મને ઝાંઝરિયું ઘડાવો રે… – પિનાકીન ઠાકોર

આ ગીતની સાથે જ પેલું ‘વ્હાલમને વરણાગી કહેતી નાયિકાની ફરમાઇશોવાળું ગીત’ યાદ આવી જાય ને? કવિ શ્રી પિનાકિન ઠાકોરને એમના જન્મદિવસે આ ગીત માણી શ્રધ્ધાંજલી અર્પણ કરીએ..!

મને ઝાંઝરિયું ઘડાવો રે , ઝાંઝરિયું .

રૂપાનો રઢિયાળો ઘાટ ,
સોના કેરી સુંદર ભાત ,
રંગરંગી રતન જદાવો રે. મને ૦

કેડે નાનકડી શી ગાગર ,
મેલું જે ઘડુલો માથા પર,
ઇંઢોણીને મોતીએ મઢાવો રે. મને ૦

લટકમટક હું ચાલું,
ને અલકમલકમાં મ્હાલું,
મને પરીઓની પાંખ પર ચઢાવો રે. મને ૦

– પિનાકિન ઠાકોર

2 replies on “મને ઝાંઝરિયું ઘડાવો રે… – પિનાકીન ઠાકોર”

  1. જય પટેલ says:

    સખીની ફરમાઈશો ટાળવી અતિ કઠિન છે.

    સખી મુને બહુ વ્હાલી..!!

  2. જય પટેલ says:

    હંસા દવેના સ્વરમાં ગીત સ્વરબધ્ધ થાય તો ઘણું સારૂં રહેશે.
    મને રૂપાની ઝાંઝરી ઘડાવ…ટાઈપનું ગીત.
    આભાર.

Leave a Reply

Your email address will not be published. Required fields are marked *