મૃગજળની મિત્રતા – મનોજ ખંડેરિયા

(ઝાકળની મિત્રતા…  Mystery Spot, CA – Nov 2011)

*****

શબ્દોની મિત્રતા અને કાગળની મિત્રતા,
એકાંતે મ્હોરનારી આ હરપળની મિત્રતા.

આ હાંફ-તરફડાટ-તૃષા-થાક-ને તડપ-
કેવી રહી પૂછો નહીં મૃગજળની મિત્રતા.

પ્હેરણથી માત્ર રાખ્યું ન સગપણ ઉપરછલું,
માણી છે એની મેલી સળેસળની મિત્રતા.

આંસુથી રાખ કે પછી દરિયાથી રાખ તું,
ડુબાડી દેશે કોઇ દિવસ જળની મિત્રતા.

ચિરકાળ એની છાપ ફૂલો પર છવાઈ ગઈ,
નહીં તો રહી’તી બે ઘડી ઝાકળની મિત્રતા.

હરજન્મ બંધ દ્વારને ખખડાવતી રહી,
કેવી અતૂટ હાથ ને સાંકળની મિત્રતા.

આદિલ-અનિલ-રમેશ કે લા.ઠા. ચિનુની સંગ
કાયમની લીલી ગૂંજતા કાગળની મિત્રતા.

– મનોજ ખંડેરિયા

13 replies on “મૃગજળની મિત્રતા – મનોજ ખંડેરિયા”

  1. chandralekharao says:

    શબ્દોની મિત્રતા અને કાગળની મિત્રતા,
    એકાંતે મ્હોરનારી આ હરપળની મિત્રતા.

    આ હાંફ-તરફડાટ-તૃષા-થાક-ને તડપ-
    કેવી રહી પૂછો નહીં મૃગજળની મિત્રતા.સુઁદર રચના…

  2. Ashok Bhatt says:

    “કાયમ મનોજ ગુન્જશે ને એની મિત્રતા”.

  3. Ashok Bhatt says:

    “ચિરકાળ એની છાપ ફૂલો પર છવાઈ ગઈ,
    નહીં તો રહી’તી બે ઘડી ઝાકળની મિત્રતા.”

    સાથે તો ફક્ત બે જ દિવસ રહ્યા હતા પણ જીવનભર ચાલે એટલી સૌરભ, ખુશબુ પાથરી ગયા. હરિ ઓમ!

  4. Sureshkumar Vithalani says:

    An excellent gazal, indeed! Wish Manoj would find some kind of ‘Divya Internet’ and would continue writing and sending more gazals from Heaven !

  5. શ્રી મનોજભાઈએ એમના કેટલા બધા મિત્રોને યાદ કરી લીધા આ સુન્દર રચનામાં અને પાછું મૃગજળની મિત્રતા…!!
    આદિલ-અનિલ-રમેશ કે લા.ઠા. ચિનુની સંગ
    કાયમની લીલી ગૂંજતા કાગળની મિત્રતા….

    દરિયે નાહવા જાતા ઘણા ડુબી ગયા ના કિસ્સા વાંચ્યા છે…

    આંસુથી રાખ કે પછી દરિયાથી રાખ તું,
    ડુબાડી દેશે કોઇ દિવસ જળની મિત્રતા….

  6. સાદ્યંત સુંદર ગઝલ… બધા જ શેર ગમી જય એવા પણ આ ત્રણ વધુ ગમી ગયા:

    આ હાંફ-તરફડાટ-તૃષા-થાક-ને તડપ-
    કેવી રહી પૂછો નહીં મૃગજળની મિત્રતા.

    પ્હેરણથી માત્ર રાખ્યું ન સગપણ ઉપરછલું,
    માણી છે એની મેલી સળેસળની મિત્રતા.

    આંસુથી રાખ કે પછી દરિયાથી રાખ તું,
    ડુબાડી દેશે કોઇ દિવસ જળની મિત્રતા.

  7. મન મનોજ ભૈ નિ વાતો ………..ને ……..બુસ ……..ફરિ ફરિ ……..યાયદ કર્યા કરે ……….

  8. vimala says:

    શબ્દોની મિત્રતા અને કાગળની મિત્રતા,
    એકાંતે મ્હોરનારી આ હરપળની મિત્રતા.
    લજવબ્……
    સુરેશ કુમાર વિઠલનેી કહે એવુ બને એવિ આશા.

  9. Indira Adhia says:

    અતિ સુન્દર ગઝલ. મન ભાવુક બની રડી પડ્યુ!

  10. ખુબ ખુબ સુન્દર

  11. mahesh rana vadodara says:

    excellent maja avi gai

  12. d[pti says:

    અતિ સુન્દર ગઝલ.

    શબ્દોની મિત્રતા અને કાગળની મિત્રતા,
    એકાંતે મ્હોરનારી આ હરપળની મિત્રતા.

    આ હાંફ-તરફડાટ-તૃષા-થાક-ને તડપ-
    કેવી રહી પૂછો નહીં મૃગજળની મિત્રતા.

Leave a Reply

Your email address will not be published. Required fields are marked *