કાવ્ય – કરસનદાસ માણેક

gandhijee.jpg

કોટિ કંઠ જેના સ્તુતિગાન કરે
કોટિ કંઠ જેના સ્તુતિગાન રટે,
જેને દર્શન વિશ્વ બધું ઉમટે ;
મૃત માનવતાને  જીવાડવામાં
જેની જોડી નથી ધરતીને પટે ;

એવા અદભૂત આ અવધૂતનું અંતર
આંખ ખોલી એક વાર જુઓ :
એને ભીતરમાં ભડકા સળગે ,
એનું દુ:ખ દેખી એકવાર રુવો !

એણે માનવપ્રેમનું ગાણું કર્યું :
ઝેર જીરવીને સુધા-વ્હાણું કર્યું ;
અને જૂઠને હિંસાની સામે સદા એણે
એક અખંડ ધિંગાણું કર્યું ;

અને આજે એની તપસિધ્ધિકેરે ટાણે
જૂઠ ને ઝેર રેલાઇ રહ્યા !
જેને નાથવા આયખું ગાળ્યું તે નાગના
તાંડવ આજ ખેલાઇ રહ્યા !

એણે માનવતાને મ્હોરાવવી’તી ,
દેવવાડી ધરાપે લ્હેરાવવી’તી :
હ્ર્દયે હ્ર્દયે પ્રભુના કમલો કેરી
ફોરમ દિવ્ય ફોરાવવી’તી :

અને ઉકરડા આજ ડુંગર ડુંગર
જેવડા એની મા-ભોમ પરે ;
બદબો થકી રુંધતા આત્મને દેખી
ઉર એનું કલ્પાન્ત કરે !

ઓ રે , જન્મજયંતી તણા રસિયા ,
ખોલો લોચન અંધકારે ગ્રસિયાં
જરી તો દેખો ઘન વેદનાના
વન અંતર જે એમને વસિયા

એની આત્મસૃષ્ટિને ઉચ્છેદીને
એના દેહની આરતી શીદ કરો :
ડગલે ડગલે એનું ખૂન કરી
એને પૂજવા પુષ્પથી કાં નીસરો !

એની જન્મજયંતી તો ત્યારે થશે ,
જ્યારે પ્રેમની બીન બજશે ,
જ્યારે બ્રહ્મના અંકશા મુક્ત આકાશમાં
મુક્ત ધરા દિવ્યતા સજશે ;

એને મુક્ત સમીરને નીરના નૃત્ય ની
સંગ મીલાવીને તાલ સદા
અરે મુક્ત પ્રકાશમાં મુક્ત માનવ્યનું
નાચી રહેશે મન મુક્ત યદા !

9 replies on “કાવ્ય – કરસનદાસ માણેક”

  1. Mahendra says:

    Poem by Shri Karsondas Manek shows the reality about Mahatma Gandhi.Only on 2nd Oct. every year we worship Mahatma Gandhi at Rajghat and then forget him.

  2. pecks says:

    tahuko.com is the fastest medium to pass complements to jayashree for her valuable work.(cell no.is useless)…keep giving yr soul to this site.

  3. tirthal says:

    સરિ કવિતા લખિ ચે

  4. harshad jangla says:

    અતિ યોગ્ય કાવ્ય

  5. manvantpatel says:

    एनी आत्मसृष्टिने उच्छेदीने ,
    एना देहनी आरती शीद करो !
    “मारुं जीवन ए ज मारो संदेश “…..पू.बापु.

  6. Raju Yatri says:

    Very touching and on time. Shri Karsandas described Mahatma as a REAL Mahatma. Thanks a lot to Jayshreeben. That’s why Tahuko is leader in Gujarati vishwa!
    Shri Yogeshwarji wrote a MAHA-KAVYA on Mahatma Gandhiji which can be find at Swargarohanb.org

  7. DEEPAK says:

    કરસનદા માનણેક નુ જિવનઅન્જલિથાજો

    મહાલક્ષ્મીબેન અવરાણી ના કણ્ટે

  8. જીતેન ત્રિવેદી says:

    કરસનદાસ માણેકનુ – મને એજ સમજાતુ નથી –
    સાભળવુ છે અને વાચવુ છે.

  9. Chetan Mehta says:

    મને એજ સમજાતુ નથી કે આવુ શાને થાય છે
    ફુલડા ડુબિ જતા પથથરો તરિ જાય છે

    મારી પાસે આખુ ગીત છે.

Leave a Reply

Your email address will not be published. Required fields are marked *