સ્વર : સુરેશ જોશી – હરિશ્વંદ્ર જોશી
સ્વરાંકન : હરિશ્વંદ્ર જોશી
આલબમ : સંગત

.

આવી રહી છે રાસ મને શહેરની હવા.
હું વર્તમાનપત્રમાં લાગ્યો છું ખૂંચવા.

આ હાથ ખોઈ બેઠા છે મુદ્રા જ સ્પર્શની,
લપકે છે આંગળીઓ હવે સૌને દંશવા;

તોળે બજારુ ચીજની માફક મનુષ્યને,
અહીં તો સહુની આંખ બની ગઈ છે ત્રાજવાં;

ચકલી, તું મારા ભાગ્યનું પરબીડિયું ઉપાડ,
હું નીકળ્યો છું શહેરમાં ગુલમ્હોર શોધવા;

નહોતી ખબર કે શહેરના લોકો છે સાવ અંધ,
આવ્યો’તો હું રમેશ, અરીસાઓ વેચવા.
– રમેશ પારેખ