ત્યાં ત્યાં વધેરી નાખ તું શ્રીફળ પછી – અલ્પેશ ‘પાગલ’

લય્સ્તરો પર આ પહેલા પ્રસ્તુત થયેલી અલ્પેશભાઇની આ ગઝલ વાંચી ત્યારે જ આખે-આખી ગમી ગયેલી..! આજે એ ખજાનામાં ડૂબકી મારતા પાછી મળી – તો થયું તમારી સાથે વહેંચી જ લઉં..!

***

કૈં પણ નહીં બાકી રહે આગળ પછી,
તું શબ્દ સાથે મૌનને સાંભળ પછી.

તું ક્યાંક તો આ જાતને અજમાવ દોસ્ત,
આ જિંદગીને કહે સફળ નિષ્ફળ પછી.

ના, ના, દવા પ્હેલાં દુવાઓ માંગ મા,
પ્હેલાં પ્રયત્નો હોય છે, અંજળ પછી.

આ એક પળ બાકી હતી આવી ગઈ,
શું શું ન જાણે આવશે આ પળ પછી.

જ્યાં હાસ્ય સાથે પ્રેમનો ટહુકો મળે,
ત્યાં ત્યાં વધેરી નાખ તું શ્રીફળ પછી.

એક શક્યતામાંથી જ ઘટનાઓ બને,
થૈ જાય છે વટવૃક્ષ આ કૂંપળ પછી.

આ જિંદગીની રેસમાં આવ્યો છે તો,
‘પાગલ’ ન રે’વું પાલવે પાછળ પછી.

-અલ્પેશ ‘પાગલ’

11 replies on “ત્યાં ત્યાં વધેરી નાખ તું શ્રીફળ પછી – અલ્પેશ ‘પાગલ’”

  1. Jashvantbhai says:

    BAHU MAZANI GAZAL. BEST LUCK.

  2. ખુબ સુન્દર રચના એક “પાગલ”ની…જ્યાં હાસ્ય સાથે પ્રેમનો ટહુકો મળે, ત્યાં ત્યાં વધેરી નાખ તું શ્રીફળ પછી…જયશ્રીબેન મને પણ આખે-આખી
    ગમી ગઈ…બસ તમતમારે તમારા ખજાનામાં ડુબકી મારતા રહો અને અમને મજાથી ભીંજતા રહો..

  3. Jignesh says:

    અદભુત રચના

  4. અલકેશ પટેલ says:

    જ્યાં હાસ્ય સાથે પ્રેમનો ટહુકો મળે,
    ત્યાં ત્યાં વધેરી નાખ તું શ્રીફળ પછી.

    એક શક્યતામાંથી જ ઘટનાઓ બને,
    થૈ જાય છે વટવૃક્ષ આ કૂંપળ પછી.

    વાહ…વાહ…

  5. જ્યાં હાસ્ય સાથે પ્રેમનો ટહુકો મળે,
    ત્યાં ત્યાં વધેરી નાખ તું શ્રીફળ પછી.

    ખુબ સ્રરસ.

  6. manubhai1981 says:

    ગઝલ બહુ ગમી.શ્રેીફળ વધેરીશુઁ ને ?
    સાલ મુબારક ને જય શ્રેી કૃષ્ણ !

  7. kaushik mehta says:

    થ્સ સ વ્ય ન મ્

  8. Bimal Patel says:

    બહુ જ સુન્દર રચના. મજા આવી ગઈ.

  9. જ્યાં હાસ્ય સાથે પ્રેમનો ટહુકો મળે,
    ત્યાં ત્યાં વધેરી નાખ તું શ્રીફળ પછી.

    એક શક્યતામાંથી જ ઘટનાઓ બને,
    થૈ જાય છે વટવૃક્ષ આ કૂંપળ પછી.

    અલ્પેશભાઈ ધન્યવાદ.

  10. rajeshree trivedii says:

    તાજગીસભર રચનાઆભિનન્દન

  11. sejal says:

    કૈં પણ નહીં બાકી રહે આગળ પછી,
    તું શબ્દ સાથે મૌનને સાંભળ પછી.
    ખરેખર મજા આવી ગઇ. બહુ જ સરસ છે.

Leave a Reply

Your email address will not be published. Required fields are marked *