ગણેશચતુર્થી ની શુભકામનાઓ…..

મારા તરફથી સૌને ગણેશચતુર્થીની શુભેચ્છઓ. દરેક કાર્યમાં ગણેશજીનો આશિર્વાદ મળતો રહે.. વિઘ્નહર્તા કાયમ સાથે રહે એવી આશા.

ગણેશચતુર્થી સાથે મારા બાળપણની ઘણી બધી યાદો જોડાયેલી છે. તો મને થયું કે આજે જરા એ વાતો કરું.

અતુલની લગભગ બધી કોલોનીમાં સાર્વજનિક ગણેશોત્સવ યોજાતો, સિવાય કે અમારી સુવિધા કોલોની. કદાચ એ અતુલની સૌથી નાની કોલોની હતી, એટલે. કોલોનીમાં એક મહારાષ્ટિયન કાકાનું ઘર, એટલે અમારી બચ્ચાપાર્ટીનો ગણેશોત્સવ તો એમને ત્યાં જ થતો. દરરોજ સાંજે આરતીમાં ચોકકસ જવાનું જ. ત્યારે જે આરતી અને ભજન ગવાતા, એ સાંભળવાની ખરેખર મઝા આવતી. ત્યારે તો અમે બધા ઘણા નાના, એટલે ગાતા તો ના આવડે, પરંતુ છેલ્લે સુધી તાળી પાડવાની મઝા અચૂક લેતા. એટલું ખબર પડતી કે જે ગવાય છે એ ગુજરાતી તો નથી. ફક્ત 2 લીટી આવડતી ત્યારે… જયદેવ જયદેવ જય મંગલમૂર્તિ, હો શ્રી મંગલમૂર્તિ… જ્યારે આરતી પૂરી થવાની હોય ત્યારે છેલ્લે હરે રામ હરે રામ, રામ રામ હરે હરે… હરે કૃષ્ણ હરે કૃષ્ણ, કૃષ્ણ કૃષ્ણ હરે હરે..

* * * *

અને પછી….મોરિયા રે બાપ્પા મોરિયા રે….

એક દિવસ અમારી પલટનને તુક્કો સુઝ્યો… બધી કોલોનીમાં સાર્વજનિક ગણેશોત્સવ થાય છે, તો આપણી કોલોનીમાં કેમ નહીં ? ચાલો… આપણે પણ ગણપતિ બેસાડીયે. ડીંપુના ઘરનો બગીચો કોલોનીના મેદાનને અડીને જ હતો. ત્યાં ભેગા થયા બધા, અને નક્કી થઇ ગયું, કે આ વર્ષે આપણે ત્યાં પણ ગણપતિ આવશે. ત્યારે તો પોકેટમની જેવી વાત જ કયાં હતી? એટલે થયું કે જાતે જ મૂર્તિ બનાવીયે. બધાએ ભેગા મળીને કોશિશ કરી તો ખરી, પણ કંઇક જોઇએ એવો ઘાટ ના આવ્યો.

એટલામાં કોઇ એક કાકાએ થોડુ પ્રોત્સાહન આપ્યું, છોકરાઓ… મૂર્તિ હું લાવી આપું છું. અમે બધા તો ખુશ ખુશ…
હવે next stage. સ્થાપના ક્યાં કરવી? 15 નંબરનું ઘર ખાલી જ હતું, એના ઓટલે. બેઠક તૈયાર કરી, બધાના ઘરેથી કંઇક ને કંઇક ભેગુ કરીને ગોઠવાઇ ગયું. પરંતુ બપોર થઇ ને વરસાદ ચાલું. પ્લાસ્ટિક બાંધીને કોશિશ તો કરી કે વરસાદનું પાણી મૂર્તિ સુધી ના પહોંચે, પણ પવન ઘણો હતો.. એટલે ખાસ્સી મહેનત કરી. પણ એટલો મેળ ના પડ્યો. એવામાં કંઇક તો કોઇએ વ્યવસ્થા કરી ( કોણે અને કેવી રીતે, એ યાદ નથી. ) અને અમને અઠવાડિયા માટે એ ઘરની ચાવી મળી ગઇ. પછી તો એ ઘરનો ઓરડો ઘણો સારી રીતે શણગાર્યો. આખી કોલોનીમાં આમંત્રણ આપ્યું, કે આરતી માટે આવજો. બધા એ નક્કી કરી લીધું કે કયે દિવસે કોને ત્યાંથી પ્રસાદ આવશે.

એક અઠવાડિયા સુધી, સ્કૂલેથી આવ્યા, લેસન પતાવ્યું, કે બઘાને ભેગા થવાનું એક જ સ્થળ, 15 નંબરનું ઘર. ખરેખર એ દિવસો ઘણા યાદ આવે છે આજે. મને ખાત્રી છે કે એ 18-20 જણા આજે જ્યાં પણ હશે, કયારેક તો એ ગણેશચતુર્થી જરૂર યાદ કરતા હશે.

