પાછા વળો ! – ડો. મહેશ રાવલ

ડો. મહેશ રાવલને એડવાન્સમાં એમના જન્મદિવસ ૪મી સેપ્ટેમ્બર પર ખૂબ ખૂબ શુભેચ્છાઓ..!! આજે માણીએ એમની કલમે લખાયેલું, રોજિંદી વાતચીતની રદીફ લઈ ચાલતી આ ગઝલ વધુ સ્પર્શી જાય છે….શ્રી મનહર ઉધાસનું ૨૮મું આલબ્મ ‘અભિલાષા’માં થી જે ૨૦૧૧માં રિલીસ થયેલું….

સ્વર / સંગીત – મનહર ઉધાસ
આલબ્મ – અભિલાષા

લાગણી જેવું જરાપણ હોય તો, પાછા વળો
નીકળે એવું નિવારણ હોય તો, પાછા વળો !

જિંદગી, કંઈ એકલાં વીતી શકે એવી નથી
ક્યાં જવું એની વિમાસણ હોય તો, પાછા વળો !

આપણા સંબંધનો ઈતિહાસ જાજરમાન છે
જો સ્મરણ એકાદ પણ ક્ષણ હોય તો, પાછા વળો !

ખ્યાલ નહીં આવી શકે, વૈશાખમાં ભીનાશનોં
આંખ નહીં, રગમાં ય શ્રાવણ હોય તો, પાછા વળો !

ફૂલ માફક મેં હથેળીમાં જ રાખ્યાં છે, છતાં
સ્વપ્નમાં પણ આવતું રણ હોય તો, પાછા વળો !

આમ તો મારા હિસાબે, હાથ છે સંજોગનોં
તોય બીજું કોઇ કારણ હોય તો, પાછા વળો !

ખેલદિલી તો અમારી ખાસિયત છે, આગવી
એ વિષયમાં ગેરસમજણ હોય તો, પાછા વળો !

આટલાં વરસે ન શોભે, આમ તરછોડી જવું
સ્હેજપણ શેનું ય વળગણ હોય તો, પાછા વળો !

હું ય જીરવી નહીં શકું આઘાત, આવો કારમો
‘ને તમારે પાળવું પ્રણ હોય તો, પાછા વળો !

– ડો. મહેશ રાવલ

26 replies on “પાછા વળો ! – ડો. મહેશ રાવલ”

  1. Aalok Jani says:

    ખેલદિલી તો અમારી ખાસિયત છે, આગવી
    એ વિષયમાં ગેરસમજણ હોય તો, પાછા વળો !

    બહુજ સરસ કવિતા છે

  2. bharat chandarana says:

    કાબિલેતારીફ ગઝલ છે
    આભાર ….ને …હર્દિક અભિનદન

  3. bharat chandarana says:

    કાબિલેતારીફ ગઝલ છે. આભાર ….ને …હર્દિક અભિનદન

  4. KRIT says:

    યોઉર સિદ ઇસ ગોૂદ ફોર આૂૃ આટી ળ્

  5. કવિમિત્ર ડૉ. મહેશ રાવલને વર્ષગાંઠની હાર્દિક શુભકામનાઓ… મનહર ઉધાસના આલ્બમ માટે પણ ખૂબ ખૂબ અભિનંદન !

    પણ એક વાત બીજી પણ ઉમેરવાની..

    ટહુકો.કોમની જયશ્રીની પણ આજે વર્ષગાંઠ છે… જયશ્રીને પણ જન્મદિવસની અઢળક મબલખ મુબારકબાદી….

  6. Dr. Maheshbhai Raval & Jayshreeben,

    Happy Birthday to BOTH of U

  7. chandrika says:

    વહાલી જયશ્રી ને પણ ડો.મહેશભાઈ સાથે જન્મદિન મુબારક
    પટેલ
    પરિવાર તરફથી

  8. કવિમિત્ર ડૉ. મહેશ રાવલને વર્ષગાંઠની હાર્દિક શુભકામનાઓ….

  9. La'Kant says:

    બહુ જ ભાવ-વાહી ચાલી નીકળેલ હમસફર -પ્રિયકરને સંબોધાયેલ…સમયનો તકાદો….વાસ્તવિકતા સ્વીકાર કરી ” કમ બેક માય લાવ” નું આવ્હાન આપતું. , {“આ લૌટકે આજા મેરે મિત”જેવા અર્થ-મર્મીલા સંદેશ જેવું હલાવી મૂકે એવું સરસ કર્ણપ્રિય,મુકેશનું એક જમાનાનું ખૂબ જ વખણાયેલું ગીત } ખરેખર માણી શકાયું… આનંદ….આભાર અને અભિનંદન પણ…
    -લા’કાન્ત / ૧-૯-૧૨

  10. Dr j k says:

    અભિનન્દન્……….ગઝલ અને જ.દિ. ના
    જે.ૅ કે. ના જે.કે. ..!!!

