કાન ઓળખાતા નથી – હરીન્દ્ર દવે

અમે સાંભળ્યું એ વાંસળીને વાતા નથી
કે આજ કેમે કર્યા કાન ઓળખાતા નથી.

હવે મધુવન તો જાણે કોઈ શમણાની વાત,
હવે યમુનાને તીર ઝૂરે એકલી ન જાત,
વહે વાસંતી વાયરો ને શાતા નથી,
આજ કેમે કર્યા કાન ઓળખાતા નથી.

ક્યાંક આછો મલકાટ જાણે ખખડે છે પાન,
હોઠ ફફડે ને તોય નથી સંભળાતું ગાન,
ફૂલ ઉપવનની ભીડમાં સમાતાં નથી,
આજ કેમે કર્યા કાન ઓળખાતા નથી.

– હરીન્દ્ર દવે

6 replies on “કાન ઓળખાતા નથી – હરીન્દ્ર દવે”

  1. chandrika says:

    અતિ સુંદર.શ્રી હરિન્દ્ર્ર દવે તો શબ્દો ના જદુગર છે.

  2. Dhaval says:

    ક્યાંક આછો મલકાટ જાણે ખખડે છે પાન,
    હોઠ ફફડે ને તોય નથી સંભળાતું ગાન,

    one of the best lines written! simply nice.

  3. chhaya says:

    bhid maa aaje kharekhar Kaan dekhaataa nathi

  4. mahesh rana vadodara says:

    ખુબજ સરસ કાન ને ઓળખવો મુશ્કેલ

  5. Maheshchandra Naik says:

    સરસ રચના, શ્રી સુરેશભાઈના મિત્ર શ્રી હરીન્દ્ર દવેને સ્મરાણ્ંજલિ…………..

  6. manubhai1981 says:

    સ્મરણાઁજલિઓ….

Leave a Reply

Your email address will not be published. Required fields are marked *