ગીત – ભગીરથ બ્રહ્મભટ્ટ

ગીત – ભગીરથ બ્રહ્મભટ્ટ

ઘણાં બધાં તો વૃક્ષો વેચે, કોક જ વ્હેંચે છાયા;
લોક અમસ્તા ઉંમર આખી વીણે છે પડછાયા.

તલના ભેળા ભળ્યા કોદરા
દાણે દાણો ગોત,
સાચજૂઠના તાણે વાણે
બંધાયું છે પોત;

પાંખ વગરનાં પારેવાં સૌ ધરતી પર અટવાયાં.

ક્ષુધા કણની મણની માયા
ઘણાં બધાંને વળગી,
ઘણાં ખરાંની દરિયા વચ્ચે
કાયા ભડભડ સળગી;

જબરા જબરા ઊણા અધૂરા કોક જ વીર સવાયા.

– ભગીરથ બ્રહ્મભટ્ટ

5 replies on “ગીત – ભગીરથ બ્રહ્મભટ્ટ”

  1. Devang says:

    Good one.

  2. Jadavji Vora says:

    આંખ ખૂલી જાય એવી કવિતા.

  3. MERA TUFAN says:

    Exceptional! Liked. Thanks.

  4. વાહ… કેવું મજાની ગીતરચના!

    ટહુકો નિયમિત થયો એની ખાસ વધાઈ… પણ ટહુકો નામે પંખીની એક પાંખ શબ્દ છે તો બીજી સૂર… સૂરની પ્રતીક્ષા !

  5. Prof. K. J. Suvagiya says:

    સુરની પ્રતિક્ષા ખતમ કરવા
    નુસરત ફતહ અલીખાંનું ‘મેરે રશ્ક-એ-કમર..’
    ઓરિજીનલ સંભળાવો. તો વટ પડી જાય..!
    આજ કાલ તેનું ફિલ્મી વર્ઝન ખૂબ ચાલ્યું છે..!

Leave a Reply

Your email address will not be published. Required fields are marked *