેશ દલાલ ની રચના છે . મિત્રો કોઈ પાસે અમદાવાદ ના શ્રુતિ મંડળ નો ખુબજ જૂનો ગરબો “ હું તો ગઈ તી …………….. મેળે ,મન મળી ગયું એની મેળે મેળામાં ………” તથા “ કાનમાં પવન કહીને ચાલ્યો કે હે …………… આવે મેહુલિયો રે…………”આ બંને ગીતો હોય તો ચોક્કસ ટહુકો ઉપર મુકશો. આપની સેવા ઉત્તમ ગણાશે ,હૃદઈએ થી લગાડીશું .
    કમલેશ ઉદાણી રાજકોટ તા. ૨૦-ઓગસ્ટ ,૨૦૧૨. અધિક માસ (ભાદરવી ચતુર્થી )

  15. manilalmmaroo says:

    bahuj sundar ane mind ne shanti appe aavu geet manilal,m,maroo

  16. રાજેશ્રી ત્રિવેદી says:

    આ ગીત upload થયુ નથી. સંભળાવી શકશો ?

Leave a Reply

Your email address will not be published. Required fields are marked *