માએ ગરબો કોરાવ્યો ગગન ગોખમાં રે…

આજે ફરી એક મજાનો ગરબો… અત્યાર સુધી જેટલીવાર ગરબા રમવા ગઇ છું, લગભગ અડધોઅડધ વાર તો એવું થયું જ હશે કે પહેલાના પાંચ-છ ગરબામાંનો એક આ ગરબો હોય જ..! કદાચ ગરબાના કલાકારોનો એ ગોઠવેલો એક પછી એક કયો ગરબો ગાવો એનો પણ કોઇ વણલખ્યો ક્રમ હોતો હશે..!! :)

સ્વર : હંસા દવે

આરાસુરની અંબિકા, તન ઝૂલે હિંડોળા ખાટ
અવનીના દરબારમાં, રમવા નિસર્યા માત

This text will be replaced

માએ ગરબો કોરાવ્યો ગગન ગોખમાં રે
સજી સોળ રે શણગાર મેલી દિવડા કેરી હાર
માએ ગરબો કોરાવ્યો ગગન ગોખમાં રે

ગબ્બરની લઈ માંડવી માથે ઘુમતી મોરી માત
ચુંદલડીમાં ચમકે ઝાઝી રૂપલે મઢી રાત
જોગ માયાને અંગ નર્યો નીતરે ઉમંગ
રમે જોગણીઓ સંગ રૂડો અવરસનો રંગ

માએ પાથર્યો પરકાશ ચૌદ લોકમાં રે
હે માએ ગરબો કોરાવ્યો ગગન ગોખમાં રે

ચારે જુગનો ચુડલો માનો સોળ કળાનો વાન
અંબાના અણસારા વિના હાલે નહી પાન
માના રૂપની નહીં જોડ, એને રમવાના બહુ કોડ
માને ગરબા કેરી હોડ, રૂડો અવરસનો રંગ

માએ ગરબો ચગાવ્યો ચાચર ચોકમાં રે
હે માએ ગરબો કોરાવ્યો ગગન ગોખમાં રે

રંગતાળી રંગતાળી રંગતાળી, કે ઘુમે ગબ્બરવાળી
સંગે ઘુમે છે બહુચરવાળી, કે રંગમાં રંગતાળી
સોહે અંબે આરાસુરવાળી, કે રંગમાં રંગતાળી
હે મારી માવલડી મતવાલી, કે રંગમાં રંગતાળી

17 replies on “માએ ગરબો કોરાવ્યો ગગન ગોખમાં રે…”

  1. Kamlesh says:

    ખરેખર એક મજાનો ગરબો
    Traditional style in all ways…..

  2. sima shah says:

    આજે નવરાત્રીનો બીજો દિવસ………
    સરસ ગરબો સંભળાવ્યો………
    આભાર….
    સીમા

  3. ઉત્કષૅ says:

    ઘણોજ સુંદર ગરબો છે. મારા મનપસંદ ગરબાઓમાંનો એક છે. અત્યાર સુધી આ ગરબો શ્રીઅચલભાઈ મહેતાના વ્રુંદના મુખે સાંભળ્યો હતો. હંસાબેનના સ્વરમાં સાંભળવાની પણ ઘણી મજા આવી.

    ઉત્કષૅ શાહ

  4. pragnaju says:

    ખૂબ સુંદર અમારી પસમ્દગીનો ગરબો

  5. Kandarp Trivedi says:

    જયશ્રી,
    નમસ્કાર આજે પ્રથમ વખત ગુજરાતી મા લખી રહયૉ છ.
    મને લખતા નથી આવડતુ કૉશીશ કેવી છે?
    મને તમારી વેબસાઈડ માથી ઘણા કાવ્યૉ અને કવિતાઑ પસન્દ છે.
    મારે તે મેળવી હૉય તો શુ કરવુ જોયે.
    દરેક વસ્તુ વેચાતી મળતી નથી,અને તેનો આન્ંદ હોતો નથી.
    કંદપૅ ત્રિવેદી.

  6. મયુર ચોકસી says:

    દેશી ગરબા ની મજા જ નોખી હોય છે.શેરી ગરબા ની યાદ આવી ગઈ.એક વ્યકતી ગાય અને ગરબે ઘુમતી તમામ બહેનો ગાય .

    મયુર ચોકસી…

  7. Rajesh Vyas says:

    Wow Jayshree !!!

    Absolute traditional in voice of Hansa Davey..

    This Nine days try to give more and more of Garba’s & Raas

    Regards
    Rajesh Vyas
    Chennai

  8. BB says:

    હુ ઘનો ખુશ થયો હન્સા બેન દવે નો ઓરિઝિનલ અવજ સામ્ભલિને

  9. mukesh says:

    બહુજ સરસ ગરબો ચ્હે બહુજ આભાર જયશ્રિબેન એક ગીત ઘણા વખત થી ફરમાઈશ કરુ છુ,એક્લા જ આવ્યા મનવા એક્લા જવાના સાથી વીના સન્ગી વિના એક્લા જવાના આટ્લી વિનન્તી સ્વિકાર્શોજિ

  10. M.D.Gandhi, U.S.A. says:

    ‘રંગતાળી રંગતાળી રંગતાળી, કે ઘુમે ગબ્બરવાળી’

    ગરબા પ્રસંગમાં ગરબા જ શોભે! તમારી પસંદગીને દાદ દેવી પડે. ગરબે રમવા જેવો સરસ ગરબો મુક્યો છે. રોજ નવા નવા ગરબા-રાસ મુકતા રહેશો.

  11. Pinki says:

    સરસ ગરબો.. !

  12. hitesh patel says:

    ખુબ સરસ.
    મન પ્રફુલ્લિત થયુ.
    તમારો ઘણૉ ઘણૉ આભાર.

    હિતેશ પટેલ
    નાગપુર.

  13. narendra thanki says:

    jayshreeben thankyou verymuch for beautiful garbas on navratri.

  14. khub sundar garabo…
    PTC maaa garbano pahelo nambar avelo..
    jema me dhol vagadyo hato….!
    ghanu yad aavi gau..
    thanks JAYUBEN

  15. Bina Doshi says:

    Thank you very much Jayshreeben for such a nice collection of traditional Garbas.
    Can not resist listening 2-3 times as soon as I see the post.

    Bina Doshi
    Australia

  16. જય પટેલ says:

    પરંપરાગત ગરબો અને તે પણ હંસા દવેની લાજવાબ ગાયિકીમાં..!!

    આભાર.

  17. Keyuri says:

    1983/1986 at vadodara music college, shri purshotmbhai and shri hansaben dave had a live programme. we requested for this garbo and today at auckland same garbo.enjoyed thoroughly.
    many thanks jayshreeben.

Leave a Reply

Your email address will not be published. Required fields are marked *