સ્વર : ઓસમાણ મીર
આલ્બમ : સંગત
સ્વરાંકન : હરિશ્વંદ્ર જોશી
.
ઢળતી રાતે રે ગળતાં સૂરનાં અંધારાં
એમાં ભળતા પરોઢના ઉઘાડ જી,
આંખને ઓવારે ડૂબે દરિયાનાં તાણ
એવાં પાંપણે ઝૂકે રે ઝમતા પ્હાડ જી.
ઝમતી ઝીણી રે ભીતર સુરતાની વાણ
એમાં ઝંખનાનાં તરતાં તોફાન જી,
કોણ રે હેરે આ આછા વાયરાની પેરે
એના અણસારે ગળતાં ગુમાન જી.
આછા રે આછા રે એવા ઊઠે અંબાર
ઓલી પારની અગન ઊઠે અંગ જી,
અમથી આંખે તો માંડ્યાં મેઘનાં ધનુષ
માંડી મીટમાં ઘેરાતો એક જ રંગ જી.
– હરિકૃષ્ણ પાઠક
