ડોસાએ ડોસીને જીદ કરી કહ્યું…- સુરેશ દલાલ

ડોસાએ ડોસીને જીદ કરી કહ્યું:
હવે હાથમાં તું મેંદી મૂકાવ,
કો’કના લગનમાં જઈએ તો લાગે
કે આપણો પણ કેવો લગાવ.

આપણને જોઈ પછી કોઈને પણ થાય
કે પરણી જઈએ તો કેવું સારું,
મંગળફેરા ફરતા જીવોને લાગે કે
જીવન હોય તો આવું સહિયારું;

ઘેરદાર ઘાઘરો ને ઘરચોળું પ્હેરીને
ઠાઠ અને ઠસ્સો જમાવ.

તારી મેંદીમાં મારું ઉપસશે નામ
અને નામમાં દેખાશે તારો ચહેરો,
હાથમાં હાથ હવે ઝાલીને મ્હાલીએ
ને ફરી લઈએ જીવતરનો ફેરો;

સોનલ કમળ અને રૂપેરી ભમરો છે
ને બિલોરી આપણું તળાવ!

(આભાર : લયસ્તરો)
———————

Wishing Happy Anniversary.. to the special couple in the picture, and a special couple not in the picture 🙂

Share on Facebook

10 replies on “ડોસાએ ડોસીને જીદ કરી કહ્યું…- સુરેશ દલાલ”

correction “કદી ન ભુલાય એમ વાંચવું.

પ્રત્યેક દંપત્તિની લગ્નતીથિ એક અદ્વિતીય પ્રસંગ છે.લગ્નના માયરામાં એક્મેક્ને અપાયેલ બૉલ અને કૉલની યાદી અપાવનારો દિવસ.એની કવિતા હોય્/ન હોય કોઇ ફેર ન પડે.આ દિવસે બન્ને જણ ફરી નક્કી કરી લે કે પરસ્પર નુ સ્ન્માન જાળવવાનૂ કદી ભુલાય્.હેત્/પ્રેમ આપોઆપ ઉછરશે, ઉછળશે.
સુરેશભાઈ નુ મઝાનુ કાવ્ય.

We celeberated our fiftieth marriage anniversay last year. I could not find the song earlier.

મંગળફેરા ફરતા જીવોને લાગે કે
જીવન હોય તો આવું સહિયારું;
હાથમાં હાથ હવે ઝાલીને મ્હાલીએ
ને ફરી લઈએ જીવતરનો ફેરો;
વાહ સુરેશ્ભાઈ વાહ…. પ્રેમ હોય તો આવો…િનર્મળ અને િન્ખાલસ…
અિભનંદન……..

વાહ, ખૂબ સુંદર.

મન માનસ અને મનન

અમારી અઠાવનમી લગ્ન-જયન્તી આ ૩૧મી મેના રોજ છે પણ તેની કવીતા કોણ લખશે?

[…] આજે તો છે મારા મમ્મી-પપ્પાના લગ્નની ૨૯મી વર્ષગાંઠ… ઘણું વિચાર્યુ કે આજે તેમને ભેટમાં શું આપું.? પણ ઉત્તર ન મળ્યો. આખરે શોધતા શોધતાં સુરેશ દલાલ ની આ રચના ટહુકામાં મલી.અને જોતાવેંત જ ગમી ગઈ અને નક્કી કર્યુ કે આજે તેમના લગ્નની વર્ષગાંઠ મારા આ બ્લોગ પર સુરેશ દલાલ ની આ સુંદર રચના તેમને અર્પણ કરું. મમ્મા-પપ્પા તમને તમારા આ સુખી લગ્નજીવનની ખૂબ ખૂબ શુભકામનાઓ.. તમારો સંસાર હંમેશા ફૂલોની જેમ મહેકતો રહે… … […]