પડછાયો હતો – શૂન્ય પાલનપુરી

આ ગઝલ કેરી ઇમારત છે અડીખમ આજ પણ,
એના પાયે ‘શૂન્ય’ કેરો પ્રાણ પૂરાયો હતો.

શૂન્ય પાલનપૂરીની આ ગઝલ.. આમ તો લગભગ ૨ વર્ષથી ટહુકો પર છે જ.. આજે ફરી એકવાર, સ્વર-સંગીત સાથે..
ગમશે ને?

સ્વર : સંગીત : ??

.

ડગલે પગલે ભવમાં હું જેનાથી ભરમાયો હતો,
કોને જઇ કહેવું કે એ મારો જ પડછાયો હતો ?

ભેદ અનહદનો મને ત્યારે જ સમજાયો હતો,
જે દિવસે હું કોઇની નજરોથી ઘેરાયો હતો.

નામ પર મારા કોઇ શરમાય એ એની કસૂર ?
હું વિના વાંકે જીવન આખું વગોવાયો હતો.

ખુદ ઉષા-સંધ્યા ન એનો દઇ શકી કોઇ જવાબ,
લોહીથી સૂરજનો પાલવ કેમ ખરડાયો હતો ?

તારી આંખોના ઇશારે મારી એકલતા ટળી,
ભરસભામાં હું નહિતર ખૂબ મૂંઝાયો હતો.

માફ કરજે થઇ શક્યું ના આપણું જગમાં મિલન,
ભીડ કૈં એવી હતી કે હું જ રઘવાયો હતો.

આ ગઝલ કેરી ઇમારત છે અડીખમ આજ પણ,
એના પાયે ‘શૂન્ય’ કેરો પ્રાણ પૂરાયો હતો.

15 replies on “પડછાયો હતો – શૂન્ય પાલનપુરી”

  1. Jaimin Shah says:

    વાહ વાહ ખુબજ સુન્દર …હુ પન પેહ્લલા લખતો હતો મને ઘનુ બધુ યાદ આવી ગયુ…..

  2. Vihang Vyas says:

    તારી આંખોના ઇશારે મારી એકલતા ટળી,
    ભરસભામાં હું નહિતર ખૂબ મુંઝાયો હતો.
    આજ તો પૂરો મુશાયરો લૂંટી લીધો બાપ !!!

  3. નામ પર મારા કોઇ શરમાય એ એની કસૂર ?
    હું વિના વાંકે જીવન આખું વગોવાયો હતો.

  4. UrmiSaagar says:

    માફ કરજે થઇ શક્યું ના આપણું જગમાં મિલન,
    ભીડ કૈં એવી હતી કે હું જ રઘવાયો હતો.

    વાહ…. અને…

    ભેદ અનહદનો મને ત્યારે જ સમજાયો હતો,
    જે દિવસે હું કોઇની નજરોથી ઘેરાયો હતો.

    આ તો ખુબ જ ગમ્યો.

  5. chetna.K.Bhagat says:

    ખુબજ સુન્દર રચના છે..મને પણ લખવાનુ મન થઇ ગયુ…બીજી પણ આવી રચનાઓ વાચવી ગમશે…બની શકે તો..”મન ને મીઠા બોલ થી બહેલાવનારા આપ છો..ઝેર પાઇ ને અમી સર્જવનારા આપ છો..ની રચના મુકજો..શુન્ય સાહેબ ની એ એક અમર ક્રુતિ છે…અને મારી ગમતી ગઝલ…..

  6. harish says:

    JIVAN HAI ANMOL,ISKA BHI HAI EK MOL .ISE NAFRAT KE TARAJU ME MAT TOL.

  7. kirit patel says:

    મારિ આન્ખે કન્કુના સુરજ આથમ્યા……………..
    રાવજિ પટૅલ નિ રચના મુકજો.
    આભાર
    કિરિટ પટૅલ

  8. Manthan says:

    ખુદ ઉષા-સંધ્યા ન એનો દઇ શકી કોઇ જવાબ,
    લોહીથી સૂરજનો પાલવ કેમ ખરડાયો હતો ?

    વાહ, પ્રકૃતિ ને પણ વણી લીધી?
    વાવ્યા વિના જ ફસલ ચણી લીધી?

  9. mukesh parikh says:

    દરેક શેર અફલાતૂન…..કોઈ એક ના વખાણ એ બાકીના શેર ની અવગણના કહેવાશે…. એવા દોષમાં ન પડાય…આફરીન…

    ‘મુકેશ’

  10. manvant says:

    શૂન્યનો પ્રાણ પુરાયો , ત્યાં વધુ શું લખાય ?

  11. Vijay Bhatt ( Los Angeles) says:

    કવિતા સ્રરસ છે !!!

  12. chandresh mehta says:

    MARE PAN JAVANU CHHE. TARE PAN JAVANU CHHE. JIVAN BIJU KAI NATHI, MAUT NU BAHANU CHHE. WHAT DO YOU SAY?

  13. Raju says:

    સરસ કવિતા, પન સ્વર સન્ગેીત નથેી બરાબર્

  14. Mehmood says:

    માફ કરજે થઇ શક્યું ના આપણું જગમાં મિલન,
    ભીડ કૈં એવી હતી કે હું જ રઘવાયો હતો…..

  15. kirti chauhan says:

    લોહેી થેી સુરજ નો પાલવ કેમ ખરડાયો હતો????

    ખુબ ખુબ સુન્દર્,…..

Leave a Reply

Your email address will not be published. Required fields are marked *