કૃષ્ણલાલ શ્રીધરાણી પર્વ ૨ : ભથવારીનું ગીત

ભથવારી – ખેતરમાં ભાત (‘ભાથું’)લઈ જનારી ખેડૂતસ્ત્રી.. કવિ શ્રી કૃષ્ણલાલ શ્રીધરાણીનું ખૂબ જ જાણીતું ગીત..!! મને યાદ છે – છઠ્ઠા કે સાતમા ધોરણમાં ચિત્રકામની પરીક્ષામાં હંમેશા ‘ભથવારી’નું ચિત્ર દોરવાનું આવતું. અને મારી એક સખી – સપના – પાસે એક એવી નોટબૂક હતી કે જેના ઉપરના પૂઠા પર એનું સરસ ચિત્ર હતું – એટલે અમે એની ‘કોપી’ કરવાની કોશિશ કરતાં. કદાચ એની નોટબૂક રાજકોટની હતી, એટલે એ શાળામાં બીજા કોઇ પાસે નહીં હોય 🙂 જો કે સપનાનું ચિત્રકામ મારા કરતા ઘણું સારું.. મને ખરેખર ઇ્ચ્છા થાય છે કે એને કહું – સપના, મારા ટહુકો પર ભથવારીનું ગીત પોસ્ટ કર્યું છે. તું મને એના માટે ભથવારીનું ચિત્ર દોરી આપીશ?

સ્વર-સ્વરાંકન – શ્રદ્ધા શ્રીધરાણી

અને હા, કવિ શ્રી વિષે થોડી વધુ માહિતી પણ અહીં નીચે વાંચો..!

KS1 KS2

 

ગોધણધણીની ભથવારી રે, હું ગોધણધણીની ભથવારી;
આંબો ને હું પ્રેમક્યારી રે, પતિ આંબો ને હું પ્રેમક્યારી.

સેંથડે સિંદૂર: પ્રેમનાં આંજણ, આંજ્યાં આંખે મતવારી;
ઢેલડી જેવી હું થનગન નાચું, આવને મોરલા રબારી રે….. હું…

રૂમઝૂમ રૂમઝૂમ ઝાંઝર ઝમકે, ભાલે શી સ્નેહની સિતારી;
ખેતર ખૂંદી કંથ થાકીને આવે, દેખે ત્યાં થાક દે વિસારી રે….. હું…

હળવે ઉતારી ભાત મહીડાં પીરસું, ફૂલડાંની પાથરું પથારી;
કંથડને કાજ ઘર રેઢું મૂકીને, આવું સીમે દોડી દોડી રે….. હું…

વા’લમને છોગલે ગૂંથું ચંબેલડી, પીંછાં ગૂંથું હું સમારી;
જોઇ જોઇને એ મુખ રળિયામણું, હૈયામાં ઉડતી ફુવારી રે….. હું…

5 replies on “કૃષ્ણલાલ શ્રીધરાણી પર્વ ૨ : ભથવારીનું ગીત”

  1. આ કવિતા થિ મને યાદ આવે મિથિ માથે ભાત્……બચપન મા કામ રુત્તિન દયુતિ નિ જેમ કરેલુ ચ્હે.
    જુસ્ત લાએઇક દાબાવાલા મેન ઇન મુમ્બૈ. બોમ્બય્.

  2. I have stayed in a village,where I used to see and watch BHATHWARI EVERY DAY

    Whenever I read this type of literature or poems in Tahuko or any other magazine
    I always go into my past village life and enjoy my past
    It was a wonderful life to be in villages of India far far better than the super luxurious
    Life
    Thanks
    Amrut kotecha at present Australia

  3. it is very nice poetry by shreedharaaniji.when i was in pre.arts it was in our cyllebus.mr.indravadan dave has analysed it very nicely before the students.after that gujaraati was not my subject but it is our mothertongue so interest has been maintained.

    i remembered mr. indravadan dave has became the first principaal pf padraa collage of m.s.university,baroda.

  4. ખુબજ મજા આવિ.ગિત ખુબ જ સુદર પ્ેમ નિતરતુ મધુર ગિત

Leave a Reply

Your email address will not be published. Required fields are marked *