તમારું સ્મરણ, સાંજ, ડૂમો અગાસી…. – જયેશ ભટ્ટ

સ્વર : મનન ભટ્ટ
કવિ : જયેશ ભટ્ટ
સ્વરકાર : મોહંમદ દેખૈયા

(તમારું સ્મરણ, સાંજ…. Photo by: Vivek Tailor)

* * * * *

This text will be replaced

તમારું સ્મરણ, સાંજ, ડૂમો અગાસી;
ભળે તળ-અતળમાં કણસ ને ઉદાસી.

કદી નાચી મથુરા કદી નાચી કાશી;
પીડા મારી થઈ ગઈ અરે! દેવદાસી.

હવાનું ઉપસ્થિત ન હોવું નદીમાં;
અને હાથ મારા નિરંતર ખલાસી.

રહો છો અલગ આપ ભીતર લગોલગ;
ત્વચાને ઉતરડી કરી છે તલાસી.

ન હું પી શક્યો કે હતી પ્યાસ ઘેરી;
ફરી પાછી રહી ગઈ મનમીન પ્યાસી.

થયું મારું મન સ્હેજ ભીનું કે તત્ક્ષણ-
થયાં વાદળો, વીજળી પણ પ્રકાશી.

16 replies on “તમારું સ્મરણ, સાંજ, ડૂમો અગાસી…. – જયેશ ભટ્ટ”

  1. સરસ રચના. ગાયન પણ મઝાનું.

  2. ALPESH BHAKTA says:

    રહો છો અલગ આપ ભીતર લગોલગ;
    ત્વચાને ઉતરડી કરી છે તલાસી.

    ન હું પી શક્યો કે હતી પ્યાસ ઘેરી;
    ફરી પાછી રહી ગઈ મનમીન પ્યાસી.

    — અતિસુંદર

  3. sudhir patel says:

    ભાવનગરના જ કવિ-મિત્ર જયેશ ભટ્ટ અને ત્યાંના જ સ્વરકાર મોહંમદ દેખૈયાના સ્વરાંકનમાં મનન ભટ્ટની સુંદર રજૂઆત માણવાની મજા આવી. આભાર!
    સુધીર પટેલ.

  4. દિગંત says:

    વિરહ એક કવિ પાસે એની શ્રેષ્ઠ રચનાઓ કરાવે છે.
    હ્ર્દયસ્પર્શી! સુન્દર ગાયકી.

  5. સુંદર રચના…

  6. ખૂબ સુંદર રચના ઘણા વખતે વાંચવા મળી.

  7. ashalata says:

    ન હુ પી શક્યો કે હતી પ્યાસ ઘેરી——-

    સુન્દર રચના

  8. સુંદર સ્વરાંકન અને શબ્દ રચના પણ સુંદર

  9. mukesh parikh says:

    હવાનું ઉપસ્થિત ન હોવું નદીમાં;
    અને હાથ મારા નિરંતર ખલાસી.

    અદભૂત રચના.. મઝા આવી ગઈ..

    ‘મુકેશ’

  10. sapana says:

    રહો છો અલગ આપ ભીતર લગોલગ;
    ત્વચાને ઉતરડી કરી છે તલાસી.
    ડુસ્કુ નીકળી જાય એવું લાગે.
    સપના

  11. સુંદર હળવી ગાયકી… અભિનંદન !!

  12. manan bhatt says:

    ખુબ ખુબ આભાર તમારા બધાનો કે તમે આ ગઝલ પસન્દ કરી.

  13. Jayesh Bhatt says:

    આપ સૌ કાવ્ય અને સંગીત પ્રેમી મિત્રોનો હું આભાર માનું છું.
    –જયેશ ભટ્ટ્

  14. Rajan Vyas says:

    hi jayshree didi… HOw r u…?
    a very good composition nd a good voice too.
    It feels good to see Shree mohamad Dekhaiya’s composition on tahuko. He has been a great composer of all times but his compositions have always remained un-noticed. There r lot more compositions of him nd i’ll try my best to send them to u. hope u upload them on tahuko.

    Thnx & Regards,
    Rajan Vyas.
    (Bhavnagar)

  15. mehul m jikar says:

    સુન્દર રચના….as always…mu. mohmadbhai…mehul jikar, bardoli

  16. પ્રિય મનન, તારા આવાઝ મા સુન્દર રચના હોય વાહ્—-વાહ……………પ્રશાન્ત ભાઈ ભાવનગર

Leave a Reply

Your email address will not be published. Required fields are marked *