  11. Arpana says:

    સામાન્ય વાતચીતના શબ્દો પાસેથી પણ કેવુ સરસ કામ
    લીધું છે.
    જન્મદિન મુબારક જયશ્રીબેન.

  12. અલગ થનારાઓને ફેરવિચાર કરતા કરી દે ! એવી એક ખુબ સુંદર રચના!!!

  13. Kamlesh says:

    જયશ્રીને જન્મદિવસની અઢળક મબલખ મુબારકબાદી….

  14. manubhai1981 says:

    જન્મોત્સવની હાર્દિક વધાઇ….બન્નેને.
    કાવ્ય સુન્દર …રચના રસિક..આભાર.

  15. arvind patel says:

    અફલાતુન ગઝલ છે. અભિનન્દન.

  16. અભિનન્દન્…
    હું ય જીરવી નહીં શકું આઘાત, આવો કારમો
    ‘ને તમારે પાળવું પ્રણ હોય તો, પાછા વળો !
    વિચાર કરજો, પાછા વળો !…કેહવુ ન પડે!

  17. Pinakin P. Goradia says:

    HAPPY BIRTHDAY DR. MAHESHBHAI.

    PRAVIN GORADIA PARIVAR

  18. ખ્યાલ નહીં આવી શકે, વૈશાખમાં ભીનાશનોં
    આંખ નહીં, રગમાં ય શ્રાવણ હોય તો, પાછા વળો !

    ખ્યાલ નહીં આવી શકે, વૈશાખમાં ભીનાશનોં
    આંખ નહીં, રગમાં ય શ્રાવણ હોય તો, પાછા વળો !

    શ્રી મહેશભાઈ જન્મ દિવસ ખુબ ખુબ મુબારક આપ જીવનભર સાહિત્યની સેવા કરતા રહો
    આપની કલમ સુંદર રચનાઓ આપતી રહે. જયશ્રી બહેન ને પણ આશીષ.

  19. Sudhir Patel says:

    કવિશ્રી ડૉ. મહેશભાઈ રાવલને જન્મ-દિવસના હાર્દિક અભિનંદન!
    ખૂબ સુંદર ગઝલ અને એવી જ માતબર ગાયકી!
    સુધીર પટેલ.

  20. Ullas Oza says:

    ડૉ. મહેશ રાવળનો સુંદર ગીત બદલ આભાર.
    કવિશ્રી લખતા રહે અને જયશ્રીબેન પિરસતા રહે – કવિશ્રી અને જયશ્રીબેનને જન્મદિનની શુભ કામના.
    મનહર ઉધાસને પણ અભિનંદન.

  21. ખુબ સરસ ગીત.. જન્મ દિવસ ની શુભેકામના …

  22. kirit sarvaiya says:

    દેઅર સિર થિસ ગેીત ઇસ વરેી ગોૂદ સોપ્લો પ્ય ફો ં

  23. ખુબજ સરસ અને સુન્દર રચના.
    કેટલા બધા કારણ મેળવી આપ્યા પાછા વળવાના.
    વીચારતા કરી મુકે તેટલા.
    સરસ.

  24. મારા જન્મદિન નિમિતે શુભેચ્છા પાઠવનાર તથા શ્રી મનહર ઉધાસના નવા આલ્બમ ‘અભિલાષા’માં લેવાયેલ મારી ગઝલ, -પાછા વળો- ને બિરદાવનાર તમામ કદરદાન મિત્રો,શુભેચ્છકોનો ખૂબ-ખૂબ આભાર.
    સાથે-સાથે જયશ્રીબેનને પણ જન્મદિનની હાર્દિક શુભકામનાઓ.
    આભાર ટહુકો ટીમ…!

  25. લો! આ પાછા વળ્યા!
    હવે મનહર ઉધાસનો પરિચય બનાવી દે, તો મિત્રતા નિભાવી જાણું.

  26. અશોક જાની 'આનંદ' says:

    શબ્દના હિસાબે સૂરમાં ઓછી મજા આવી.. શિરમોર જેવઓ ત્રીજો શે’ર ગવાયો જ નહીં.. અલબતા ગાયકની પોતાની પસંદ હોય.. 🙂

Leave a Reply

Your email address will not be published. Required fields are marked *