એક જ રવિવાર કેમ ? – જિગર જોષી ‘પ્રેમ’

રોજે મનમાં સવાલ થાતો કોણ રમી ગયુ ગેમ !
આખેઆખા અઠવાડિયામાં એક જ રવિવાર કેમ ?

સવારમાં તો સ્કૂલે જાવું બપોર પછી હોય ટ્યુશન
ગજા બહારનું લેશન દેવું થઈ ગઈ છે આ ફેશન
પડ્યો પડ્યો સુકાઈ જાવાનો ‘બચપણ’ નામનો ડેમ
રોજે મનમાં સવાલ થાતો……

ભણવું ભણવું ભણવું ભણવું બીજી નહીં કોઈ વાત
હવે તો ભણતર નામે સાલો લાગે છે આઘાત
ડિક્શનેરીમાંથી ભૂંસાઈ જાશે હૂંફ, લાગણી ને ‘પ્રેમ’
રોજે મનમાં સવાલ થાતો……

6 replies on “એક જ રવિવાર કેમ ? – જિગર જોષી ‘પ્રેમ’”

  1. Pravin Shah says:

    ડિક્શનેરીમાંથી ભૂંસાઈ જાશે હૂંફ, લાગણી ને ‘પ્રેમ’

    ગીતના લયમાં સુંદર કવિતા !

  2. mukesh parikh says:

    ભણવું ભણવું ભણવું ભણવું બીજી નહીં કોઈ વાત
    હવે તો ભણતર નામે સાલો લાગે છે આઘાત

    વિધાર્થીઓ/બાળકો ની લાગણીઓની સુંદર રજુઆત…..
    ‘મુકેશ’

  3. pragnaju says:

    સવારમાં તો સ્કૂલે જાવું બપોર પછી હોય ટ્યુશન
    ગજા બહારનું લેશન દેવું થઈ ગઈ છે આ ફેશન

    પડ્યો પડ્યો સુકાઈ જાવાનો ‘બચપણ’ નામનો ડેમ
    સરસ અભિવ્યક્તી
    અહીં તો શનિ-રવિ બે રજાઓ હોય છે!

  4. Paresh says:

    સર્વ વાર મા મને સનિવાર ગમે ચ્હે. અએ કવિતા હોય તો ક્યારેક મુકજોૂ

  5. સુંદર રચના…

    પણ અભિવ્યક્તિ બાળકની ઉંમરથી ‘મોટી’ લાગે છે અને મોટેરાંઓની ઉંમરથી થોડી ‘નાની’ લાગે છે…

  6. દક્ષાબા ચાવડા says:

    સાચી અને વેધક વાતની સુન્દર રજૂઆત છે

Leave a Reply

Your email address will not be published. Required fields are marked *