સ્વર : ઓસમાન મીર
સ્વરાંકન : હરિશ્વંદ્ર જોશી
આલબમ : સંગત
.
ઈશારા કોઈ ક્યાં સમજી શક્યું સંતો-ફકીરોના ?
અહીંનાં અહીંના માણસો તો માણસો કેવળ લકીરોનાં.
ઉપરવાળો ઘણું દે ને ઘણું યે છીનવી લે પણ,
હૃદય સાવ જ અનોખાં હોય છે ફક્કડ અમીરોનાં;
પ્રવાસો લાખચોરાસી થયા પણ કોઈ ના સમજ્યું,
બધા ગુણધર્મ એના એ જ છે સઘળા શરીરોના;
કદી કોઈક જાગી જાય છે એ વાત જુદી છે,
અહીં ટોળાં કદી ના હોય નાનકના-કબીરોના;
ભલે ને, ચાલ નોખી એમની સ્હેજે ય ના લાગે,
પરંતુ, આભમાં પગલાં પડે દરવેશ-પીરોનાં.
– જાતુષ જોશી
યુટ્યુબ પર જાતુષ જોશીની રચના ઈશારા કોઈ ક્યાં સમજી શક્યું છે… ને વિનોદ જોશીની રચના તરીકે ક્રેડિટ આપી છે.
Well
વાહહ..!!
બઢિયા ગઝલ..
બઢિયા સ્વર અને પ્રસ્તુતિ.. સરસ સ્વરાંકન
અભિનંદન
શબ્દ,સ્વર અને સંગીતની આ સંગત ડોલાવી દે એવી રમણીય.
સરસ રચના, બંદિશ , ગાયકી અને હાર્મોનિયમ વાદન.
આલબમ નું પ્રાપ્તિસ્થાન જણાવવા વિનંતી.
“કદી કોઈક જાગી જાય છે એ વાત જુદી છે,
અહીં ટોળાં કદી ના હોય નાનકના-કબીરોના;”