કાગડાઓએ વાત માંડી – નિનુ મઝુમદાર

કાગડાઓએ વાત માંડી પણ સુણનારાનાં સાંસાં
નીંદમાં હોલો ટાપસી પૂરે બગલો ખાય બગાસાં

ચકલીઓએ ચીડિયા કર્યાં રોષમાં બોલ્યો મોર
વાર છે હજી ઊંઘવા દો ને પાછલી રાતને પ્હોર

પારેવડાંએ ચાંચ મારી ને ખેંચી કિરણ દોર
હંસલાઓએ હાર ગૂંથ્યો ને તેડવા ચાલ્યા ભોર

મરઘો મુલ્લાં બાંગ પુકારે જાગજો રે સહુ લોક
બંદગી કરે બતક ઝૂકી કોયલ બોલે શ્લોક

તીડ કૂદી કરતાલ બજાવે ભમરો છેડે બીન
કંસારી મંજીર લઈને ભજનમાં તલ્લીન

રાત ગઈ જ્યાં મૃત્યુ જેવી સહુનાં જાગ્યાં મન
પ્રાણને પાછો દિન મળ્યો છે દુનિયાને જીવન

-નિનુ મઝુમદાર

4 replies on “કાગડાઓએ વાત માંડી – નિનુ મઝુમદાર”

  1. priti Bhatt says:

    Thanks taહ્uko.com ….avi kavita jyare jyare vanchu tyare English medium ma bhanya no afsos thay.

  2. Vimala Gohil says:

    “કીડીબાઈની જાન” અને પંચતંત્રની બાળ વાર્તાઓ યાદ આવી ગઈ..

  3. Anila patel says:

    આવી મજા કોઈ ભાષામા ના આવે.ાવાની મજાતો સન્સ્ક્રુત્ હીન્દી અને ગુજરાતીમાજ આવે.બહુજ સરસ રચના.

  4. dinesh says:

    ખુબજ સુન્દર રચના સાહેબ્. આભાર

Leave a Reply

Your email address will not be published. Required fields are marked *