તારે તાર થતા તારાની રાત સુંવાળી કરી,
હરિ, દિવાળી કરી ?
ખૂણે ખૂણે દીવી પ્રગટે તે જોતું આકાશ,
એમ લાગતું ધરતી જાણે દર્પણ ધરતી ખાસ,
રાત, પાંખ લઇને ઊડે ન તેથી તેજની જાળી કરી…
હરિ, દિવાળી કરી ?
હરિ, દીવીની જ્યોત તમે તમને હું ફૂંક ન મારું,
તમે ઊડો તો મારે કરમે રહે ફક્ત અંધારું,
ભલા તેથી તો દીવી સઘળી લોહીને બાળી કરી…
હરિ, દિવાળી કરી ?
આખું આ આકાશ રાતનાં ઝાડની જેમ જ ખૂલે,
તારા જાણે ફૂલ હોય તેમ મઘમઘ ફાલેફૂલે,
ધરતીને કોઇ કલમ કરે તેમ નભની ડાળી કરી…
હરિ, દિવાળી કરી ?
હરિ સાથેનો આ સંવાદ અને તે પણ આ લાગણીથી,
તે ફક્ત કવિ જ નહીં પણ એક ભક્ત હ્રદય જ કરી શકે!
હરિ,
દીવીની જ્યોત તમે ,
તમને હું ફૂંક ન મારું,
તમે ઊડો તો ,
મારે કરમે રહે ફક્ત અંધારું,!!!!!
true.true.
ખૂણે ખૂણે દીવી પ્રગટે તે જોતું આકાશ,
એમ લાગતું ધરતી જાણે દર્પણ ધરતી ખાસ,
ખૂબ જ સુંદર !!!!!!!!!!!!!
હજી આજે સવારે જ લયસ્તરો પર (http://layastaro.com/?p=515) એક હરિગીત રવીન્દ્ર પારેખનું જ મૂક્યું ને ત્યાં તમારા બ્લોગ પર વળી બીજું જોયું… સાનંદાશ્ચર્ય, બીજું શું ?! સુંદર ગીત અને સુંદર ભાવ….
અભિનંદન… આભાર !