રાત આખી આસપાસ – અંકિત ત્રિવેદી

સ્વર / સંગીત – રવિન નાયક

રાત આખી આસપાસ સૂતાં આ ઉજાગરાને
વહેલી સવારે સંજવારી,
આંસુથી મેલા આ આંખોનાં આંગણાને,
વાળીને હમણાં પરવારી હો..

સૂરજનાં તાંતણામાં ડૂબેલી ઘટનાઓ,
ફાનસનાં અજવાળા ચૂએ;
પડછાયા ઓગળીને અંધારું થાય,
અને શમણાની ઓસરીમાં રૂએ.
બારીને ઝાપટીને ચોક્ખી કરૂં ત્યાંતો,
સેપટ ઉડે છે અણધારી હો..
રાત આખી આસપાસ સૂતાં આ ઉજાગરાને
વહેલી સવારે સંજવારી…

ચુલા પર સાચવીને કરવા મૂક્યો છે,
મેં પાછલી ઉમરનો વઘાર;
આંખોની નીચેનાં કુંડાળા શોભે છે,
વેદાનાનો લીલો શણગાર.
સૂની અગાસીનાં ટેકાએ ઉભેલી,
પૂનમ થઈ છે અલગારી હો..
રાત આખી આસપાસ સૂતાં આ ઉજાગરાને
વહેલી સવારે સંજવારી ….

– અંકિત ત્રિવેદી

12 replies on “રાત આખી આસપાસ – અંકિત ત્રિવેદી”

  1. chandrika says:

    સુંદર ગીત અને એટલું જ મધુર સ્વરાંકન

  2. chhaya says:

    વેદના નો લીલો શણગાર .
    પાછલી ઉમર નું ઘરેણું .!

  3. સરસ.
    ચુલા પર મુક્યો વઘાર,આંખ ના કુંડાળા,
    વેદનાનો લીલો શણગાર.

  4. anil bhatt says:

    sunder,ati sunder!!!!!!!!!

  5. kalpana Pathak says:

    એક વાર કોઇ વણસી ગયું કે વેદનાના વઘાર શરુ થઈ જાય. પછી કમરના લચકા અને ગણદણાતા ગીતો બધું બન્ધ્. વહાલના વેણના શમણા જોવા રહ્યા.

    સુન્દર રચના. આભાર.

  6. Gita c kansara says:

    અતિ પ્રિય સુન્દર ગેીત્.
    સ્વર સન્ગેીત્ નો સુભગ સમ્ન્વય્.

  7. Darshana Bhatt says:

    ઉજાગરાનો વૈભવ ,તેમા સમાયેલી વેદનાનો વૈભવ વાળ્વાથી વળાય એવુ ક્યા બને ??
    હ્રુદયસ્પરશિ ગીત. આભાર આ ગીત માટે.

  8. Ravindra Sankalia. says:

    ગીતનો ઉપાડ જ કેટલો સુન્દર છે આરમ્ભનુ વાદ્યવ્રુન્દ અદ્ભુત છે. એક સર્વાન્ગ સુન્દેર રચના.

  9. Maheshchandra Naik says:

    સરસ ગીત્ સરસ સ્વરાંકન, આનદદાયી સગીત, અને ગાયકી અદભૂત………

  10. ankit bhai nice song.congrats

  11. bhavna shah says:

    સરસ ગીત્ સરસ સ્વરાંકન, અને ગાયકી અદભૂત . આભાર

  12. gautam kothari says:

    good work done ankitbhai..anil joshi, in past was offering such creations..very well written .

    gautam kothari vadodara

Leave a Reply

Your email address will not be published. Required fields are marked *