સોના વાટકડી જેવું આ કાળજું – પન્ના નાયક

સ્વર : પૌરવી દેસાઇ,
સંગીત : ક્ષેમુ દિવેટીઆ

sad_sky

This text will be replaced

સોના વાટકડી જેવું આ કાળજું
ને યાદનું કેસર ઘોળ્યા કરું
આંખની સામે જે ચહેરો હતો
એ ચહેરાને હું તો ખોળ્યા કરું.

સાંજનું ઉદાસ આ કેવું આકાશ
અમે ઉડેલાં પંખીને ગોતી રહ્યાં
સૂમસામ પડી છે તારી પથારી
મારા તકિયા પર આંસુઓ મોતી થયાં.

મનમાં ને મનમાં હું તારા આ નામને
એકલી ને એકલી બોલ્યાં કરું.

બારણાની બા’ર આ રસ્તો પડ્યો છે
પણ ચાલવાનું મન મને થાતું નથી.
કંઠમાં અધવચ્ચે અટક્યું છે ગીત
પણ ગાવાનું મન મને થાતું નથી.

ક્યારનો ઉજાગરાનો દીવો બળે છે:
કહે, દીવાને કેમ કરી ઓલવ્યાં કરું.

15 thoughts on “સોના વાટકડી જેવું આ કાળજું – પન્ના નાયક

  1. સુરેશ જાની

    પહેલી જ વખત આ ગીત વાંચ્યું અને સાંભળ્યું . આભાર.

    Reply
  2. Pingback: પન્ના નાયક, Panna Naik « ગુજરાતી સારસ્વત પરિચય

  3. વિવેક

    સોજ્જું મજાનું ગીત…

    યાર ! આ તમારા બ્લૉગ પર જેટલી વાર કૉમેન્ટ કરવા આવો, દર વખતે ત્રણ ખાનાં ભરવાનાં, ભરવાનાં ને ભરવાનાં જ… કંઈ કરો ને, મેડમ !

    Reply
  4. Pravin Shah

    વાહ!
    ગીતમાં લીટીએ લીટીએ કાળજું કોરી નાખે એવી વિરહની વેદના ભરી છે. અને શબ્દો પાછા કેટલા સરળ છેઃ
    ***
    “મનમાં ને મનમાં હું તારા આ નામને
    એકલી ને એકલી બોલ્યાં કરું.”
    ….વિરહમાં માનવ કેટલો પરવશ થઈ જાય છે!
    ***
    “ક્યારનો ઉજાગરાનો દીવો બળે છે:
    કહે, દીવાને કેમ કરી ઓલવ્યાં કરું. ”
    …..અહીં તો વિરહની આગની ચરમસીમા જ આવી જાય છે.
    ***
    ખરેખર, પ્રિય પાત્રના વિરહમાં ઉજાગરાનો દીવો અખંડ જ્યોતની માફક બળ્યા જ કરે છે!
    અને પૌરવી દેસાઈનો અવાજ!
    જાણે એ દીવામાં ઈંધન ના પૂરતો હોય!?
    આભાર.

    Reply
  5. ઊર્મિ

    હી હી હી… વિવેક, મેઁ ય એને કે’દાડનું એ જ કહ્યું છે કે આ ત્રણ ખાના કાયમ ભરવાનો કંટાળો આવે છે… ચાલ બેના, હવે તો અમે બે થયા.. હવે તો કાંઇક કર યાર!

    (જો પાછા, આ કોમેન્ટ મોકલવા ય નીચેનું બધ્ધું ભરવું પડશે પાછુ…! :-) )

    Reply
  6. harshad jangla

    જયશ્રી
    ઈમેઇલ ન લખવો પડે એવું કરો
    બે ખાના તો ભઈ ભરશું

    Reply
  7. Pravin Shah

    જયશ્રી,
    બધું બરાબર છે.
    તમે આટલું સંશોધન કાર્ય કરો, અને અમે એક-બે ખાના ભરતાં કંટાળીએ તે કેમ ચાલે!
    કેમ, બરાબર ને મિત્રો!
    આભાર

    Reply
  8. Hansa Doshi

    Dear Jayshreeben,
    It is always nice to read poem in Tahuko. So many thanks. I like to read poems. I have no words. Keep it. God bless u. Long live Gujarati poems and its writers.
    Hansa

    Reply
  9. swati shah

    ખુબ જ સુદર વેબસઈટ છે. વખાણ કરીએ એટલા ઓછા પડે.

    Reply
  10. Devenda Shah

    પ્રવિન ભાઈ ના શબ્દો જ મારા મનનિ વાત શુ વધુ લખુ !!!

    Reply
  11. praful Rana

    પૌરવી બહેન,
    ખુબ ભાવ સાથે ગવાયેલ ગાયન સૌને પસનદ પડે તેવુ
    અભિનન્દન્
    પ્રફુલ રાના

    Reply
  12. Mehmood

    સોના વાટકડી જેવું આ કાળજું
    ને યાદનું કેસર ઘોળ્યા કરું
    આંખની સામે જે ચહેરો હતો
    એ ચહેરાને હું તો ખોળ્યા કરું.
    દિલને સ્પર્શિ જાય તેવી સુન્દર રચના..

    Reply
  13. Priyadarshi Desai

    We loved listening to this song one more time (after a long time). Thank you.
    Priyadarshi (Pauraviben’s son)

    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>