સ્વર : હિમાલી વ્યાસ નાયક
સ્વરાંકન : હરિશ્વંદ્ર જોશી
આલબમ : સંગત
.
તું જરાક જો તો, અલી !
આ સાવ નવા નક્કોર કંચવે પડી ગઈ કરચલી.
ઘસી ઘસીને ચાંદો આઠે અંગ આજ હું ન્હાઈ,
વડલા હેઠે ડિલ લૂછતાં બની ગઈ વડવાઈ;
હું હવા વગર હલબલી !
ખરબચડા ધબકારે ધકધક છાતલડી છોલાઈ,
શરમ સમેટી પાલવડે હું પાંપણમાં સંતાઈ;
હું મટી ગઈ મખમલી !
કમળકટોરી લઈને અમથી સરવરિયે રોકાઈ,
પરપોટો પરપોટો રમતાં પરવાળે ખોવાઈ;
હું તળીયામાં છલછલી !
– વિનોદ જોશી
તું જરાક જો હિમાલી!
આ તારી ‘સંગત’ માં હૈયે મચી ગઈ ખલબલી!
ફરી ફરીને ગીત તમારું સાંભળું સઘળું ભૂલી,
બંધ કરી મેં પાંપણ રાખી કાનની ખડકી ખુલી!
મુજ નીયત થઈ મનચલી!
સુંદર
Nice!
સુંદર સ્વરાંકન, મીઠી ગાયકી અને કવિ શ્રી વિનોદભાઈ ની રસથી સભર કવિતા, ત્રિવેણી સંગમ, વાહ
Very beautiful words.
Perfect music and excellent singing.