તારા ને મારા આ વ્હાલપમાં શ્યામ – ઊર્મિ

સ્વર :  ઊર્મિ  

ભોળી ભટાક હતી ગોરસની ખાણ, કેવા કરી દીધા મુજ પર તેં જંતર?
તારા ને મારા આ વ્હાલપમાં શ્યામ, કેમ પડી ગયા જોજનનાં અંતર?

વ્હેતુ’તુ વ્હાલ તારું વાંસળીનાં સૂરમાં,
ને વહેતી’તી હું ય તારી તાનનાં એ પૂરમાં.

સઘળું ભૂલીને કા’ન, ભૂલી જઈ ભાન… કેવા જપતી’તી તારા હું મંતર !
તારા ને મારા આ વ્હાલપમાં શ્યામ, કેમ પડી ગયા જોજનનાં અંતર?

તડ તડ તૂટે છે પેલી કદંબની ડાળખી,
ધસમસ તૂટે છે મારી સંગે આ માટલી.

રોળીને લાગણીનાં લીલુડાં રાન… જો ને, થઈ ગયો તું કેવો છૂમંતર !
તારા ને મારા આ વ્હાલપમાં શ્યામ, કેમ પડી ગયા જોજનનાં અંતર?

ઝૂરું છું પળ પળ હું, ઝૂરે છે વાંસળી,
વિરહની વેળ અમને લાગે છે આકરી.

દવલાં કરી દવમાં છોડતાં હે શ્યામ… તારું સહેજે દુભાયુ ન અંતર?
તારા ને મારા આ વ્હાલપમાં શ્યામ, કેમ પડી ગયા જોજનનાં અંતર?

12 replies on “તારા ને મારા આ વ્હાલપમાં શ્યામ – ઊર્મિ”

  1. Kamlesh says:

    અદ્ ભુત નિરુપન
    Radha ni Vyatha nu……

  2. વ્હાલી ઊર્મિ,

    તારી વર્ષગાંઠના દિવસે તારી સખીએ તારું ગીત ટહુકો પર મૂક્યું છે… જન્મદિવસની ખૂબ ખૂબ શુભકામનાઓ…

    વિવેક- વૈશાલી- સ્વયમ્

  3. pragnaju says:

    જન્મદિનનની અનેક શુભેચ્છાઓ
    ઊર્મિનો સાગરની વર્ષગાંઠે મૂકેલું ગીત પઠનમાંથી સ્વરમાં મૂક્યું હશે માની ક્લીક કર્યું…
    આવી સરસ રાધાની વેદનાનું મધુરું ગીત હવે સ્વરમાં મૂકશો

  4. mehul says:

    જન્મદિનનની અઢળક શુભેચ્છાઓ !

    રેનિ,નુતન મેહુલ

  5. Sangita says:

    Happy Birthday Urmi!

  6. Your Friends says:

    Happy Birthday Urmi from all of us!
    Regards,
    -Friends.

  7. મિત્રો… આપ સૌની શુભેચ્છાઓ બદલ દિલથી ખૂબ ખૂબ આભાર…!

  8. Dr Darshna says:

    hey! good recitation! enjoyed it.

  9. sapana says:

    ઊર્મિ ગયા વરસે હું જાણતી ન હતી.જોકે જાણવાનો દાવો તો હ્જુ પણ નથી.તારૂ શ્યામના વિરહનુ ગીત સાંભળી મન ભરાયું. એટલે આ પ્રતિ ભાવ લખુ છું.ખૂબ સરસ.
    સપના

  10. dipti says:

    રાધાની વ્યથાને આબેહુબ વ્યક્ત કરી છે.

    રોળીને લાગણીનાં લીલુડાં રાન… જો ને, થઈ ગયો તું કેવો છૂમંતર !
    તારા ને મારા આ વ્હાલપમાં શ્યામ, કેમ પડી ગયા જોજનનાં અંતર?

    અદભુત!!!!!!!!

  11. Mehmood says:

    ગોકુલની ગલીઓ માં શ્યામ થયો બહાવરો ,
    રાધા વિના રહેવા નહીં એને મહાવરો,
    ગોપ – ગોપી ને વિનવે ,
    પશુ – પંખી ને વિનવે ,
    કોઈક તો આપો મને રાધાનો અણસારો ,
    મટકી નહી ફોડું, કહી ગ્વાલણને રીઝવે,
    માખણ નહી ચોરું, કહી માં ને મનાવે,
    બસ કોઈ આપો મને રાધાનો અણસારો ,
    ગાયો ને મૂકી રેઢી,
    વાંસળી ને મૂકી મેડી,
    જમનાની રેતમાં રાધાના પગલાં શોધવા

  12. Krutagnya says:

    Beautiful!!! Jayshree Di aa Geet koi a gayu chhey?! ke koi album maa mali shakey?!
    Radhamay thai javaay evu saras geet… 🙂

Leave a Reply

Your email address will not be published. Required fields are marked *