કોઇ ટહુકે છે ખૂબ આઘેથી – રાજેશ વ્યાસ ‘મિસ્કીન’


ખૂબ તરસ્યો છું ધોધમાર વરસ,
તોડ બંધન બધાં ધરાર વરસ.

કોઇ એકાદ જણ તો ભીંજાશે,
છે વરસવું ભલે અસાર, વરસ.

મન અમારું ય સાવ માટીનું,
બસ અમસ્તું ય એક વાર વરસ.

યાદ પેઠે ફરી ફરીને તું;
આવ આવીને અનરાધાર વરસ.

આજ પણ કોઇ ભલે ના આવે,
આજ અંદર નહીં બહાર વરસ.

કોઇ ટહુકે છે ખૂબ આઘેથી,
ચાલ મિસ્કીન મૂશળધાર વરસ.

4 replies on “કોઇ ટહુકે છે ખૂબ આઘેથી – રાજેશ વ્યાસ ‘મિસ્કીન’”

  1. સુંદર ગઝલ…

    મન અમારું ય સાવ માટીનું,
    બસ અમસ્તું ય એક વાર વરસ.

    આજ પણ કોઇ ભલે ના આવે,
    આજ અંદર નહીં બહાર વરસ.

    – આ બે શેર ગમી ગયા…

  2. Harish says:

    Yes Mr. Tailor, I too liked these two.
    Mr. Tailor from Surat?

    If yes, Would like to read something flowing from your heart through pen on paper 🙂

  3. Mehmood says:

    આ વરસે અનરાધાર તોય
    પંડ કોરાં-ધાકોર સાનમાં સમજો રે મનવાજી… …

  4. dipti says:

    યાદ પેઠે ફરી ફરીને તું;
    આવ આવીને અનરાધાર વરસ…..

Leave a Reply

Your email address will not be published. Required fields are marked *