અને મને યાદ છે જયારે હું 6th std માં હતી, ત્યારે મારો જન્મદિવસ અને ગણેશચતુર્થી એક જ દિવસે આવ્યા. એક તો જન્મદિવસ, અને સ્કૂલમાં રજા.. વાહ.. મઝા હતી એ દિવસે તો. સવારે પપ્પા અને ભાઇ કંઇક કામ માટે વલસાડ ગયા હતા, અને હું તૈયાર થઇને જતી હતી સોનલના ઘરે. સોનલની બાજુમાં જ પ્રિતેશભાઇ અને અંકુરનું ઘર, એટલે સોનલ ત્યાં હતી, તો હું પણ ત્યાં પહોચી. પ્રિતેશભાઇએ પૂછ્યું, કયા કલરની સાઇકલ મંગાવી? મેં સામે પૂછ્યું, સાઇકલ ?? તો મને કહે… આજે તારો birthday છે ને ? મેં કહ્યુ, ‘હા…’. તો એ મને કહે, તારો ભાઇ અને પપ્પા તારા માટે સાઇકલ લાવવાના છે આજે… (મારા ભાઇ અને પ્રિતેશભાઇ એક જ ક્લાસમાં, અને સારા મિત્રો પણ ખરા.. )
પછી મને યાદ આવ્યું, કે કાલે સાંજે જ ભાઇએ રસ્તે જતી એક સિલ્વર કલરની સાઇકલ બતાવીને પૂછ્યું હતુ, કે તને સિલ્વર કલરની સાઇકલ ગમે? અને મેં કહ્યું હતુ, કે મને તો ભુરા કલરની વધારે ગમે.
હું તો દોડી ઘરે… મમ્મી પાસે ખાત્રી કરી કે આજે મારા માટે સાઇકલ આવવાની છે. અને પછી તો એ સાઇકલ મારી બહેનપણી જેવી જ થઇ ગઇ હતી. એણે મને ઘણો ઘણો સાથ આપ્યો…

એક રીતે આવું બધું યાદ કરીને હસવું આવે છે, તો સાથે સાથે જગજિતસિંગની પેલી ગઝલ પણ યાદ આવી જાય… વો કાગઝકી કશ્તી… વો બારિશકા પાની…

7 replies on “ગણેશચતુર્થી ની શુભકામનાઓ…..”

  1. manvant says:

    વર્ણન ખૂબ જ રસપ્રદ છે.15 નંબર અને ભૂરી સાઇકલ યાદ આવ્યાં ને ? આનંદ

  2. hirabhai bhakta says:

    really you remember in detail that gnesh chaturthi. I cant recall it

  3. SONAL says:

    Me and Dimpoo so manytimes remember those days..
    Hey Jayshree you did a good job…
    આજે આ vanchi ne khubaj aanand thayo…..

  4. pratik says:

    hu su kahu have didi mane khabar nathi padati ke mare tamane su kahevu tamari sathe pan mara jevu j kaik thay che em kahu to chale tamari jem j ame badha friends aavu karyu hatu godhra ni vat.
    ganesh chaturthi aavi rahi hati. aaju baju ni badhi society ma ganesh chaturthi ni taiyari chali rahi hati , e vakhate to hu lagbhag 5th ma hato . jyare nana hoy tyare ek utsuktata hoy ame badha friend bajuni green park society ma ganesh ji ni murti jova gaya tya khub moti murti ni sthapana thay che tya jyare ame jova gaya tyare ek uncle e amane bhagadya .
    tyathi aavine ame badha friends nakki karyu ke aapadi society ma pan ganapati aavase . pachi to jem me navaratri ni yado ma lakhyu tem ganapati ma pan karyu badha pot potana ghare jai ne mummy pasethi jid karine 10 -10 rupees lai aavya . ame hata kul 10 friends hu, devo,mehul,pappu,hiral,kirti,guddi ,atul ,parul,grishma ame badha pase 100 rupees bhwga thaya ame 100 rupees laine ganeshji ne leva gaya tya aame ek hanuman ji na roop vali ganeshji ni murti dekhi amane badhane pehali najar ma gami gai pan ek problem hato eni kimmat hati 130rupees have ame badha to nirash thai gaya ane society ni bahar ek cement na business dukan hati te uncle amari sathe khub saras rakhata. temane mane bum padi mara pappa teacher hata badha temane master kaheta . temane mane bum padi e master na chora : hu tya gayo mane puchyu tame tabariya aaje kem ahi bhega thaya cho me badhi hakikat kahi hu jem jem kaheto hato tem tem ek ek karine badha aavata ane request karata .
    chelle uncle deside karyu ke ganapati no badho kharcho hu aapish . ame to badha etla khus thai gaya ke na pucho vat .pachi amare je murti levi hati te amane apavi ane tyar pachi murti mukavani jagya mara ghar no otalo nakki thayo mane to maja padi pachi to sanje badh society na loko bhega thaya ane nakki thayu ke chokarao mate aapade bhega thai ne ganapati utsav karavo joye. ame khub khush hata ane pachi to baju ni society ma badha chokarane kahi aavya have tame aavajo amara ganapati jova . aaje kharekhar mane khub yad aave che tame nahi mano pan hu etlo badho emotional thai gayo chu ke mari aankh ma zadzadiya aavi gaya che pan kharekhar aaje e sarvjanik utsav etlo umang bher ujavay che ke na pucho vat aaje. i love u all my friends i miss u lot . specially mehul,hiral , devo and babalu.

  5. […] ગણેશચતુર્થી ની શુભકામનાઓ….. […]

  6. મારા તરફથી સૌને ગણેશચતુર્થીની શુભેચ્છઓ. દરેક કાર્યમાં ગણેશજીનો આશિર્વાદ મળતો રહે.. વિઘ્નહર્તા કાયમ સાથે રહે એવી આશા.

  7. prerna says:

    કેમ ચ્હો ? હુ અનસુયાબહેનની દિકરી. અતુલની તો વાત જ નિરાલી. કોઇ અતુલ બોલે એટ્લે ત્યા જ મન જતુ રહે. આ ટ્હુકો મારી પ્રિય વેબસાઈટ .ફરી મળીશુ

Leave a Reply

Your email address will not be published. Required fields are marked *